ترجية بيبي رحاب

ذكريات

#ترجية_بيبي_رحاب
الجزء 10
(ذكريات)
___
عندما تخرجت من السادس الأعدادي بمعدلٍ عالٍ ،لم تكن في بالي أي جامعة علمية او طبية ،كانت أمنيتي منذُ الطفولة أن أكون طالبة في الجامعة المستنصرية ،حديث عمي علي عنها كان السبب في حبي لها ، وددتُ أن أعيش تفاصيل كل شيء كان يحدثني عنه عمي ،كانت درجتي في اللغة الأنكليزية درجة كاملة لأن معلمي الاول كان عمي ،عشقت اللغة معه و كان يتحدث معي بها ،فكانت بنسبة لي كلُغتي الأم ،لا أجد صعوبة في التحدث بها ولا الكتابة ،أسعد لحظات حياتي عندما تم قبولي في الجامعة المستنصرية كلية الآداب قسم الترجمة،صحيح أنني وددت لو كان قسم اللغة الأنكليزية ،لكني لم أهتم كثيرًا ،ما دمت في نفس الجامعة ،اذكر عندما ذهبت للتسجيل وكان معي أحمد ،وعملنا كل الاجراءات المطلوبة ،كانت هذهِ المرة الأولى إلتي تطأ قدمي أرضها ،كنتُ سعيدة و أنظر بلهفة لكل الأماكن ،وعندما يجدني احمد شاردة و مبتسمة ينبهني :
_كافي تصفنين ،لا تباعين بوجه أحد وتصفنين يفتهموج غلط
والله أنتِ حتجلطيني
تعالي يمي لا توكفين وحدج
كنت أكتفي بالأبتسامة على كلامه ،سعادتي لا توصف يومها ،وعندما اكملنا كل الأمور المتعلقة بالقسم و التسجيل ،حان وقت خروجنا و عندما مشينا في الممر الرئيسي للجامعة و وصلنا إلى بدايته ،خرجت ثم عدت بسرعة و وقفت .
_ها نور شبيج ليش وكفتي اهنا
امشي دنطلع
_اسمع أحمد يحجي بس مجاوبته
ظليت افتر داير مدايري
اباوع هاي القاعة الرئيسية
منا الحديقة
ورايا صارت بناية المصرف
هاي باب الجامعة
جنت ادور داير مدايري و اتخيل عمي علي و وردة من التقوا اهنا
_نور شبيج امشي
_احمد تدري اهنا عمي علي و وردة التقوا
اهنا عثرت هي بي و وكعت كتبهم
_وشتريدين هسه نور
ترجعين تعيشين ذكرياتهم
_لا لا أحمد
أنت دا تتخيل هذا المكان قبل 19 سنة جان واكف عليه عمي و وردة
و كتبهم بالكاع
و هي مرتبكة و عمك متفاجئ
والطلاب يباعون عليهم
_كافي نور كافي
صارت ذكريات هالسوالف
_نور تقربت على أحمد
كالتله اتمنى اعيش مثل ذكرياتهم
_أحمد صار عصبي
نور شتقصدين
ترى والله ما اخليج تفوتين الكلية اذا هذا تفكيرج
حب قبل يختلف عن هسه
و الله يا نور اذا اعرف مسويه شي غلط
محد يخلصج مني
يله امشي
_بهل اثناء جانت نور مطيه ظهرها عكس اتجاه الممر يعني تشوف الي يطلعون بس الي وراها ما تشوفهم
واحمد جان واكف كدامها
من كلها يله امشي
ضاجت ودارت ظهرها
وما حست الا جتفها انضرب بجتف ولد
_أرتبكت وكالت العفو
وأصلا ما شافت شون شكله الولد
_أحمد عصب بالزايد
وأشر للولد بحركه انو ما متقصدين
و اخذ ايد نور وكلها امشي
شناويه اليوم انتِ
_نور ضحكت كالت اوكف لحظة خل اشوفه
يمكن احبه بعدين
وتضحك
_لج انتِ ماكو عقل برأسج
دوام كلية ماكو
_تضحك نور الله ذب عليها ضحك
ولك اشاقه شبيك
كافي تصيح وتمشي سريع
