#اليتيمة
#ح_٧٧
#روز_الفياض
.
.
.
جميلة وهادئة ..
كأن لاشأن لها بكلَّ مايفعله البشر .
.
.
.
كعد يمي خله ايده على كصتي :
شبيج؟
لمى:
مابيه بس نعساانه من كعدت الصبح بعد منمت ..
علي:
يالله اتغدي ونامي.
لمى:
معناها روح غسل وبدل على ماانوم صوفي واصب الاكل ..
راح يغسل رحت نومت مصطفى وبعدين صبيت الغدا اجه اتغدينه ..
لمى:
حبيبي اريد اروح لهدى العصر.
علي:
خير خو ماكو شي ؟
لو زياره عاديه؟
لمى:
ماكو شي بس رادتني اروح وياها للسوك .
علي:
ان شاءالله.
نمنه شويه ومن كعد وداني لهدى وانطاني فلوس خاف اروح ويه هدى للسوك
علي :
بالليل اجي عليكم .
لمى :
ماشي .
اني جنت متفقه ويه هدى على الروحه للمختبر.
بس وصلنه لكيتها جاهزه رحنه سويت تحليل دم بعدين رحنه اخذنه فره بالسوك لحد متطلع النتيجه مال التحليل اشتريت قماشات وشغلات خياطه واجت ابالي فكره اشتريله حلقه فضه.
رحت اشتريت الحلقه ورجعت للتحليل جنت خايفه اطلع مو حامل ..
اعرف مصطفى بعده صغير واعرف راح اتعب بس ميخالف مادام هالشي راح يفرحه ويخليه سعيد ..
استلمت النتيجه حامل فرحت حيل وهدى فرحت خطيه عبالك اني اللي مجان عندي اطفال مو هو ردت اتصل بي واكوله بس هدى كلتلي:
لاخليها مفاجأه من ترجون لبيتكم كوليله.
لمى:
زين اريد فكره حلوه حتى يعرف بدون مااكوله.
هدى:
ماادري فكرتيش يعني ؟
اني اختج افكاري رجعيه وقديمه متفيدج ههههه .
لمى:
اني عندي فكره.
رحت اشتريت ملابس طفل صغار ورجعنه للبيت بس رجعنه اتصل ..
علي:
الو لولو
لمى:
الو حبيبي .
علي:
ها رجعتوا لو بعدكم بالسوك ؟
لمى:
لا رجعنه ..
علي:
يعني امر عليكم ؟
لو تردون تبقون بعد شويه ؟
لمى:
لا تعال كافي هيج ..
عليزين فد نص ساعه واكون يمكم جهزوا نفسكم ..
وره نص ساعه اجه طلعتله اني ومصطفى جان نعسان من فرة السوك.
قبل لنوصل للبيت نام وصلنه اخذ هو مصطفى مني اني نزلت الاغراض وفتحت الباب دخل مصطفى بفراشه واني دخلت خليت الاغراض وبدلت ملابسي ورحت عالسريع جهزت العشا هدى خلتلنه عشا هو غسل وبدل واجه يمي كعد باس خدي.
لمى:
وين رحت اليوم؟
علي:
رحت شفت امي وبعدين رحت ويه الشباب.وانتو؟
لمى:
رحنه للسوك ورجعنه.
خلصنه عشا راح هو بالهول سويتله جاي واخذته اله بعدين كمت رحت خليت الملابس مال النونو على مخدته فرشتهم وطفيت الضوه ورجعت ..
كعدنه نشوف التلفزيون بعدين كتله:
نعست راح اروح انام.
علي:
شقصتج اليوم ويه النوم ؟؟
ابقي كاعده باجر جمعه.
لمى:
تعباانه والله.
علي:
روحي نامي روحي هو بس الخميس والجمعه احنه نسهر لان ثاني يوم عطله.
لمى:
ليش هيجي ؟؟
حتى لو اريد انام بعد مااكدر انام.
علي:
بعد احسن ابقي شوفي الفلم ويايه.
بقيت بس اتمددت وخليت راسي على رجله نمت وكل شويه افز على صوته يعلق عالفلم لو يضحك.
.
.
.
مَ عِندي كُل ذنوب، اِلا هوى آلمَحبوب 🤎.
.
.
.
لايك وتعليق وعشر ملصقات
