MY LOVELY STRANGER

CHAPTER 60: The one that got away

Tatlong araw na mula nang makauwi ako. Hindi na ako sanay ng walang ginagawa. Naisipan kong mag paint. Habang nagpipinta ay tumunog ang cellphone ko. Nagtaka ako. Bukod kila mama ay wala namang ibang nakakaalam ng number ko.

"Hello?" I asked.

"Hello, Chelsea? Is it real? Are you back?" tanong mula sa kabilang linya.

Napakunot noo ako. "Zeus?"

"Oh, I'm so glad, you still recognize my voice. May I see you today?" tanong nya.

"Ha? Ok sige. Pano mo nga pala nalaman ang number ko..."

"I'm actually few minutes from your house now. Can I drop by, tapos kain nalang tayo sa labas.. " he cut my words.

"Uhm, I--" he was so excited. I can't even finish my sentence. Pinatay na nya agad ang phone. "That guy"

I got up from the chair at naghugas ako ng kamay. I checked myself in the mirror. Ok naman ang itsura ko. Narinig ko na ang busina ng kotse sa labas. Nagsuklay lang ako at saka tumakbo palabas.

"Hi" bati ko.

"Chelsea" he got down from the car and hugged me. "I missed you so much"

"Kumusta?" tanong ko.

"I'm doing pretty well these days. I'm the CEO of our own company now. But still a part of GGC." he said. "Oh, sorry. It's improper to talk about business right now."

Binuksan nya ang pinto ng kotse at pinapasok ako.

He drove to the nearest mall. "Look at you, you're still gorgeous as ever."

"You're a flatterer." nakangiting sabi ko. "You look good too."

He's still handsome. But with maturity now.

Kumain kami sa labas at nagkwentuhan tungkol sa apat na taon na nagdaan. Hindi na ako nagtanong pa tungkol kay Tristan. I've heard enough. Mukang iniiwasan nya rin naman na may mabanggit.

I guess it's true.

"Actually sa bahay nyo talaga ang punta ko kanina. Kaso nasabi ng kapatid mo na wala sila run at nakauwi ka na nga." he said later.

Nag grocery sila mama at Chandria. Nagpaiwan ako sa bahay. Nasa office naman si Papa.

"Ah, nagkakausap pala kayo ng kapatid ko." I commented. "Ano bang sadya mo?"

He hand me an envelope. "Invitation for GGC's anniversary."

Tiningnan ko ang sobre. "I don't want to go, Zeus.."

"Sige na, Chelsea. Nung mga panahong wala ka, naging friends na sila Tito at ang family mo. Your father's company is officially affiliate with GGC now. I don't know for what reasons, but nasabi nila na ayaw mong makibalita tungkol kay Tristan.. " he paused. "But believe me, many things has changed since you left."

Hindi ako nakaimik.

"Tristan will be present. Kung ano man ang gusto nyong pag usapan, pag usapan nyo sa party. I hope na bigyan mo ng consideration. Pero kung ayaw mo talaga, hindi kita pipilitin. Basta sila Mama at Papa mo, kailangang dumalo since they are considered family friend na rin."

Tinanggap ko ang envelope. "Sige, sasabihin ko sa kanila."

What is this? Di ba nasabi kong babalik ako kapag may napatunayan na ako para sa sarili ko? Tapos malalaman kong parte na rin ng GGC ang company ni Papa? Pati ba sya ginipit na ng Daddy ni Tristan?