مكاعد الحك بيك
_امشي
_تعبت رجلي
_امشي نور
_اوكف شوية خل اكعد ع رصيف
_لج بابا أنتِ اباب الكلية مو باب مدرسة
عيب تكعدين
_ليش عيب شمسوية
_أستغفر الله أستغفر الله
_نور باعت بوجهه وأبتسمت
عليك الله جيبلي مي وعصير من هذا الكشك الي وراك اشربه و نكوم نطلع
حباب
الله يخليك
وردة مال الله أنت
_طبعًا أحمد شكد جان معصب وضايج
مكدر ما يبتسم على سوالفها
هو وين وهي وين
_ماتريدين حب بعد ونكعد نكرز اني وياج اهنا
_ضحكت والله ياريت
_ديله كافي عاد
مصدكتي
راح جابلها واجه و صدك شربت عصيرها وخلصته يله كامت من مكانها
و طلعوا للشارع
اخذ تكسي ورجعوا للبيت
__________
بيومها جنت واكف ويه شباب لأتحاد و هم اكو بنات واكفين ويانه،جنه كاعد احجي وياهم بسالفة واضحك ،مدري شون درت وجهي على غير جهة، وشفتها ،وجانت تباوع عليه
ومن شافتني أرتبكت ودارت وجهه
مادري ظليت صافن عليها ثواني
وكلت بداخلي هاي من ترتبك تسوي مصيبة ،بس لا توكع بنص السنتر
باوعت على الي يمها نفس صديقاتها الي شفتهم بنادي وياها ،
وشفت ظفر ولمياء دتسولف وياهن
طرت من الفرح
بسرعة ترخصت من الكروب وكتلهم هسه اجي ،
بداخلي فرحان بشوفتها وفرحان لان ظفر ولمياء يعرفوهم
كلت بكلبي ربي ما اريد بس اعرف أسمها وقسمها بس
_مساء الخير
كل البنات باعوا عليه ماعدا وردة مدنجة و تحرك برجلها بحجر بالكاع اصغير
_ظفر ولمياء بصوت واحد
هلو هلو علي شونك
عاش من شافك
_بخير الحمدلله انتو شونكم
يحجي علي ويه البنات وعينه على وردة الي ما رفعت راسها من الكاع
_ظفر
بخير الحمدلله نسأل عليك
_لمياء
بخير احنه بس شو مكاعد نشوفك هالايام
لمياء جانت حلوة و محبوبة و كلش سبورتيه  ،من عائلة راقية ومرتبة و كلش فري مثل مايكولون ، حلوة بشكلها و اخلاقها ، جان شعرها كاري اسود و عيونها عسلي وومعاني وجهه اصغار وبشرتها حنطية
وطويلة وضعيفة جانت كلش نازكة
_والله موجود بس ملتهي
_لمياء عليك الله علي سوينله سفرة
صارلك كم شهر توعدنه
_ظفر على احجاية لمياء
اي اي علي ياريت والله ضايجين .
اهنا علي ابتسم و باوع على البنات الي يمهم
_اذا نسوي سفرة البنات يجون .
انتبهوا ظفر ولمياء على بنات واذكروا ما عرفوهم على علي ،فلمياء كالت :
_يووووه شون نسينه
بنات اعرفكم علي
طالب بكلية الآداب قسم اللغة الانكليزية مرحلة ثانية و عضو بأتحاد الطلبة
علي البنات صديقاتنا من كلية العلوم قسم الرياضيات مرحلة ثانية
واشرت بايدها من الاقرب للابعد
هاي ظمياء ،ابتسام ،فرح ،  وردة
_اتشرفت بمعرفتكم بنات
_البنات كلهم بصوت عدا وردة طبعا
_النه الشرف
قطعت التعارف ظفر
_بنات صدك تجون اذا سوينه سفرة
علي دائمًا يرتبلنه احلى سفرات
_ظمياء باوعت على بنات و همه يباعون عليها ،جان تكول
_الصراحة ما رايحين قبل سفرات ويه الجامعة بس من تتفقون انطونه خبر ونشوف منا لوقتها نكدر نجي او لا .
