اليتيمة

اليتيمه40

#اليتيمة
#ح_٤٠
#روز_الفياض
.
.
.
كفانا الله شر الإستناد على كتف يستثقلنا .
.
.
.

لمى:
مو مشكله .. للصبح اصير زينه ..

علي:
ان شاءالله ...

بقى كاعد يباوعلي وساكت ..
بعدين كلي :

يالله تصبحين على خير.

لمى:
اجمعين ..

راح وسد الباب اني كمت قفلته وراه ...
اخ منج ياهدى مو جنت ماافكر بهالطريقة ولاخايفة منه ليش خليتيني اخاف ؟؟
الا تحجين هالحجي يعني وتغيرين فكرتي عنه وتخليي احط عليه نقطة حمره واخليه بقائمة المحظورات ...

بقيت كاعده اتكلب واتعوذ من الشيطان كل شوية حتى ارجع طبيعيه وهو هم ..
مثل اول مااجينه عنده ..
جان كل شي اسهل وابسط ..
هسه افكاري تصورلي اشياء يمكن هو مو اباله ..

يمكن وره نص ساعه دزلي مسج :
نمتي لو بعدج ؟؟
لمى ..كاعده ؟
اذا كاعده تعالي اريد احجي وياج بموضوع.

لا اكو شي ..
عنده شي ..
شافني متصله يعني مااكدر اغلس ..
طلعت على كيف وحافيه رحت للهول ..
بس مشفته !!!
كلت معناها بغرفته ؟
بس مااتجرأ ادك عليه باب الغرفه بهالليل !!!
شبي هذا ؟؟

رجعت لغرفتي وسديت الباب وقفلته من جديد ..

وره شويه اجه حاول يفتح باب الغرفه !!

كعدت عدل كتله :
منو ؟

علي :
اكو احد بالبيت غيرنه يعني ؟؟

لمى :
يالله جايه ..

يمكن اكو شي لذلك ديلح ..
كمت فتحت الباب كال :

مو دزيتلج مسج وقريتيه ليش مااجيتي مادام كاعده ؟؟

لمى:
اجيت بس ملكيتك بالهول ..

علي:
معناها بالغرفه ..
هاي مينردالها روحه للقاضي ..

لمى:
اعرف ...
اعرف بالغرفة ..
بس يعني تشوفها حلوه بحقي اروحلك لغرفتك بهالليل ؟؟

صفن بوجهي ثواني بعدين استدرك الموضوع كلي :
ليش اني غريب شنو المو حلو يعني؟
انت مرتي ..

لمى :
هاا ؟؟!!!

بدون كلام لزمني من زندي :

امشي كدامي لتكعدين الولد ..

مشيت وهو بعده لازمني من زندي !!
استحيت حسيت اليوم ماخذته الميانه ..
ماادري كلمة مرتي اليوم متغير مفهومها عنده ؟؟

علي:
فوتي اشوف ..

دخلت لغرفته كلبي يركع احسه مثل الطبل ..
اريد اسيطر على نبضات كلبي واهدأ مااكدر ..
بس شفته سد باب الغرفة عرفت الموضوع ..
حسيت صار عندي مغص كلت هدى حجيها صحيح ..
كلامه جان كله تلميحات بس اني غبية مفهمت ..
جان يكول اريد المقابل بس اني استهبل واكول مختلف ..
مو مثل محمد ..

علي:
كعدي ...

باوعت وين اكعد ؟؟

كعدت عالحافه مال الميز تواليت هو بقى واكف يباوعلي وساكت ومدنك ..

علي:
لمى اريدج ..

لمى:
نعم ؟؟!!!

علي:
اللي سمعتيه.

بقيت مبهوته !!!
احس نشف الدم بعروگي ..
بدون مقدمات بدون محاولات بدون شرح وتبرير ..
هيجي بكل بساطة لمى اريدج ؟!!!

.
.
.
يـارب
" وَأنّي أَعلَمُ أنكَ مُحيطٌ بِما يَضجُ بِهِ قَلبي ."
.
.
.
لايك وتعليق وعشر ملصقات