#اليتيمة
#ح_٢٨
#روز_الفياض
.
.
.
أقاوّم العالم وحدِي أذْبل لوحدي أسّتعيد عافيتي وحدِي ثُم في لحظة جحيّميه يقول لك أحدهُم أنا معك. عفواً من انت؟!
.
.
.
علي:
مصطفى نايم؟
لمى:
اي هسه يكعد ويبقى للصبح يلعب ويخبلني ..
علي:
ههههه حبيبي هادئ حتى من يلعب ..
بس هالايام متنحس شويه لان ديطلع اسنان يمكن هسه وقتها مو ؟؟
لمى:
اي صحيح.
علي:
تحبيه لمى؟
صفنت بوجهه متفاجأة ...
حسيت بقشعريره بجسمي من سمعته لفظ اسمي ..
مااتذكر شوكت كال اسمي يمكن اول مره يكوله ؟؟!!
مثل ما هاي اول مره يكعد يشرب جاي او ياكل يمي ..
انتبهتله يباوعلي منتظر مني جواب ..
بلعت ريكي حتى اركز وكتله :
اكثر من روحي بس هو عندي علموده اني متحمله كل شي وعايشه .. شعندي غيره ..
محجه بالبدايه يمكن ضاج من كلامي بس اني مقصدت شي بكلامي ..
علي:
هو اذا اني هلكد احبه طبيعي انت تحبيه اضعاف حبي اله انت امه.
لمى:
ان شاءالله باجر يكبر ويعوض صبري خير ومينكر فضلك ..
حجيت هالكلمتين وسكتت حسيت بغصه شكد الحاجه للناس صعبه الله لايعوز احد لاحد ربي لاتذلني اكثر ..
ربي بكرمك ورحمتك اغنيني عن الناس ولاتحوجني لاحد غيرك يارب ..
علي:
اني ممنتظر من احد يعوضني لو يجازيني لان انتو اهلي محد ينتظر جزاء من اهله هذا واجبي مصطفى ابني اللي جنت اتمناه وانت امه مقامج من مقامه معززه مكرمه واي شي تحتاجي اني حاضر مااكدر اكول زوجتي لان مو صحيح هالوضع انت مجبوره جنتي لان ماكو بديل وبالنسبه الي اني محمد واكف بيني وبينج ...
بلعت ريكي كوه وماادري ليش حسيت كلامه هذا وراه شي اليوم هو كله مو على بعضه ..
حسيت عنده كلام يريد يكوله وخايف يكوله ...
معقولة يريد يتزوج ؟؟؟
.
.
.
"لا تتحدى شخص متصالح مع وحدته ،ولا يهتم لكونه وحيداً، لأنك ستخسر دائماً."
.
.
.
لايك وتعليق وعشر ملصقات فضلا