بهل الاثناء وردة ترفع راسها تباوع تشوف عليه يباوع عليها ترجع ادنج لو ادير رأسها،
بداخلها جانت تردد اسمه
علي علي علي
طلع اسمه علي
وآداب و انكليزي
شكلي تورطت
بعد كلما يشوفنه يسلم علينه
بس جانت تبتسم وتحس باحساس غريب
بس حلو
قاطع صوت ظمياء سلسلة افكارها
_تأخرنا على المحاضرة راح تبدي
يله بنات احنه نروح
فرصة سعيدة علي
كل البنات كالوا فرصة سعيدة عدا وردة إلي رفعت رأسها بس و ابتسمت
وطبعا علي رجعلها أبتسامة جبيرة بكبر فرحته بشوفتها
راحو البنات وهو ظل يباوع على وردة من تمشي لحد ما اختفت
ظفر ولمياء يحجون وياها بس باله مو يمهم
وراها ترخص منهن وراح

وردة وردة
يردد اسمها بكلبه
أصلاً أستغرب لو أهلها مسميها غير أسم !!
هي صدك وردة .

وردة على طول الطريق للقسم جانت ساكتة البنات يحجون ،وهي ساكتة وسارحة ،فرح أنتبهت عليها
_وردة شبيج مو على بعضج
ابتسام
_صدك مو على بعضج شبيج
ظمياء
_سمعتي شي ضوجج لو شنو
_بنات هذا الولد
كلهم بصوت واحد
_ياولد ؟
_علي
_شبي
_هو نفسه الولد الي عثرت يمه وضربته
_يااااا صدك هو هذا
فرح
_صدك تحجين هذا الحلو نفسه
و أني أشوفه كلسع يباوع عليج وبس يبتسم
ظمياء
_صدك جان بس يبتسم
أبتسام
_اي اي اهواية ابتسم
فرح
_ولج لو أني بمكانج و ضربته إلا اوكع بحظنه
وتضحك
البنات ولج أم لسان أسكتي لحد يسمعج شيكول عليج
وردة
_ديله كافي كافي
وهنه بقن يضحكن
______
مرت أيام ودخلنه بسنة 1990 وبده البرد إلي يدك بالعظم ،أبرد شهور السنة كانون الثاني وشباط ،وبشباط تمر كل سنة برده يسموها بردة العجوز ،هاي يكون الجو بيها مطر و برد قوي و هوا .
كم مرة شفت وردة وصديقاتها واسلم عليهم وعرفتهم على عمر ويوسف ،بس سلام خفيف و ما نطول
من جنت اشوفها احس الدنيا كلها تضحكلي
وبيوم الي ما اشوفها حتى نفسي اكرهها
اخذت عقلي وكلبي
تعلقت كلش بشوفتها
وبيوم من ايام شباط الباردة
جان مار تلث ايام وما شايفها
وبالي يمها
خلصت المحاضرة الثانية واخذت الولد وكتلهم نروح للنادي
بداخلي اريد اشوفها يمكن بنادي الكاها
من فتت من سنتر العلوم ظليت اباوع ما شفتها
وصلت قريب النادي
دا اصعد الدرجات واني منزل رأسي افكر
هاي وينها
ليش ماكو
رفعت رأسي
شفت وردة
بس اتفاجأت
وردة مو وحدها
واكف قريب يمها ولد
وكاعدين يحجون
.....
يتبع .....
#هبةالناي