الجزء _37_
حضر حساء مشاعرك ببطء و تأني ، الحب يحتاج إلى طباخ ماهر ،يعرف كيف يقدم الحساء بدرجة حرارة معتدلة ،فلا يكون ساخنا لاذع لسان من نحب، ولا يكون بارد لا يشجع أحدا على تناوله ،دع حساءك ينضج على نار هادئة .
_____
_ أحمد
أحمد
أكعد استغفر الله
ليش بقيت الخط مفتوح
بدأ صوت نور يصل إلى مسامع أحمد ، يحاول أن يفتح عينيه بصعوبة ،يفتح بصعوبة فتنغلق بسرعة ،كان شديد النعاس ، يتكلم بدون وعي تام
_اش اشش اشششش
ليش تصحين
_صلوات صلوات
محمد صلوات
فوكاها يكولي اشش
ولك صحصح شوية
_ منو هذا ال ولك
_هاي سمعتها ل ولك
بس غير شي ما سمعته
_اشش شكد تلغين من صبح
لو ادري بيج لغوية ما حبيتج
_حبيتج !!!
أنت شارب شي بلليل
و الله العظيم أحمد اذا شارب اكول لبيبي و لعمو
_استغفر الله أستغفر الله
شبيح شبيح اصيحين
ما تخلين الواحد ينام
_ نامت عليك طابوكة
فوكاها السانه أطول منه
_ولج اشو اللسانج طولان
و ماخذه راحتج
تره صحصحت
لا تخربطين بالحجي
_هو ماكو غيرك مخربط
_اني
_أي انت
_يولي احجي عدل
_يول شنو تكولي لعد حبيتج .
بدأ أحمد بتلعثم و شعر انه تحدث بشيء ولم يكن يعي ذلك ..
_منو حبيتج. شوكت كلت هيج
_انت
_شوكت
_قبل شوية
كلت لو ادري بيج لغوية مجان حبيتج
عشتو فوكاها
_احجي عدل لا تخربطين
هاي جنت نايم مو بوعيّ جنت احجي
ليش هو اكو واحد صاحي يحبج
_ كووومة صاحين يحبون تعال واسولفلك عليهم
غضب أحمد بسرعة .
_ كومة مو ست نور
فرحانة حضرتج لا بعد عرفيني عليهم
اشو انت حيل صايرة ما تستحين
_أوف الله اوف طكت فيوزاته
عززززا تاخرت ع دوام
باي باي
_تعاي اهنا احجيج
_شكو احجي ع سريع
_شعندج مخابرتني الصبح
بيج شي
_لا مستحيل انت صاحي
مو بس شرب
يمكن صاير تتعاطى هم
شنو نوع الحبوب الي تاخذها
_ولج لسانج يرادله كص
_كص لو كباب ها ها ها
_فوكاها سخيفة ما اضحك
احجي وياج. هاااي وينج
شو هالصوت
أنت تقرأ
ترجية بيبي رحاب
Любовные романыرواية ما بين الماضي و الحاضر ، بين بغداد الماضي و بغداد اليوم ، ورحاب الذكريات و نور المستقبل ،شخصيات كثيرة و حوادث كلها تدور ما بين الحب و الفراق والموت .
