#اليتيمة
#ح_٢٧
#روز_الفياض
.
.
.
جزء كبير من ضياعك وعدم معرفتك بنفسك، قادم من (تصديقك لكل الآراء السلبيّة والمُهينة لشخصك التي برمجوك عليها المقربين من حولك وأخبروك بأنها حقيقتك)، والتي قمت أنت ودون وعي منك على إستلامها دون تفكير أو حتى نقاش، دون التدقيق بصحتها أو بُطلانها، الى أن إنتهى بك الأمر بخضوعك التام لها....
.
.
.
علي:
ها شرايج ؟؟
هاي حتى ترتاحين متغسلين يوميه بأيدج بعد ..
هذا الوقت صوفي اوله بي ..
ابتسامتي شكت حلكي ..
الصدك جنت احس افضاله علي تكبر كل يوم اكبر من القبله وبنفس الوقت خايفة ..
اني ممتعوده على كل هالدلال !!
لمى:
مشكور بس عادي يعني ماعندي مشكله اغسل من يكون نايم ..
ليش كلفت على نفسك .
علي:
تحبين تعترضين انت ..
اني ماعندي غساله لان متعود اودي ملابسي للوندري حتى من جانت نور موجوده الله يرحمها .
لمى:
الله يرحمها.
علي:
باجر الولد يجي يسويلها تأسيسات المي والكهرباء وين تردين نخليها؟
لمى:
بالمطبخ اكو مكان ..
علي:
ماشي ..
بالمطبخ ان شاءالله.
راح يصلي اني هم رحت اتوضيت وصليت وطلعت اسوي عشا هو بقى بغرفته.
خلصت وكعدت بالمطبخ انتظره يطلع حتى اسأله اذا جوعان اصبله عشا.
طول بغرفته وره ساعه تقريبا يالله طلع.
لمى:
تتعشى؟
علي:
لا مااشتهي ..
راح للهول واني رحت للمطبخ كعدت بعدين سخنت الاكل كلت خل اتعشى قبل ليكعد مصطفى استغل الوقت افضل مما اكعد اصفن وحدي حسبه تاخذني وحسبه تجيبني ..
صبيت شويه وكعدت اكل دخل علي :
اكو جاي؟
لمى:
اي ان شاءالله هسه اسوي.
علي :
لا كملي عشاج ، ممستعجل ..
ماانطاني كلبي اعوفه واكمل عشاي ..
كمت سويت جاي ووديته ورجعت اتعشى ..
وره دقايق جاب هو كوب الجاي واجه كعد يمي ..
استغربت مو من عوايده يكعد ياكل لو يشرب وياي كله وحده واني وحدي اكيد عنده شي ..
اليوم الوضع كله غريب !!!
الله يستر .
.
.
.
اللهم امنحنا السكينة كي نتقبل الأمور التي لا نستطيع تغييرها، والشجاعة لنغير الأمور التي نستطيع تغييرها ، والحكمة لنعرف الفرق بينهما...
🤍
.
.
.
لايك وتعليق وعشر ملصقات فضلا
