اليتيمة

اليتيمه58

#اليتيمة
#ح_٥٨
#روز_الفياض
.
.
.

راحوا بقيت اباوعلهم من وره الباب ..
بعدين دخلت للبيت ودخل علي وراي صاح :

لمى؟ ..

لمى :
نعم ؟

علي :
لبسي حتى نروح لان صوفي نعس وتعب اليوم هوايه لعب ..

لمى:
ان شاءالله.

طلع واني رحت غسلت ولبست حجابي عدل وسلمت عليهم وطلعتله بره.

لكيته بالسياره مخلي مصطفى بحضنه نايم كعدت واخذته بحضني بالطريق كال:
خل نوكف يم محل حتى نجيب حليب وحفاظات لصوفي ..
واذا اكو مكان مفتح نشتري كم شغلة البيت فارغ اكيد ..

شفنه سوبرماركت نزل هو اتسوك ورجع.
وصلنه للبيت فتحلي الباب نزلت بحضني مصطفى كال:
دقيقه خل افتح الباب وخليه بغرفتي ..

فتح الباب ودخلت البيت كل تراب حسيته وكل شي مثل ماهو معناها جان مسافر مراجع يمكن لحدما اتوفى ابوه.
خليت مصطفى بغرفته.
ورحت لغرفتي نزعت ولبست بجامه سوده وطلعت غسلت وبديت انظف البيت هو دخل المسواك وراح اتمدد يم مصطفى ..

بقيت انظف للساعه ب( ٢ ) بالليل مخليت شي كله غسلته وبدلت الجراجف والمخاد والمناشف خلصت كلت خل اسبح صرت كلي تراب ..

دخلت سبحت واتوضيت فد مره وطلعت رحت باوعتلهم نايمين رجعت مشطت شعري وسويته كصيبه شعري صاير طويل ماشاء الله ونشفته بالسشوار عالسريع وكعدت انتظر الاذان مبقاله شي ...
بس جنت تعبانه حيل .
سمعت صوت يمكن كعد راح يتوضا أذن صليت وخلصت نعسانه وتعبانه وظهري يأذيني طول النهار لو كاعده لو اشتغل اريد بس اتمدد واريح ظهري بس وراي مصطفى لازم اشوفه ..

رحت فتحت باب الغرفه على كيف شفته بعده يصلي دخلت اخذت مصطفى وطلعت ...
.
.
.
‏ربما لن تسير الحياة كما تريد، أو في الاتجاه الذي اعتقدت أنها ستسلكه، أو تنعطف انعطافا غير متوقع، أو تقف فترة في إحدى المحطات المجهولة، لكنها دائما ستأخذك لأفضل طريق، وإلى أجمل وجهة تحتضنك، استمتع بالرحلة، تنفس بعمق وامنح الحب لخطواتك، ولا تأكل روحك بالقلق لما يبدو عليه المستقبل 🤍 .
.
.
.
لايك وتعليق وعشر ملصقات