اليتيمة

اليتيمه 72

#اليتيمة
#ح_٧٢
#روز_الفياض
.
.
.

لمى:
القاضي هذا اول واحد يحسسني اني انسانة مو سلعه ولاخدامة انسانة الي قيمه ولوجودي فايده غير الخدمه والاهانه وتسميع الكلام ..

بست خده كتله:
اتمنى اكدر اجازيك بس ماعندي شي اكدر اجازيك بي ..

باسني كلي:
شلون مالج قيمه ومالج فايده ؟؟
شوفي حياتج من مرحله لمرحله وصلتج الي معناها انت الج قيمه وقيمة جبيره بحياتي.
وعيب وحده تكول لزوجها اجازيك تجازيني على شنو ؟؟
اني المفروض اعتذر لان جان المفروض احسسج انت مرتي من اول يوم شنو ذنبج انت بالمشاكل الصارت بيني وبينهم ؟؟
شنو ذنبج اتزوجتي واحد يحب غيرج ..
شنو ذنبج ويسمعوج حجي ..

شبكته كتله:
علي؟

علي:
همم؟

لمى:
اخاف احسد نفسي ..

علي:
ههههه قل اعوذ برب الفلق .

باوعتله كتله:
يمكن احبك ..

ضحك كال:
يمكن؟؟
يعني
مو اكيد.
معقوله !!!
اني محبوب تره انت اكثر وحده طولت ويايه لهسه محبتني هههه.

لمى:
زين اغسل واجي نتناقش بهالموضوع بسته ودخلت للحمام طلعت لكيته صدك مسوي ريوك ومخدر جاي ..

علي:
اتريكي اول وبعدين مشطي شعرج ..

لمى:
الله شكد احب البيض عيون بس مااعرف اسوي.

علي:
تره كل شي اعرف اسوي مو بس بيض.

لمى:
زين  ..
نرجع لموضوعنه ..
كم وحده حبيت بحياتك ؟؟

ضحك كال:
هسه ليش الاحراج هذا؟

لمى:
ليش؟

علي:
هههههه بالابتدائيه وحده بت المعلمه طبعاً..
وبالمتوسطه وحده ...
والاعداديه جنت معجب ببنيه بمنطقتنه بس اتزوجت قبل لاتعرف اني معجب بيها ههههه.

لمى:
ماشاءالله تمشي وتوزع مشاعر.

علي:
بعدين بالكليه عجبوني بنات هوايه بس اني مو من النوع اللي يروح ويصارح بنات استحي ..

لمى:
لعد شلون حبيت نور؟؟

سكت هو بعدين كال :
نور بعدين اتعرفت عليها بالدوام اول مااتوظفت بس هي اللي اتقربتلي مو اني هي جريئه مو مثلج هادئه ...
جانت خوش بنيه ولطيفه وحلوه ...
بس انت احلى منها ..

لمى:
الله يرحمها.

علي:
انت الوحيده اللي اني صارحتها باعجابي بيها ..
لان اعرفج ماممكن تطلع منج وتعترفين تحبيني ..

لمى:
اني وضعي مختلف.

علي:
واني وضعي مختلف ..

لمى:
بس الرجال مو مثل المره ..

علي:
ليش بالله ؟؟
شنو الرجال ماعنده احساس ..

لمى:
لا بس الرجال كل شي اله مباح المجتمع يسمحله بس المره كل شي ممنوع وعيب حتى المشاعر.

خلصنه وكمنه رحت امشط شعري اجه هو للغرفه شبكني كلي:
لولوتي.

لمى:
نعم؟

علي:
نصلي وبعدين نروح لاهلي ،.

لمى:
ان شاءالله ..
معناها انت سوي شنو تريد وعينك على مصطفى واني راح انظف لحد متصير الصلاه ..

.
.
.
- يُعِيبُني أنني لا أنسىٰ ،
كُلُّ المَواقِف تطبَع عَلىٰ قَلبي .
.
.
.