اليتيمة

اليتيمه54

#اليتيمة
#ح_٥٤
#روز_الفياض
.
.
.
‏افتحي نافذتكِ وأشرقي كما تشرق الشمس ودعِ الحياة تحيا من حولكِ مثل الوردة التي تحيا في كفكِ والقهوة التي تحتسينها على مهل وعصافير الصباح التي تغني من أجلكِ ...
هكذا تفرح الطبيعة بالجميلات حين يطلون من النوافذ ...
.
.
.

هدى :
خلص حبيبتي خلص ...
كافي ..
لاتبجين ...
لا تحجين هيج مو زين عليج هذا القهر ...
بعدين يصير بيج شي وانت بعدج شابه وابنج صغير ...
فوضي امرج لله حبي ربج يرتبها لاتفكرين بعد ..

لمى:
ونعم بالله ..

مسحت دموعي وحاولت اهدأ ..

بقيت عد هدى لحد الان (٣ ) اسابيع علي جان يراسلني بس يسأل على مصطفى واذا محتاجين شي ومو يوميه كل يومين او (٣ ) تقريبا.

اني هم مردت اسأله رجعت لو بعدك ..
او انت وين ؟
او شوكت ترجع ؟؟
ماله داعي افرض نفسي عليه بعد ..
هو لو رايدني صدك جان اقل شي يسألني شلونج شخبارج ..
جان اتصل حتى يحجي وياي او يسمع صوتي ..
ليش اني اشتاق لصوته وهو لا ؟؟
ليش افكر بي وهو لا ؟؟

بيت هدى جان جديد مصارلهم كم شهر من بنوه حلو ومرتب بس اني جنت مخنوكه ...
زوجها خوش انسان حباب ومتدين ومرحب بينه بس جنت احس نفسي ثكيله عليهم ..
رغم اعرف ميفكرون هيجي بس هالاحساس دائما عندي بكل مكان اكعد بي مو بس عدهم ...
وجان موقف علي وسفره مأذيني كل ظنوني طلعت صحيحه ميحبني ..
ولامعجب بيه ..
بس كل ماهنالك جان يريد حاجته ويعرف مااكدر ارفض ومن حجيت بصراحه اتغير.

جنت اتمنى يخابر ويسألني شلونج كلش كافيه عندي بس ماكو ..

وراها بأيام بالليل جنت كاعده اباوع لصور مصطفى ودخلت هدى كالت :
لولو اكعدي لج عمار يكول ابو محمد اتوفى.

لمى:
شنو؟
ابو محمد !!
يامحمد؟

هدى:
محمد اخو علي زوجج بعد منو ..

فزيت وكعدت عدل كتلها :
شوكت؟

هدى:
ماادري هسه اتصلوا بعمار الظاهر متوفي العصر.

لمى:
لاحول ولاقوة الا بالله
خطيه ..
الله يرحمه .

ظليت ابجي الليل كله لان بس هو جان زين وياي بذاك البيت هو الوحيد منهم اللي مسمعني بيوم حجايه تغث صح جان موقفه سلبي ميدافع عني بس مأذاني بقصد.

الصبح اخذنه عمار اني وهدى للعزا وبقيت مصطفى يم اولاد هدى مااريده يشوف البجي ويخاف.
بقينه كاعدين للظهر ورجعنه لان كلبي يم ابني وهدى هم مناك بيتها واولادها.

العصر هم رجعنه وبقينه لحد الليل .

مشفت علي ولاسمعت احد يصيحله ..
ماادري موجود لو مسافر؟
لو شنو الموضوع ؟
بس ممعقوله ميحضر عزا ابوه ..
اكيد اتصلوا بيه وبلغوه .

ثاني يوم جابني عمار الصبح بس اني هدى بقت وسرى اجت ورايه للعزا هي وزوجها ..

.
.
.
‏التمني شعور سلبي ..
كل شيء تتمناه فأنت تجعله بعيداً عنك.
إذا أردتَ أن تحقق شيئًا ، فلاتتمناه..
بل اجعله هدفاً لك
واعمل للوصول إليه
ولا تشعر باليأس من حصولك عليه
بل تفاءل بأنك ستحققه بعون الله.
.
.
.
لايك وتعليق وعشر ملصقات .