#اليتيمة
#ح_٧١
#روز_الفياض
.
.
.
أن يساندك أحد ما، ويعاملك برفقٍ شديد في يومك الثقِيل، أمورٌ كهذهِ لاَ تنسى أبداً ومطلقاً."
.
.
.
علي:
اليوم انام بغرفتنه ..
بس هالفتره بعدين اجيب غرفة نوم جديده ..
ونجيب غرفه لمصطفى ..
لمى:
ان شاءالله.
بقينه نسولف شويه لحد منام مصطفى الساعه ب( ١٢ ) ونص ..
اني نعست ظليت كل شويه اتثاوب.
علي:
نعستي نروح انام ؟
لمى:
اي والله نعست ..
كام هو طفى التلفزيون والاضويه ويشوف الباب مقفول لو لا اني رحت لغرفتي لبست قميص النوم الابيض شكد جنت مستحيه بس كلت خلص اليوم يوم جديد بحياتي ..
فتحت شعري وخليت عطر وطوخت الحمره فتح الباب هو ظل واكف يباوعلي متت من المستحه ..
علي :
مو كلنه بعد ذيج غرفتج ..
لمى:
اي ميخالف بس اشيائي واغراضي ملابسي هنا.
لزمني من ايدي ورحنه لغرفتنه على كولته لكيته فارش الغرفة فرشة عرس ضحكت كتله:
هاي منين جبتها؟
علي:
اشتريتها العصر بس بقت بالسياره هسه رحت نزلتها وفرشتها.
عجبتج ؟؟
لمى:
حلوه.
علي:
بعد اكو شي دقيقه بس ..
طلع من الجراره علبه بيها حلقه لبسنياها كال:
متنزعيها لا بالبيت ولابالطلعه بس كون تكفي لاصبعج.
لمى:
الله .. تجنن ..
شكرا.
شبكني حيل كال:
العفو ..
بس اني هم اريد البس حلقه حتى ارتاح من المعجبات ..
ضحكت شبكته حسيت هذا اقل شي ممكن اشكره بي على احترامه الي ..
علي:
اول مره تشبكيني ..
ابتسمت كال:
شنو هالشعر الحلو هذا.
حجينه شويه عن الجو والكهرباء وعن مصطفى بعدين كال:
حبيبتي بردانه؟
اني صدك جنت بردانه سحبت الغطا اتغطيت ..
علي:
لا تعالي يمي اني ادفيج.
شبكني حيل الغرفه ظلمه بس لايت النوم مشتعل ..
علي:
انت شكد حلوه
ضحكت حيل.
علي:
شبيج؟
لمى:
هالمره زادت عليها كلمة شكد.
ضحك كال:
زين نغيرها ..
تخبلين ..
فعلاً جميلة انتِ ..
محجيت شي استحي كال:
كل شي بيج حلو ..
شعرج ..
وجهج ..
عيونج ..
طولج ..
جسمج ..
كله حلو بس احلى شي .
دنك باسني على كيف وباوعلي كال:
لولو تحبيني؟
لمى:
اتصور احبك.
علي :
هههه معناها تحبيني بس تستحين تكولين هههه ..
يلعب بشعري ويتحسس وجهي وشفتي باسني هالمره بقوه ومد ايده جوه القميص لخصري رفع راسه باوعلي بعدين استلم جسمي بوس لحد رجلي ..
اول مره احس واحد يحبني صدك ويسمعني كلام حلو اول مره احس احب واحد واخاف عليه ويهمني امره وهو هم يحبني ويهتم لامري ..
معقوله هاي اني معقوله الدنيا قررت تتعدل شويه ويايه ؟؟
بليلتها حسيت نفسي فعلا عروس اول مره اتزوج جان رقيق وبقى شابكني للصبح كعدنه على صوت مصطفى الساعه ب( ١٠ ) دفع الباب ودخل اجه يمنه اني نعسانه بقيت مغمضه هو باس خدي كلي:
لولوتي صوفي جوعان.
مجاوبت كال:
زين بس سويله حليب ورجعي نامي.
كمت بالكوه سويتله حليب وغسلتله وغيرتله ورجعت نمت هو نايم مصطفى اجه يمه نام دار هو شبكني وباس جتفي كال:
صباخ الخير حبيبتي.
لمى:
لا ماكو اريد انام.
علي:
لا كافي الظهر نامي هسه اني هم جوعان مو بس مصطفى.
لمى:
بس شويه.
علي:
مو اذا تبقين الشويه تصير هوايه مااضمن نفسي ..
التفتت باوعتله كتله:
عفيه بس شويه دقيقتين.
علي:
مو اكثر من دقيقتين ..
اني رايح قبلج اسبح اريد اطلع الكه الريوك جاهز.
لمى:
اوكي.
باس شفتي على كيف وراح.
رجعت نمت مصطفى يمي يشرب حليب خلص وكلي:
ماما.
كعدت بسته كتله:
توتو حبيبي وين بابا؟
نزل راح يركض للحمام رحت وراه اباوعله فتح علي الباب شافنه واكفين كال:
شبيكم؟
لمى:
ماكو بس سألته وين بابا اجه يركض للحمام يعرفك هنا.
ضحك هو وشاله وباسه.
علي:
حبيب بابا انت ..
روح بابا.
باوعلي كلي:
ها نتريك؟
لمى:
لا.
علي:
ليش؟
لمى:
جنت نايمه و..
علي:
ونسيتي الريوك؟
عفيه ..
ضحكت كتله:
هسه دقايق بس.
علي:
لا خلص انت روحي غسلي اني اسوي جاي وبيض عيون تحبين البيض عيون ؟؟
لمى:
والله؟
علي:
اي شبيج متعجبه ؟؟
لمى:
معقوله؟
علي:
ليش؟
لمى:ا
ول مره احد يسوي بمكاني حاجه ..
هيج يعني بهالبساطه ؟؟
علي:
هههه هسه اغير رأيي واضربج بوري ..
لمى:
عادي اصلا اني ممتعوده عالدلال والراحه.
نزل مصطفى وشبكني كال:
اتدللي شكد متريدين ..
وسوي اللي يعجبج هذا بيتج والقاضي راضي.
لمى:
ياقاضي ؟؟
علي:
اني .
شنو ماانفع اصير قاضي ؟؟
.
.
.
حبني ..
وشيّل كُل غربة على عـُيوّني
حَبني وخلهِن يرجعن
حيلي وضحكتي ولوني
.
.
.
لايك وتعليق وعشر ملصقات
