#اليتيمة
#ح_١٤
#روز_الفياض
.
.
.
الخَيبة تجعل الأنسان يَميل للهدوء دائمًا.
.
.
.
صارت الساعة ب( ٢ ) نومت مصطفى واتغديت وبعدين اتصلت بهدى اختي حجيت وياها شويه.
كمت غسلت ملابس وطلعت غسلت الحوش والساعة ب (٣ ) ونص رجع هو اني بالهول كاعده.
علي:
السلام عليكم.
لمى:
وعليكم السلام.
راح لغرفته بدل وطلع راح يغسل ورجع لغرفته يصلي بعدين طلع.
لمى:
تتغدا؟
علي:
لا اريد انام.
كمت رحت لغرفتي واخذت مصطفى اللي كعد يبجي .
دك الباب كال :
سمعت صوت مصطفى لتنوميه خلي شويه عندي..
لمى:اي مو سبحته اليوم فمتنحس شوي ..
انطيتهيا اخذه لغرفته واباوعله سد الباب بقيت بحدي بالغرفه نمت مكعدت الا وكت الاذان.
طلعت اركض للهول اشوف مصطفى ماكو معناها بقى يمه بغرفته يمكن ناموا اثنينهم.
رحت اتوضيت، وصليت وكعدت انتظر يطلع من الغرفه.
واني ادعي بكلبي ياربي هنا اريحلي من كل مكان جنت بي صحيح هالرجال مجبور ويسمعني كلام قاسي بس عالاقل اغلب الوقت وحدي بدون مغثه ..
ربي ديمها علي وخلي هالرجال متحملني ومتحمل ابني ..
سمعت صوت مصطفى كعد يبجي طلع هو شايله اخذته منه غسلتله ورضعته هو صلى وكعد بالهول ...
اكيد يريد يتغدى ..
.
لمى:
تتغدا؟
علي:
يالله اوكي.
كمت صبيتله وجبته يمه بالهول وسويت جاي ورحت لغرفتي.
استمر هالوضع شهرين وباجر موعد التلقيح مال مصطفى، انتظرته بالليل يرجع حتى اكله رجع ب11 صبيتله عشا ورحت خليته يمه ورحت سويت جاي وجبته يمه كتله:
باجر موعد التلقيح مال مصطفى.
علي:
ادري حاسب حسابي الصبح اورح للدوام اترخص وارجع اخذكم ان شاءالله.
لمى:
ان شاءالله.
الصبح كعدت كالمعتاد جهزت الريوك اتريك وراح اني كمت لبست ولبست مصطفى ورضعته وخليت شال على شعري وهو اجه طلعنه رحنه لقحناه بس مرجعنه للبيت اخذنه للمول اول مره اروح للمول بحياتي واشوفه ..
اشترى عربانة طفل لمصطفى وجربايه وملابس هوايه شغلات اشترها تقريبا مخلى شي كل اللي يشوفه ياخذه ..
.
.
.
أغلقو الأبواب، علموهم أحترام الفرص
.
.
.
لايك وتعليق وعشر ملصقات فضلاً
