#اليتيمة
#ح_٥٢
#روز_الفياض
.
.
.
لا تجبر أحداً على فعل شيء هو لا يريده ،
لاتنتظر رسالة عابرة تفرحك
لا تطلب الاهتمام ولا الحب
حلاوة الاشياء ان تأتي من تلقاء نفسها !
.
.
.
رحت لكيته كاعد كعدت ..
علي:
ماادري الي اسويه صح لو غلط .
وماادري الكلام اللي كلتي صح لو لا ..
بس اني احس اريدج ، وبنفس الوقت مااريد اظلمج ...
بس لازم اعرف انت شنو مشاعرج تجاهي ؟؟
يعني انت ترديني مثل مااني اريدج لو لا؟
لمى :
اريدك او مااريدك النتيجه وحده اني مااريد اتورط واجيب طفل ثاني بعائله ممستقره ...
مصطفى لو جان محمد موجود اكيد من يكبر راح يحس ويفهم ويعرف ابوه ميحب امه ..
وهسه نفس الشي ...
اذا صار طفل وانت متحبني لان بعدك تحب زوجتك الله يرحمها راح يعيش نفس الوضع واني هم ماعندي استعداد اعيش نفس التجربه واكون زوجه وقت الحاجه بس ..
ماعندي استعداد اتحمل ذنب طفل ثاني يكسر ظهري واحتار بي وحدي وباجر من يكبر يكولي ليش اتزوجتي ابوي ...
سكت باوعلي ...
وبعدين كال:
اني راح اسافر فتره احتاج اسافر وارتاح ..
اريد افكر صح حتى اقرر ..
محجيت شي لان غثني رده ...
لو اقبل لو يسافر !!!
يريد يرتاح على كولته !!!
يمكن تعب من مسؤوليتنه لو ضاج من ردي ...
عباله يمكن مثل المره الفاتت انزع ملابسي كدامه واقدمله نفسي على طبق من ذهب علمود يرضى !!!
علي:
هدى او سرى يكدرون يجون هنا وياج ؟؟
لو تردين انتي ترحين عدهم ؟؟
رغم جنت اني اريد اروح وابقى يم هدى كم يوم بس من كلي انقهرت حسيتها طرده ..
ظليت مااعرف شجاوبه .. بلعت ريكي وكتله على كيف :
لا اني اروح يم هدى احسن ..
لاتشيل همنه ..
علي:
خلص معناها جهزي الاشياء اللي تحتاجوها حتى العصر اوديكم ...
اتفاجأت وانقهرت حيل ...
رده سريع متحمل اكوله لا راسا قرر يسافر ويخلص من عدنه !!!
او يمكن يريد يلوي ايدي على كولتهم يريد يجبرني اقبل يدري مالي احد ومااكدر ابقى طول عمري يم هدى اني وابني ؟؟؟
كمت جهزت ملابسنه واشيائنه ودموعي تصب ..
حتى ماادري شكد يبقى حتى احسب حسابي اخذ ملابس قليل لو هوايه ؟؟
بس راح اخذ هوايه لان جنه هالمره بعد ميتحملنه اكثر ..
مل وحس نفسه اتورط ..
.
.
.
خذو دائمًا مايليق بكم ويوازي أرواحكم، من حلم، وأشخاص، وحتى كلمات..!
.
.
.
لايك وتعليق وعشر ملصقات
