#اليتيمة
#ح_٧٥
#روز_الفياض
.
.
.
نظره أخرى منك لو سَمحت، لم يرتوي قلبي بعد .
.
.
.
.
وره شويه اندك الباب وطلع هو ودخل كال :
لمى ..
لاتدخلين للهول اصدقائي اجوا راح ادخلهم من ذاك الباب.
لمى:
ان شاءالله.
دخلوا اني سويت جاي رجع هو اخذه الظاهر همه جايين علمود رجع من الاربعينيه مالت ابوه ..
اسمعه يبجي ..
شويه واندك الباب ماادري منو دخل بس اسمع صوت حماي يمكن اجه وكلهم يبجون ..
الله يساعدهم خطيه يحبون ابوهم لان شافوا منه طيب ومحنه جان يحبهم مو مثلي ياريت ابوي متوفي وابوهم باقي ..
هم يبجون بالهول واني بالمطبخ ابجي على بجيهم ..
ابجي لان ماعندي اب بي خير مثل الناس ..
ابجي لان مقهوره معشت طفوله عادي مثلهم ولا اب مثل ابوهم ولاعرفت المشاعر اللي يحسون بيها تجاه ابوهم ..
ابوي اذا اتوفى مااتصور راح ابجي عليه ..
شتذكر منه وابجي عليه ؟؟
وره تقريبا ساعتين راحوا طلع دخل علي اني جنت اغسل الحمامات.
علي:
لولو.
لمى:
نعم حبيبي هنا اني بالحمام.
علي:
شتسوين؟
لمى:
مااسوي انظف.
علي:
اوكي بس اريد اتوضا حتى اصلي واطلع واخذ صوفي ويايه.
لمى:
ان شاءالله بس وين؟
علي:
نتمشى شويه اريده يطلع ويشوف الجهال بره بالشارع وبعدين نروح نجيب فلافل ونجي.
لمى:
ان شاءالله.
طلعت هو دخل اتوضا وراح يصلي اني غسلت لمصطفى وبدلتله خلص صلاته واخذه وراحوا.
بعد مطلعوا صليت وكعدت اتصلت بسرى وهدى.
خلصت رحت سشورت شعري وكويت قميص النوم الوردي وكعدت اباوع لصورة زوجته الله يرحمها حاطها عالميز بالغرفه بس محسيت مضايقني وجودها ..
بالعكس ...
حسيت اذا كتله يشيلها راح اكون حقيره ..
البنية اتوفت الله يرحمها وراحت لدار حقها وهو كلامه جان مقنع كال راح تبقى بكلبي لان عشرة مو يوم ويومين ميريد يكون ناكر للعشره يريد يبقى وفي ..
معناها شكد جانت خوش انسانه ..
مو مثلي اشترطت عليه ميحجي بموضوع محمد بعد.
بس حقي كل شي بماضيي مو حلو بس امي الله يرحمها جانت الشي الوحيد الحلو.
اجوا دخل هو شافني كاعده بالغرفه واباوع لصورة زوجته الله يرحمها.
علي:
حبيبتي شتسوين؟
لمى:
الله يساعدك ..
مااسوي كاعده ..
اتدنه يمه وباوع للصوره كال:
مااجه ابالي اشيلها نسيتها ..
يضايقج وجودها ؟
لمى:
لا بالعكس ليش يضايقني وجودها الله يرحمها هم متوفيه وهم اتضايق منها.
علي:
احجي صدك اذا اتضايقتج اشيلها.
لمى:
لا والله ممضايقني بالعكس ..
جنت افكر شكد جانت خوش انسانه لذلك انت وفي الها لهسه الله يرحمها.
علي:
يالله كومي نتعشى وبعدين نحجي براحتنه لان مصطفى جوعان وردت اضوكه الفلافل بس خفت متقبلين.
كمت عشيت مصطفى بعدين جهزت عشانه وكعدنه اتعشينه اني جنت ساكته مو بقصدي شي ..
علي:
لولوتي شبيج ساكته؟
لمى:
ماكو شي اكوله.
علي:
شكلج ضجتي من الصوره ؟
لمى:
لا والله لا ..
مضجت بس انقهرت عليها يعني اتوفت شابه الله يرحمها.
علي:
وره مااتوفت اهلها كلولي تعال اخذ اختها اكبر منها.
لمى:
وبعدين؟
علي:
شنو بعدين طبعا موافقت.
لمى:
ليش؟
علي:
اولا جانت بعدها صار سنه من اتوفت بعدني جنت مناسيها. ثانيا اختها جنت اعتبرها اختي مفكرت بيوم بيها بالهالصوره.
ثالثا مااحبها محسيت من حجوا ويايه بالموضوع بشي تجاهها لااعجاب ولا اي شي بالعكس حسيت كرهتها ليش مااعرف.
وجانت مو هلكد حلوه.
لمى:
يعني اتدور حلوات؟
علي:
الجمال مطلوب واحد هم يريد وجه حلو من يكعد الصبح يتصبح بي ..
بعدين الانسان ينتبه للشكل والجمال قبل كل شي ثاني الباقي كله ينعرف بعدين بس اليجذب هو الشكل ..
شلون من شفتج يعني عجبني شكلج ملفت للنظر مو مال واحد يتجاهله او يغض النظر عنه ..
ان الله جميل يحب الجمال ..
.
.
.
بالسر و العلن انت شي يخصني ..!🖤🏹
.
.
.
لايك وتعليق وعشر ملصقات
