#اليتيمة
#ح_٤٢
#روز_الفياض
.
.
.
إلهي البارحة تهتُ كثيرًا كنت أُطارد نفسي،
وجدتني في عمق دمعةٍ أفتشُ عن وجودي..
سافرت نحوکَ، فوجدتني!
إلهي، هلّا أويت هذا الطريد !
.
.
.
بعدين كلي بصوت ناصي :
شلون محمد جان يباوع لغيرج ؟؟؟
جفلت !!
وهو هم كأنما جان ممنتبه من حجه وهسه انتبه ..
راسأ باوعلي اني هم باوعتله ارتبك حسيته ..
وراد يتصرف كأنه ماكو شي رجع باسني حيل وكال :
نوارتي ..
اني ظليت بس فاتحه عيوني كلت مو هيج !!!
مو لهدرجه !!!
اني بشر وعندي احساس ..
يعني ضغطت على نفسي وحسيت بالذل والمهانه واني انزع ملابسي علمود ارضيه ..
وادري بي ميحبني بس علمود يشبع رغبته علمود ارد جزء من فضله عليه وعلى ابني ...
وهو يفكر بزوجته ؟؟
مستوى الذل والمهانه ميتصوره بشر من ترجع فضل احد بجسمك وهسه طلع يفكر بأخو وزوجته وبهيج موقف ويلفظ اسمهم كدامي ولا عبالك اني بشر دم ولحم ومشاعر ؟!!!
هو باوعلي لان حس اتخشبت وبدا صوت شهكاتي يعلى ..
اختنكت بدموعي كوه طلع من الحجي:
اسمي لمى ..
مو نور ..
هو راسأ ابتعد ...
اخذ قميصه وطلع من الغرفه وسد الباب حيل ..
اني هم بسرعه كمت لبست فستاني ورحت لغرفتي سديت الباب وقفلته بالمفتاح ...
وكعدت ساعه ابجي ..
وساعه الوم نفسي ..
وساعه اهون على نفسي ..
ماادري شسوي ؟؟
بقيت كاعده بفراشي للصبح بس لعبانه نفسي من نفسي حسيت نفسي مثل البنات المو زينات محمد جان يجيني بس وقت حاجته ومن يخلص ينطي ظهره وينام ومن يريد يطلع يخليلي فلوس عالميز !!!
وهسه علي يريد يثبت رجولته كدام اهله على حسابي متأكده سمع حجايه من امه بخصوص الحمل واجه حتى يثبت خطأهم ويبينلهم ماعنده مشكلة او مرض ..
وجماله نايمه بحضنه ويفكر بزوجته واخوه ...
الله يرحمهم بس اني من حقي احس نفسي عايشه ..
همه ماتوا ولحد الان مناسيهم ..
واني موجوده بس محد يتذكرني !!!
الى متى ربي ؟؟
ربي .. كلبي مكسور ...
.
.
.
- يَا مَنْ يَحُولُ بَيْنَ الْمَرْءِ وَقَلبِهِ .
.
.
.
لايك وتعليق وعشر ملصقات فضلاً
