"Panaginip"[Completed]

Zacharias McBride

A/N

Shout out ulet kay
Fesantos0106...thanks for reading my story dear...

=========================
Zach's POV...

Panay lang ang sunod niya kay Melanie.Nag commute lang sila papuntang wet market ayaw nitong magdala ng sasakyan.Isang sakay lang ng trysikle at nakarating na kaagad sila ng palengke.

Nakasimpleng short shorts lang ito at isang medyo may kalumaan ng t-shirt.Naka stinelas na goma sa paa.
Siya nama'y naka khaki short at white v-neck na t-shirt at rubber shoe's sa paa.

Ayaw siya nitong isama ngunit nag pumilit siya.Sunod lang siya ng sunod,habang namimili ito ng mga prutas.Nakita niyang bumili ito ng pipino,carots,mansanas at pinya.Nakatingin lang siya rito habang nagbabayad.

"Ito ang pinupulutan naming mag babarkada tuwing nag iinom kami.Sinasawsaw sa mayo na may ketchup." Paliwanag nito sa kanya kahit hindi siya nagtatanong.

Tumango lang siya at kinuha niya sa kamay nito ang eco bag na may lamang prutas.

Nakita rin niyang bumili ito ng atay ng manok at itlog ng pugo,pagkatapos ay bumili naman ito ng gulay.Mag giginulayan ito base sa kanyang nakikitang ingredients.

Ganito pala ang buhay ng mga taong hindi mayaman.

Anyway,hindi ito ang first time na nakarating siya ng wet market.Madalas siyang isama ni Nanay pining noong bata pa siya kapag namimili ito ng supply sa mancion.

Maganda at malinis ang palengke ng Tanauan.May kanya kanyang stall ang bawat magtitinda.Bukod -bukod ang mag titinda ng gulay,isda at bukod pa rin ang tindahan ng mga karne.

Natigil siya sa pagmamasid ng makita niya itong bumibili ng alak sa grocery.Pati na rin ng malalaking tsitsirya.

"Ayaw ba ng mga kabarkada mo ng red wine?" Tanong niya ng makasakay na sila ng trysikle.

"Sus,tama na 'to.Mas maganda to tumatama agad.Hindi pa ito masyadong magastos.Yelo at juice lang 'to katapat na."

Ibig niyang matawa sa mga lumalabas na salita sa bibig nito.Akala mo ay tambay sa kanto.

"Ah..." Nasabi na lamang niya.

Inihilig niya ang ulo nito sa kanyang balikat.Hindi naman ito umangal.Hindi niya alam kung papaano pa siya lalapit rito matapos ang naging pagtatalo nila kanina.

Pakiramdam niya ay umiiwas itong dumikit sa kanya sa lahat ng oras.Siguro ay dahil inaakala talaga niyang wala siyang nararamdaman para sa rito.Katulad ng sinasabi nito ginagawa raw niya itong gamot sa puson.

Kung alam lang nito kung paano uminit ang ulo niya noong hindi ito umuwe sa mansion.Hindi rin niya maipaliwanag ang nararamdaman para sa babae.Importante ito para sa kanya.Pero hindi niya alam kung bakit hindi niya magawang sabihin iyon sa babae.

Pakiramdam kasi niya ay iiwanan din siya nito anumang oras.

Nakapangako na siya sa kanyang sarili na hindi na muling iibig pa.Sapat ng nasaktan siya't napahiya ng dalawang beses.Ngunit nasira iyon ng madatnan niya ito sa kwarto ang isang lasing na babae.

Wala naman sa babae ang problema. Nasa kanya,hindi niya maalis ang takot sa isip niya. Parang hindi niya kaya pang magtiwalang muli.

Pero kapag kaharap niya si Melanie ay parang biglang naglalaho ang mga agam-agam sa kanyang isipan.

Natigil siya sa pag mumuni- muni ng kalabitin siya ni Melanie.

Maang siyang napatingin dito.

"Bababa na tayo,ano bang pinag iisip mo?" Tanong nito sa kanya.