#اليتيمة
#ح_٦٠
#روز_الفياض
.
.
.
لكَ الحمد حتى ترضى
لكَ الحمد إذا رَضيت
لكَ الحمد بعد الرضى
.
.
.
محجيت ولاعلقت ..
عصب مني هو وضاج كال :
احجي اي شي ...
كولي ...
بيني اي ردة فعل ؟؟
لمى:
ماادري اخاف ..
علي:
انت زوجتي بكل الحالات خايفه من شنو بعد ؟؟
لمى:
تطلع متحبني بعدين واتندم ..
هالمره معناها انطيكم مصطفى واروح لبيت ابوي حتى لو ميردوني عالاقل بيت ابوي محد اله فضل علي ومصطفى انتوا اهله يعني متقصرون وياه.
علي:
هم رجعنه على بيت ابوج .. وعلى بيت اهلي ...
لمى ...
اني بكل الحالات جنت لازم اتزوج بيوم من الايام بس بوقتها جنت ممفكر بالموضوع ...
من كلي ابوي الله يرحمه عليج اني مشايفج قبل ولا اعرفج ..
وانت جنتي زوجة اخوي فاكيد ارفض ..
يجوز منتفق ..
يجوز متعجبيني ..
وصعبه مو بس عالمره حتى عالرجال يتزوج زوجة اخوه ..
بس مصطفى جان اهم مني ومنج ولازال ...
اتزوجنه واجيتي هنا ...
عجبتيني ...
وعجبني كل شي بيج ...
شكلج ...
اخلاقج ...
تصرفاتج ...
هدوئج ...
احترامج للكل حتى الي يغلطون بحقج ...
نور الله يرحمها جنت احبها واتزوجتها لان حبيتها ولحد الان احبها منسيتها ...
هاي عشرة وعمر كم سنة مو يوم ويومين واكيد راح تبقى بكلبي معزتها ...
بس انت بالعكس اتزوجتج وبعدين حبيتج ...
اني اذا اريد اتزوج اكدر اتزوج ...
وانت تعرفين وادري لو قررت انت مراح تعترضين ...
بس اني متزوج ومرتاح بزواجي مااريد زواج ثاني ...
مقتنع ومناقصني شي ومرتاح ..
هو الزواج يكولون مثل الركيه انت وحظك هوايه يتزوجون عن حب بس بعدين يتفاجأون بأطباع وتصرفات بعضهم وتبدي المشاكل ...
بس احنه بالعكس ..
عرفنه اطباع بعض ..
وصفات بعض ...
وعرفنه عيوب بعض ..
ونقاط الضعف لان صارلنه اكثر من سنه مسوين معايشه بنفس البيت هههه ..
بس كل واحد وحده ...
انطيني وانطي لنفسج فرصه ...
اذا زواجج الاول كان مو مثل مااتمنيتي مو معناتها الثاني نفس الشي ..
لمى:
الله كريم.
علي:
يعني شنو؟
لمى:
يعني ان شاءالله.
علي:
ان شاءالله شنو؟
.
.
.
{ما يَفْتَحِ اللَّهُ لِلنَّاسِ مِنْ رَحْمَةٍ فَلا مُمْسِكَ لَها }
.
.
.
لايك وتعليق وعشر ملصقات
