اليتيمة

اليتيمه20

#اليتيمة
#ح_٢٠
#روز_الفياض
.
.
.
‏"هل كانت كل الطرق تؤدي إليكِ حقًا أم أنا
من كُنت أجعلها كذلك؟ ".
.
.
.

ظليت افكر يصير واحد يدعي على ابوه لو ميصير ؟؟
اريد ادعي عليه لان هو السبب بكل شي مو زين بحياتي ؟؟
اي هو لان عمره ماجان سند وظهر لا الي ولا لخواتي ..
زوجنه حتى يخلص منه ..
اذانه رغم مالنه غيره ..
ولاعمره فكر بينه ..

رحت اتوضيت ورجعت لغرفتي كعدت اصلي وادعي وبقيت هيج لحد مراحوا.

دك هو الباب وفتحه اني مسحت دموعي وسويت نفسي بعدني اصلي هو دخل خله مصطفى عالفراش وطلع..

كمت اني رحت يم ابني مثل كل يوم اباوعله نايم واحاجيه واتوسل بي من يكبر ميذبني بالشارع ويقدر تعبي وكل الذل اللي شفته بحياتي اريده ينسيناه ويعوضني عن كل هاي الناس المؤذيه ...

بقيت طول الليل اتكلب مااكدر انام كلما اتذكر حجيها اكره ابوي ومرت ابوي واكرههم اهل محمد كلهم واكره نفسي، لان ضعيفه ومالي احد ومااعرف ارد عليهم ..

مرت الايام والاشهر واجه موعد السنويه مال محمد الله يرحمه وماادري اروح لو لا ماادري شسوي هو من اجه بالليل كال:
باجر نروح للسنويه مال محمد الله يرحمه العصر.

لمى:
يعني عادي اروح؟

علي:
اي عادي انت ام ابنه طبيعي تكونين موجوده بس انت هسه كدامهم متزوجه من شخص ثاني وهسه كلها تسألج شلونج وشلون وضعج ...

اني راسا كتله:
اعرف اعرف لتخاف ...
كلشي،تمام وطبيعي وعادي ..

علي:
عفيييه ..

رحنه ومثل مااتوقع هو كل شويه وحده من كرايبهم تجي تسألني واجاوبها بس انقهرت حيييل من سمعت وحده من كرايبهم كاعده وراي :
صدك متستحي المن جايه بعد موتت الولد واتزوجت اخوه حتى قبل متدور السنه مالته..

اخته ترد عليها:
احنه زوجناها خفنه عالولد المتزوجين منها لتروح تلزك لواحد منهم وتهجم بيته.

باوعتلها اني كتلها :
حسبي الله ونعم الوكيل .
شوكت تعوفوني بحالي ..
.
.
.
"تَحتَ مُسَمى ألصراحة، كُنتَ دائِماً تَجرَحني بِشكلٍ لا مُبالي ولا تَهتَم لِخاطري المَكسور."
.
.
.
لايك وتعليق وعشر ملصقات فضلاً