#اليتيمة
#ح_٧٩
#روز_الفياض
.
.
.
تحضران سويًا أنتِ والمساءات المُضيِّئة
أيكُما مَصدر النوّر ؟
.
.
.
علي:
شنو ؟؟
توأم ولد وبنيه ؟؟
لمى:
ههههههههه يايمه ...
وين بينوا من هسه توأم ؟؟
لا حبيبي بس جبتلك حلقه حتى يعرفون المعجبات انت متزوج وعندك جهالللل ..
علي:
هههه لا ليش هيج تردين تخربين عليه خليني شويه اتنفس ميصير؟
لمى:
لا ...
ميصير ..
انت بس الي لا معجبات ولا غيره ..
طلعتها ولبستها اله باسها كال:
شكد اتغيرت حياتي بوجودكم ...
مجنت متخيل راح اكون سعيد ومرتاح لهدرجة ...
لوما انتو جان الله يعلم شلون حالي هسه ...
لمى:
لعد احنه شنكول ؟؟
ثاني يوم راح من الصبح لامه كللها كتله لاتحجي لاحد لحد متدخل بالشهر الثالث يالله ...
جان فرحان حيل لدرجة جنت انقهر على مصطفى اكول ليش محمد مجان فرحان بي مثلما علي هسه فرحان بابنه ؟؟؟
الحمدلله الله عوض مصطفى بأب ثاني ..
مخلاه يشوف اللي شفته اني ..
ولايعيش اللي عشته اني ...
سبحان شكد غريبه الحياة ...!!!!
حكمة ربي ...
فعلا مراحل حياتي من مرحله لمرحله وصلتني اله ..
لعلي ....
وبعد اشهر صار عندي حسين ...
ومن صار عبالك جان عدنه عشر بنات حتى طلقات بالشارع اخوان علي ضربوا ....
وامه سوت مولود ....
والحمدلله والشكر كل شي صار تمام ....
حتى علاقتي بأبوي اتحسنت شويه ، جان علي يعزمه عدنه بالبيت كل مده حتى يقوي علاقتنه ...
وبده ابوي يتغير يسأل عندي حتى لو بالشهر مره هم قابله اسمه عندي اب ...
يمكن ضميره بدا يصحى ..
ويمكن خايف من الموت ..
ويمكن اتذكر عنده بنات مقصر وياهم ..
الله اعلم ...
المهم بدا يتغير ولو شي بسيط ..
علي .......
ماكو مثله بشر مر بحياتي .....
انسان كريم بشكل ....
كريم بكل شي ....
واهم شي مشاعره ....
حنون ....
ويحب يبينلي ولاولاودنه شكد يحبنه.
مصطفى مستحيل يحصل اب احسن منه ....
ساعات افكر يمكن يحبه اكثر مني اني امه على كرممدلله ويحبه.
ولهسه صورة زوجته عالميز حتى اني صرت احبها ومينطيني كلبي اشيلها وساعات من اكون وحدي بالبيت احاجيها.
سبحان الله بقى وياها كم سنه الله مرزقهم طفل رغم ماكو اي مشكله عدهم بس لان قسمتي وقسمته ...
الله يريد يريح كلبي بعد سنين من التعب والعذاب.
كل يوم من اكعد الصبح اكول الحمدلله على كل نعمه عندي واولهم علي ..
الحمدلله على عوض رب العالمين ...
.
.
.
"قبلَ التفكيرِ في كيفيةِ الفَرَجِ
تذكَّرْ أن :
أهلَ الكهفِ لم يتخيلوا
أن الفرجَ سيأتي على هيئةِ نومٍ
سَلِم أمُوركَ كلها لله ...،،
.
.
.
ختامنا:
لا تبتأسوا من اقداركم فعسى ان تكرهوا شيئا وهو خير لكم ..
كونوا على يقين دائما بأن الله مع الصابرين ...
واتقوا الله في الضعفاء فكل شي في الحياة دين وكما تدين تدان..
وتذكروا ان الراحمين يرحمهم الله ..فكيف بالرحمة على اليتيم ؟؟
.
.
.
تم الجزء الاول
روز الفياض🌷
