اليتيمة

اليتيمه59

#اليتيمة
#ح_٥٩
#روز_الفياض
.
.
.
سينجيكَ الله مهما تعالت عليك سطوةُ الأحزان، وسيُضيءُ لك كلَّ عتمةٍ، وسيُهوّن بلطفه عليكَ بأس الأيامِ وشدتها .. الطُف بقلبكَ، فاللهُ ربّك وهذا عطاؤه 🤍
.
.
.

غسلتله وبدلتله ورجعت نومته ..
انفتح الباب اني كمزت كال:
ليش اخذتي؟
مو كتلج خلي يمي ينام ؟؟

جنت متمدده .. كعدت كتله:

مو غسلتله وغيرتله ورضع ونام ..
مااكدر اخليه طول الليل يمك يجوع وخاف يكعد يبجي ..

دنك شاله اخذه لغرفته..

اني نمت غفيت بس كل شويه اروح اشوفهم خاف مصطفى يكعد ويعذبه هو تعبان صار (٣ ) ايام العزا.

بقوا نايمين واني نمت والساعه (١٠ )ونص كعدت كوه من التعب والنعاس ..

اريد اسوي غدا بس كلت خل انظف الحديقه والكراج اول بعد وكت
خلصت ونظفت ورجعت باوعتلهم نايمين شويه وكعد علي اني بالهول متمدده من النعاس ..

علي:
صباح الخير.

كعدت بسرعة :
صباح النور.

راح غسل ورجع كعد بصفي ..

علي :
شعندج كاعده ؟
منمتي البارحه ولاخليتينه انام ..
اكو واحد ينظف بالليل ؟؟

لمى:
مو البيت كله تراب صار شهر ممنظفي كل شي بي تراب.
والصبح بس يكعد مصطفى بعد ماالحك اسوي شي ..

علي:
اي فارغ محد بي اني راجع بالطريق واتصلوا بيه كالوا ابوي اتوفى.

لمى:
الله يرحمه.

علي:
الله يرحمه

سكتت مااريد اسأله وين رحت ؟
وليش رجعت ؟

علي:
انت تفكرين اكثر مما تحجين ..

لمى:
شحجي؟

علي:
اي شي.

لمى:
احتمال اذا احجي تزعل ..

علي:
لا ماازعل ..
احجي ..

هم محجيت شي ممتعوده اعاتب لو اشتكي اني متعوده على اهمال الناس بقت عليه هو ..

علي:
مادام مناويه تحجين معناها اني احجي ..
اني احجي وانت سمعيني ...
سافرت حتى اشوف نفسي ..
ارتب افكاري ..
وانت هم تفكرين ...
اني مااعرف انت شنو تحسين تجاهي بس اني متأكده من نفسي احبج ...

الكلمة !!!
اللي كل عمري احلم اسمعها !!!
معقولة سمعتها هسه ؟؟؟
.
.
.
- أنتِ تميلين إلى فلسفة الأمور
= بل أنت من تميل إلى تسطيحها.
.
.
.
لايك وتعليق وعشر ملصقات