وصلات نوال عند ملاك هاد الاخيرة لي فرحتها كانت كبيرة بزاف ومقدراتش تخبي دموعها واخيرا لقات شي واحد تعاود ليه ويوقف بجنبها فالايام القادمة ...دوزات داك النهار غير فالمعاودة هيا ونوال والتخطيط لكل ما هو قادم بالاخص ملي تاكدو بلي عثمان باقي كيقلب عليها وفأي لحضة ممكن يلقاها ..... نهار جديد واحداث كثيرة فالطريق الزمان :الصباح بكري قبل مطلع الشمس /المكان: مطار طنجة ابن بطوطة الدولي ......باناقة كبيرة وخطوات واثقة وملامح يملأها الغضب كيف العادة كان واقف عثمان كيتسنا السائق ديالو ولي اكيد هذا غادي يكون اخر يوم ليه فهاد الخدمة ..... وصل السائق نزل كيجري عند عثمان وفتح ليه الباب السائق: السي عثمان علا سلامتك سمحلي اسيدي كان الزحام فالطريق بزاف سد ديك الباب عثمان ومشا طلع القدام وخلا السائق واقف تما عثمان: غدا دوز خود حسابك من الشركة وتحرك بسرعة كبيرة من بعد هاد الكلام عثمان: تفووو دايرين بيا غير الاغبياء ولكن كلشي من تحت راسك امهدي غير بلاتي وغادي ندفعك ثمن كلشي اما ملاك فاقت هاد الصباح وقلبها مقبوط ونفسيتها مغيرا نوال: صباح الخير نوال:ايهوو ملاك فين ساهية ياك لباس ملاك: ام اه لا والو غير مرديتش ليك البال نوال:ايوا يلاه نفطرو ونشوفو اش نديرو هاد النهار ملاك:اه غير سبقيني هاني تابعاك مشات نوال اما ملاك ناضت لبسات حوايجها ويلاه جات غدي تخرج من الباب حتا شدها الوجع...... كان قاسح بزاف لدرجة طاحت للارض وبقات تبكي وتغوت ولكن للاسف حتا واحد مسمعها ....بدات كتحس بلي صافي اجلها قرب وبلي مغديش تشوف ولدها فقدات الامل فالحياة بسرعة كبيرة محاولاتش تقاوم .. اصلا كانت جسد بدون روح كانت كتمنا انها تموت وتكون نسيا منسيا وهاهي دبا مابين الحياة والموت لكن الخيار مشي بيدها بل بيد قدرها نوال شافت بلي ملاك تعطلات بزاف وحاولات تاصل بيها بزاف ديال مرات لكن مجاوبتهاش دخلها الشك وطلعات تشوف...بان ليها الباب مفتوح وهنا زاد خوفها واول حاجة جات فبالها كان عثمان ...لكن غير قربات للباب بانت ليها ملاك فالارض وحالتها نوال: ملاك ملاك اش واقع مالكي ملاك: اييييي كنموت صافي اه اه اه اي اي اي اي نوال: ششش صافي صبري شوية عفاك صبري هزات نوال التليفون وتاصلات بالاسعاف بسرعة ورجعات عند ملاك كتهدنها مدازش بزاف ديال الوقت حتا وصلات سيارة الاسعاف ونزلو ملاك اما نوال بقات حتا خدات شي حوايج معاها وتاصلات بالطبيبة الخاصة ديال ملاك وخبراتها بكلشي حيت هي لي غادي تولد ملاك وعاد خدات السيارة ديالها وشدات الطريق للمستشفى .... دخلو ملاك للمستشفى وبالظبط لقاعة الولادة وكانت الطبيبة ديالها تما حتا هي اما نوال غير وصلات مشات تقاد الاوراق لكن لقات مشكل ديال الاب حاولات تهرب وتأجل بحجة انه مسافر خارج المغرب .. داز مدة ساعة تقريبا واخيرا كملات العملية تحل الباب وناضت نوال كتجري نوال:اوه الحمد لله ياربي وينوووووو الممرضة:مبروك تزاد عندكوم وليد نوال:الحمد لله ياربي وينوو شحال صغيور الحبيب ديالي ...وكيف بقات ملاك لباس عليها الممرضة: اه كانت الولادة ديالها صعيبة ولكن هي دبا مزيانة واحد الشوية وغدي تطلع البيت ديالها نوال: اه شكرا والبيبي صحتو مزيانة الممرضة: اه صحتو مزيانة وخا الوزن ديالو ناقص شوية لكن غير بالرضاعة من الام ديالو غدي يعوض واخيرا رجعات الروح فملاك خدات الصاك لي جابت وتبعات الممرضة باش تعطيها الملابس ديال البيبي ملاك بدات كترجع لوعيها وكتفتح عينها غير بالشوية معرفات فين كاينة ولا اش وقع حاسة بفراغ فراسها وحتا فبطنها هزات يدها بصعوبة وحطاتها فوق كرشها واخيرا قدرات تتفكر اش وقع صديقها الوفي اكيد كان حاضر معاها بقوة فهاد اللحضة اه اكيد كتقولو شكون ........ انا نقول ليكوم الخوف هو اوفى صديق عند ملاك سكن قلبها وكل جزء فيها خافت تكون خسرات ولدها قبل ما تشوفو وتحفظ الملامح ديالو فعقلها..