#اليتيمة
#ح_٤٧
#روز_الفياض
.
.
.
"أَنا الذِي لَا حيلةَ لَي فدبِرّ أمرِي ..
.
.
.
خلص واجه كعد وخله مصطفى بحضنه.
يلعب ويه مصطفى ويبوس بي ..
خدر الجاي بديت اصبله كال :
منمت البارحه كله من وره حجيج ...
اني التفت عليه بسرعة حتى الجاي وكع على ايدي ..
عفته القوري رأساً ولزمت ايدي وكتله :
ليش ؟؟؟
اني شحجيت ؟؟
مو قصدي شي من اللي فهمته ..
بالعكس اني يمكن محظوظه مو مثل بقية الارامل ولا ابني مثل باقي الايتام ...
يعني اني انت ابوه واكثر ياريت لو اني مثله ابوي متوفي وعمي صاير ابوي ...
يمكن جان صار عندي اب يسأل عني لو يخاف علي يكول عدله لو ميته بنتي ...
يمكن جان الناس احترمتني وصار عندي حظ وياهم ..
يمكن جان حسبولي حساب ..
يمكن جان فكروا بكل كلمة وبكل تصرف وياي قبل ميهينوني بي ...
ماادري اذا جنت قاصدته بالحجي بس اللي اعرفه جنت قاصده كل اللي اذوني ...
محجه شي ولا علق ..
بقى ساكت ...
اني صبيت الجاي وخليته يمه ورحت غسلت ورتبت غرفتي وخليت ايدي بمي بارد شويه حركني الجاي ...
بعدين بديت انظف ورتبت غرفته ، هو خلص اخذ مصطفى وطلعوا بالحديقه يلعب وياه ..
اني كملت تنظيف وكعدت افكر شنو اسوي غده ...
دخل هو ومصطفى راحوا للهول وشغل التلفزيون وكعد مصطفى واجه يمي سحب الكرسي وكعد ...
علي :
بالله ايدج ؟؟؟
التفتت عليه باوعتله ورجعت درت وانطيته ظهري :
مابيها شي ..
شويه وتصير زينة ...
علي:
وليش انت متسألين عنه؟
لمى:
منو؟
علي:
ابوج ...
اتنهدت حيل وبقيت ساكته شويه مااحب احجي بموضوع ابوي بس بعدين كتله :
لان من اتوفت امي واتزوج نسى ...
نسى هو ابوي ...
من ساعتها صرت بدون اب ...
مااتذكر يوم سألني شلونج ، لو شمحتاجه ، مااتذكر شوكت اخر مره حضني لو شبكني ...
جنت طفله ...
صغيرة من اتوفت امي الله يرحمها ومن يومها انتهت طفولتي بنفس اليوم خلص صرت جبيره بنظر الكل مااحتاج حنيه ولااحتاج احد يسأل عني ولا احتاج احد يحضني ويطبب علي ويكلي اني موجود ...
لاتشيلين هم ...
اني موجود ...
مكدرت احجي بعد كمت راسا للسنك سويت نفسي اغسل ايدي دموعي خنكتني ...
علي:
انت ممحتاجتله ..
ولا محتاجه لاحد ..
انت لو مكمله دراستج يمكن حتى اني محتاجيتيني ..
لمى:
منو اللي يخليني اكمل ...
اللي بكدي هسه يمكن مرحله رابعه بالجامعه ..
جانت امنيتي الوحيده اكمل دراسة وحتى هالامنية حرموني منها ..
علي:
جنتي شاطره ؟
لمى:
الحمدلله جان مستوايه زين ..
ولحد الان محتفظه بالنتائج مالتي ..
علي:
اي كليه جنتي تتمنين اتدخلين ؟؟
لمى:
جنت اتمنى هندسه بس الله ماكتب ..
علي:
وليش مترجعين تكملين ؟؟
رجعت درت عليه باوعتله !!!
.
.
.
"رَبَّنَا وَلَا تُحَمِّلْنَا مَا لَاطَاقَةَ لَنَا بِهِ."
.
.
.
لايك وتعليق وعشر ملصقات فضلاً
