#اليتيمة
#ح_١٧
#روز_الفياض
.
.
.
لا أحد يريد أن يمضي العمرَ وهو ينتزع الأشياءَ أو تنتزعه، ما كانَ لكَ سيأتيكَ في وقتهِ مهما حاولتَ الحصول عليهِ مبكّراً، وما ليسَ لكَ لن يأتي ولو أنفقتَ عمركَ في الحصول عليه! ..
.
.
.
كعدت رضعت مصطفى ونومته بعدين رحت اتوضيت وصليت هو الظاهر طالع سويت عشا وكعدت كويت الملابس وخليت ملابسه بغرفته وملابسنه خليتهم بكنتورنه اني ومصطفى واتعشيت ورحت بغرفتي تمددت الى ان نمت
حسيت باب المطبخ انفتح وانطبك حيل وراها بشويه كمت رحت للمطبخ اسخن عشاه كملته وسويت جاي ودخل هو سلم وكعد اني رديت بهدوء ولاكأنه اكو شي ورحت للهول انتظره يخلص حتى اغسل الماعين واروح انام ..
خلص وراح غسل واجه بالهول اني كمت غسلت الماعين وصبيتله جاي ووديته اله اخذه وكلي :
كعدي ...
نعسانه ومالي خلك احجي، واسمع موشح وانغث بهالليل ..
امنيتي يوم انام بدون مااكون مقهوره ومغثوثه ومظلومه وباجيه ...
كعدت كالمعتاد بالطرف البعيد مباوعتله وهو ميباوعلي ..
علي:
شوفي ... احنه وضعنه غير شويه ...
يعنييي ...
مختلف خل نكول عن المتزوجين ..
اني مااعرف شي عنج ولا انت تعرفين شي عني ، اني جنت متزوج وزوجتي توفت الله يرحمها وتزوجتها لان جنت احبها ولحد الان ..
لمى:
الله يرحمها.
اني مدنكه بس لمحته بطرف عيني باوعلي فتره وبعدين كال:
مجنت مفكر اتزوج بعدها وحتى لو مفكر فاكيد مو انتِ ..
انقهرت يوميه وعاد علي هاي الجمله ساعدني ياربي اتحمل خليني اتحمل اخاف اسوي بنفسي شي من كد الضغط اخاف يخلص صبري ..
بقيت ساكته ومدنكه وخايفه من رد فعلي حجه حجي يغث اكثر بس ماباليد حيلة ..
علي:
ليش ساكته؟
لمى:
شنو المطلوب مني ؟؟
شتريد تسمع تريدني اتوسل بيك وابجي واكولك ليش؟ مو مهم عندي المهم عندي اني وابني ابيت اسمه بيته حتى لو بس بالاسم المهم ابني يكبر ابيت مو بالشارع المهم ماارجع لبيت ابوي لان اكيد راح يرجعون ابني وانحرم منه .. واحتمال يزوجني مثل المره الفاتت واحد لايحبني ولايريدني يحب، وحده ثانيه لحدما اتوفى ...
ولو هسه نفس الوضع متغير هوايه بس بدل ما عائله كامله تسمعني حجي بي مغثه هسه نفر واحد وهذا موعتب ولا لوم بالعكس اني ممنونه منك هوايه ومااكدر اجازيك وماعندي شي اجازيك بي بس على كولت امك اعتبرني خدامه بلكمتي اغسلك وانظفلك واطبخلك بس هذا اللي اكدر اقدمه الك وممتوقعه منك شي اكثر ..
حسيت روحي طلعت من حجيت شهالذله ياربي مالي قيمه مالي حوبه عندك ...
لشوكت ابقى اني هيج شكد صعبه كلمة خدامه بلكمتي شكد ذله حسبي الله ونعم الوكيل باللي جان السبب ...
وماادري منو بالضبط السبب ابوي لو مرته لو حظي لو اهل محمد ؟؟
مااعرف منو بالضبط السبب بس حسبي الله ونعم الوكيل ..
.
.
.
تستمر بالعُزلة لأنك مُشمئز من العالم .
.
.
.
لايك وتعليق وعشر ملصقات فضلاً
