#اليتيمة
#ح_١٠
#روز_الفياض
.
.
.
أتمنى
لو إني
أقرب
من الفكرة التي تُراودكِ الآن .
.
.
.
قفلت باب الغرفه حتى ارضع مصطفى ..رضعته ونومته ردت ادخل اسبح بس مااكدر ادخل للحمام واعوفه وحده بقيت انتظر بلكي يجي للبيت بسرعة وميتأخر اكثر ..
من التعب والجوع نمت محسيت الا والباب اندك حيل كمت بسرعة فتحته واني مستغربة مكاني ..
بداخلي اكول اني وين ؟؟
فتحت الباب شفت علي بوجهي واكف على جهه وداير وجهه :
تعالي اتغدي ..
راح للمطبخ اباوعله ،اني هم عدلت شعري بيدي ورحت وراه باوعت للساعه بالاربعة العصر !!
لكيته متسوك وخال المسواك عالسنك ، وجايب غده بس على كدي شكله متغدي بره ميريد يكعد وياكل وياي شكد جنت جوعانه بس انسدت شهيتي حسيت عبالك بيه مرض معدي محد يريدني ...
مسحت عيوني قبل متبين الدموع ..
لميت المسواك وغسلته وخليت كل حاجه بمكانها وخليت الاكل بالفرن ورجعت لغرفتي.
هو ماادري وينه يمكن بغرفته لان بابه مسدود.
وره شويه دك الباب طلعتله.
علي:
مصطفى نايم؟
لمى:
اي نايم .
علي:
زين تعالي للهول شويه.
راح للهول واني رحت وراه كعد واني هم كعدت بالطرف ودنكت وهو هم مدنك.
علي:
اني الصبح اطلع للدوام وارجع ب(٣ ) يوميه ماعدا الجمعه والسبت فاذا تحتاجين اي شي الج او لابنج اتصلي حتى اجيبه وياي من ارجع من الدوام .
لمى:
ان شاءالله ...
علي :
تردين مسواك للبيت تردين منظفات تحتاجين شي لتصلي علي قبل ماارجع حتى الحك اجيبه بطريقي ..
لمى :
مشكور ..
بقى ساكت حسيته يباوعلي وعنده حجي بس محجه ..
سمعته يتنهد حيل عبالك واحد مهموم وضايج ..
واكيد احنه سبب همه وضوجته ..
يمكن مجان يريد يتزوج مثل مكال ويمكن جان يريد وحده مثله عدها شهادة وعدها اهل ينطلع بيهم ..
مو مثلي ..
اكيد جان يريد هو يختار اللي تناسبه ..
.
.
.
"الرزق أنواع ، أعظمها شريڪاً حنوناً طيباً ،
إذا مالت الدُنيا لا يميل🤍".
.
.
.
لايك وتعليق وعشر ملصقات فضلاً 🌹
