ترجية بيبي رحاب

بقچة الذكريات

الجزء _٢٤_

أحيانًا كثيرة تؤدي بنا مشاعرنا إلى التهلُكة بدون أن نعي ذلك ، فنجد أنفسنا على شفا حفرة من الألم المبرح نسقط بها عاجلاً ليس آجلاً ،الحب و الألم مكملان لبعض ،من الصعب أن نجد الحب والسعادة دائمًا ،الآلآم هي ٱلتي تصقل وتهذب مشاعرنا و تجعلنا نتحلى بالصواب ،الجنون إلذي يرافق الحب تستطيع التجارب أن تلقنهُ درسا حتى يعود إلى صوابه .

_____
ذهبت نور في ذلك اليوم من شهر شباط وهي بكامل أناقتها و جمالها وشبابها لتلتقي ببلال ،اللقاء إلذي لطالما تخيلت حواره في خيالها و كان مصدر أحلامها الدائمة ،كانت تفكر كثيرا بهِ ،لدرجة أفتعلت حوارات و احاديث لم تكن موجودة فقط كي تغذي مخيلتها بهِ ،كانت تلك التخيلات كحقن المورفين ،تسكن بها أوجاع مفاصل مشاعرها إلتي أرهقها الأنتظار  .
ولكن المفاجأة كانت عندما وصلت للمكان المنشود المتفق عليه في الحادية عشر و عشر دقائق صباحًا لم يكُن هنالك بلال!!!
كان الأمر غريب بلنسبةِ لها ،اضطرت لأنتظاره لأكثر من نصف ساعة ولكن لم يأتي ،الحزن والغضب خيم عليها ،حملت هاتفها المحمول و أتصلت بسرعة

_الو
_ها ولج بشري
_اكولج تعاليلي يم المسرح لأن ماعرف شأسوي
_شبيج نور صوتج مو طبيعي
_تعالي سارة تعالي
_جايتج هسه

بعد خمس دقائق سارة ونور في الباحة الأمامية للجامعة

_شبيج أحجي

بدأت نور بالبكاء

_ولج شبيج عزا شحجه وياج هذا شمصخم

وضعت نور كفيها على وجهه وهي تخفي بكاءها و تمتم بصوت منخفض

_ضحك عليه ما اجه

_شنو ضحك عليج
نور شنو السالفة
شنو ما اجه
هو صارله شكد كاتل نفسه حتى يحاجيج
شنو ما اجه

همت برفع رأسها ومسح دموعها بسرعة حتى لا تلفت نظر الطلاب القريبين إليها،،وقالت بصوت مبحوح ومكسور

_ما اجه شفتي ما اجه
هذا اكيد راد يكسرني ويعوفني هيج

_شيكسر ولج
الولد ما مبين عليه هيج
لا  اخلاقه لا شخصيته هيج

انفعلت نور بسرعة وبصوت غاضب

_لعد وينه كوليله وينه
انتظرته اكثر من نص ساعة واني واكفة اباب المسرح والرايح والجاي يباوع عليه
أنتِ دا تتخيلين اني انتظر واحد هلكد
أني نور أنتظر احد وما الكاه و لا يجيني
أني رخصت نفسي من قبلت احجي وياه
مبينه ذيج هيه
لا يحبني ولا يريدني
جان يضحك عليه بكل نظراته و مواقفه

_نور لا تتخبلين
الولد عيونه جان بيها مشاعر الج
خوفه و اهتمامه واضح
لو يريد يأذيج جان تقرب منج من زمان
ما ظل كل هالفترة بس يباوع

_لعد وينه كوليلي

_يجوز صار عنده ظرف

_ظرف اهم مني