#اليتيمة
#ح_٤٨
#روز_الفياض
.
.
.
كم مثلي ممَن لمْ يَجد في الأَرضِ بيتاً يَضّمهُ ؟؟
.
.
.
لمى:
شكمل ؟
علي:
دراسه غير؟
لثواني اخذتني الرهبة من الي فهمته من كلامه ..
كلبي رجف من مجرد كلمة ..
فرحه خفت تبين على ملامحي لان شي مستحيل يصير ..
لمى:
ياريت بهالبساطه ...
علي:
وشنو الصعوبه البيها؟
بلعت ريكي وكتله بخوف :
يعني هسه اذا اريد اكمل تقبل ؟؟
علي:
اي ليش لا بعدج صغيرة يجوز تحتاجيها الشهاده ..
وماعندج شي يمنع بس صوفي ..
كملي سادس خارجي وبعدين اذا نجحتي الله كريم ..
بقيت ساكته عبالي يضحك علي ..
علي :
شبيج ؟؟؟
حاولت ابين عندي ثقة بنفسي وحاولت ابين رأيي بدون خوف كتله :
لا ...
اذا اكمل سادس وانجح معناها لازم ادخل كليه ...
امنيتي احلم حلم ويتحقق كامل مو بس الجزء العادي والجزء الاهم يروح يختفي وينداس بدون اسباب تسوى ..
علي:
ههههه ...
هاي طلعتي طماعه لو كل شي لو ولاشي ؟
لمى:
اني هيج ...
اذا اريد شي لو كامل كل شي لو ولا شي ..
مااحب اضحك على نفسي ..
علي:
لو ابيض لو اسود ماكو حل وسط هههه ..
لمى:
لا ماكو ...
الوسط معناها جذب ..
لا ربح ولاخسارة ..
الوسط معناها تبقى بالانتظار وعلى امل وهالامل مراح يجي ..
معناها تغش نفسك وترضي المقابل على حساب نفسك ..
وتبقى متندم كل عمرك ...
باوعلي بصوره مباشره لوجهي ..
بقى يباوعلي مده بدون كلام بعدين نزل عينه ودار وجهه :
الله كريم من تبدي السنه الجديده اسألج ...
وان شاءالله تكملين ..
لمى:
ان شاءالله ..
الله يسمع منك ..
.
.
.
ثم تصطفي الصمت، وأنت لديك
من الكلام ما يكفي لصنع طوفان..
.
.
.
لايك وتعليق وعشر ملصقات فضلا
