اليتيمة

اليتيمه65

#اليتيمة
#ح_٦٥
#روز_الفياض
.
.
.

• ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏عندما يمنحڪ الله بدايةً
جديدة لا تُكرر الأخطاء القديمة🤍
.
.
.

رحنه لبيت اهله العصر حتى نطلع وياهم بالليل للنجف دخلنه وسلمنه عالاهل والكرايب والجيران اللي يرحون ..

علي:
حبيبتي اخذي مصطفى نوميه حتى ميتعبنه بالطريق هو اصلا نعسان ..

لمى:
ان شاءالله ..
اخذته ورحت انومه اجت زوجة حماي تصير بنت خالتهم اسمها زينب ..

زينب :
شلونج لمى شخبارج؟
لمى:
الحمدلله بخير

زينب:
شلونه علاوي وياج؟

لمى:
زين الحمدلله.

زينب:
اكلج انت ترحين للنجف مو ؟

لمى :
اي ..

زينب :
من نرجع نروح لفد مكان اني وياج.

لمى:
وين؟

زينب:
خالتي كلتلي اخذج لهاي الحجيه يمنه تدوس على ظهرج علمود الحمل ..

لمى
:ليش شبي ظهري ؟

زينب:
حتى يصير عندج حمل بسرعه ..

لمى :
بس اني مابيه شي ..

زينب :
لو اول زواج الج نكول عادي من تدور السنه يصير حمل ...
بس انت هذا الثاني وعندج حمل وولاده قبل يعني ماكو عذر روحي للحجيه مخسرانه شي واذا مفادت نروح للدكتوره ..

لمى:
بس مراح يقبل علي ..

زينب:
لا لتكوليله منريده يعرف ..

لمى:
لا مااكدر مادام هو ميقبل مااروح مااكدر ..

زينب:
خالتي تكلب الدنيا اذا مقبلتي هاي اني كتلج هي تريد تشوف اطفاله هو.
انت عندج ولد بس هو شنو ذنبه لتصيرين انانيه تفكرين بس بنفسج .

لمى:ليش اني شمسويتله ؟
قابل بكيفي ؟
هذا الشي يم الله اذا الله مقاسمله شسوي يعني ؟

سكتت نومة مصطفى وطلعت رحت كعدت يمه كلهم كاعدين ويسولفون كل مجموعه بسالفه هو كاعد يم امه.

علي:
ها نام ؟

لمى:
اي نام .

ام محمد:
زينب تريدج روحي شوفيها شتريد منج .

لمى:
اعرف خاله جنت يمها.

اتدنه يمي كال بصوت ناصي:
شبيج ؟

لمى:
ماكو شي .

علي:
اكو ..

ضحكت كتله:
ليش متعرف الصبر؟

علي:
لان متحجين بدون ملحه ..

لمى:
من نطلع اكولك هسه مااريد احجي ..

حط ايده على جتفي كال:
شحجت زينب ؟؟
شتريد منج؟

لمى:
شكد تلح كتلك راح تعرف بس نصعد بالسياره احجيلك هسه مينفع ..

.
.
.
‏أقولُ غدًا سأرتبُ أثاث عمري كما أشتهي،
أنفض عنها غبار الشجون،
وأمسحُ عنها القلق،
وأصنع لي فسحةً للهدوءِ.
.
.
.
لايك وتعليق وعشر ملصقات