خافت الحبل الوحيد لي باقي كيربطها بهاد الدنيا يكون تقطع .. هاد البيبي كان بالنسبة لملاك مثل النور فاخر الممر المضلم او مثل واحة وسط صحراء قاحلة ...او ان صح القول كان اخر امل ليها فالحياة ... حاولات تنوض توقف لكن الالم لي كانت تحس بيه تغلب عليها .. تحل باب الغرفة نوال :ملاك اش كديري خليك فبلاصتك فين غاديا ملاك: هئ هئ نوال ختي فين ولدي قولي عغاك اش وقع ليه هئ هئ نوال:ششش واش حماقيتي صاف غير رتاحي ولدك راه لباس عليه انا عاد جيت منعندو شكون قاليك واقع ليه شي حاجة ملاك: و ولكن علاش مجابوهش عندي علاش نوال: فين يجيبوه نتي هادي يومين ونتي ناعسة راه العملية ديالك كانت صعيبة وانا كنت معاه كل الوقت املاك واخيرا رجعات النفس فملاك ورتاح قلبها نسبيا نوال: هه يلاه انا غادي نعلم الطبيبة ديالك باش تجي تشوفك وحتا الممرضة باش تعاونك دخلي دوشي وتقادي حالتك ههه وعاد نجيب ليك الكتكوت ملاك:ههه اوكي اجي واش علمتي ماما نوال:اه راه قلتها ليها وبغات تجي لكن مخليتهاش راكي عارفة عثمان باقي محيدك من راسو حتا تشافاي ونشوفو اش نديرو ملاك: اه اوكي شكرا بزاف 😘😘😘😘 خرجات نوال وجات الطبيبة عند ملاك كشفات علا حالتها وحاولات توقفا رغم الالم لكن خاصها توقف وكذلك عاونتها الممرضة تقاد حالتها .... اما عند عثمان فاق هاد الصباح بكري اصلا ليل كامل مغمضش عينيه لبس حوايجو بانت ليه سهيلة جالسة فالجردة وجا نازل عندها لكن قبل ميوصل لقا سهيلة دخلات للدار ....مشا وجلس فبلاصتها وكيفكر كيف العادة ..مدازش بزاف ديال الوقت حتا فيقو التيليفون من السهو ديالو اه التليفون لكن ماشي ديالو هذا تيليفون سهيلة لي نساتو فوق الطابلة .. تردد بزاف واش يهزو ولا لا ولكن كيف اي انسان الفضول دائما كيغلبنا خدا التليفون ولقا رسالة فتحها الوقت حبس فهاد الاثناء عنين عثمان خرجو كتر عقلو كيفكر ويحلل بسرعة كبيرة بزافف ..كيقرا ويعاود وكانه ممتيقش او خايف يغلط فشي حرف واخيرا تاكد من كل حرف قراه مسح الرسالة وحط التليفون فبلاصتو هز جاكيتو وخرج كيجري بحال الحمق..هز الطموبيل وتحرك بالزربة كان متوتر بزاف وحاير اش يدير بقا كيفكر بزاف وفالاخير وقف وخدا التليفون ديالو قلب على اقرب رحلة بالطائرة للوجهة ديالو ولحسن الحظ ديالو كانت فاقرب وقت اي بعد ساعة ...واخيرا قدر يبتاسم لكن مكانتش بتسامة فرح 😊بل مكر 😏شد طريق المطار بسرعة جنونية عثمان:هههه مشي عثمان لي تدار بيه وغادي نحاسبكوم كاملين غير بلاتي .. غير بلاتي وبلا مدوخو قريب تفهمو اش وقع واشنو قرا عثمان فداك الرسالة وحتا فين غادي 😎😎 اما عند ملاك كتسنا ولدها على احر من الجمر واخيرا تحل الباب ودخلات الممرضة هازاه وحطاتو بين يدين ملاك احساس ملاك كان غريب بزاف مقدراتش تحبس دموعها خداتو عندها وعنقاتو وهي كتبكي الممرضة: انسة ملاك هو غدي يبقى عندك دبا لكن خاصكي تحاولي ترضعيه لان الجسم ديالك صاف دبا تخلص من المخدر ملاك:اه صافي واخا خرجات الممرضة وخلات ملاك لي دموعها محبسوش كان شعورها زوين بزاف وكانها كتملك الدنيا بين يديها اول مرة كتحس بالقوة وانها قادرة تواجه اي واحد...حسات بلي روحها مبقاتش ملكها بوحدها بل رجعات كتقاسمها مع ولدها.... اكيد احساس الامومة كان قوي عند ملاك رضعاتو وبقات هازاه وكتامل فيه وفملامح ديالو ..تصدمات بزاف ... سبحان الله ولدها كان نسخة طبق الاصل على عثمان ملاك: الله ياربي واش مغديش نتهنا منك اعثمانننن ..ولكن هذا ولدي انا وخا يشبه ليك فالوجه لكن عمرو يشبهك فتصرفاتك نعساتو بين يديها وعينيها غير عليه وبزاف ديال الافكار كيدورو فراسها ملاك: لا ميمكنش كيفاش متفكرتش هاد الشي انا باقي مقررت اش غادي نسميك الحبيب ديالي ولكن غدا انشاء الله غدي نكون فكرت فاسم زوين بحالك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
