#اليتيمة
#ح_٨
#روز_الفياض
.
.
.
إلهي
متفرّقٌ
أنا
داخلي
شتات
هلاّ
رتّبتني!🙏🏻
.
.
.
بقيت واكفه اباوع ..
انطاني مصطفى وسحب الجنطه وكعد ..
علي:
اكعدي ...
كعدت على طرف القنفه وبقيت مدنكه حاسه بالاحراج ومقهوره وكل انواع المشاعر اللي ممكن يحس بيها الانسان من يكون مكسور الجناح وماله احد.
علي:
شسمج ؟؟
باوعتله مستغربه ، حس بيه كلي :
نسيت اسمج .. رؤى ؟
لمى :
لُمى ..
اتنهد وكلي :
اني مااتزوجتج لان ميت عليج .، ولا مفكر اتزوج اصلا وحتى لو افكر اتزوج فأكيد مو انت ...
مو وحده مثلج ..
بس علمود الطفل لا اكثر ولا اقل ...
يعني مو تتصورين احنه متزوجين صدك وتتوقعين راح اطالبج بشي ...
مجرد زواج عالورق ..
شكد سامعه حجي قاسي ويغث بس مو مثل حجيه !!!
وحده مثلي شنو يعني ؟؟!!!
شبيه اني ؟مو بشر لو لان مالي احد.؟!!
بقيت ساكته مخنوكه وشحجي شكول هو المثلي على كولته شيكدر يحجي.
علي:
البيت مو جبير غرفتين وهول غرفتي وغرفتج اختاري وحده وخلي بيها اغراضج والاحسن تاخذين الجبيره علمود انت والطفل تكفيكم ..
هزيت راسي اي ..
علي:
ليش ساكته معجبج الكلام ؟
متوقعه غير شي ؟؟
لمى:
لاا ..
لااا ..
ممتوقعه اي شي اصلا ..
اعرف انت مجبور على هيج خطوه وجزاك الله خير قبلت علمود الطفل ومرايده منك شي اكثر ...
حسيت الحجي كوه يطلع من بلعومي ...
حسسني عبالك اني ذابه نفسي عليه مو عبالك اني هم مااعرفه ولا اريد اتزوج بعد وخصوصا اخو زوجي ..
.
.
.
إنّ الله قد تكفّل بتربية كُلّ واحد منّا بٱمتحان خاص!.."
.
.
.
لايك وتعليق وعشر ملصقات فضلاً💋
