ترجية بيبي رحاب

صراع الطوائف

الجزء _٢٧_

أصعب شعور قد يواجه الإنسان هو معرفة عمق مشاعره ،هل هي حب ، ام أعجاب ،أو نزوة سريعة ،أو طيش شباب .
عندما يطرق بابك الحب ستكون في تناقض عجيب ،بين هل هذا حب حقيقي  ام هو حب عادي سطحي مليء بحب التجربة والشهوات!!

والأغرب من كل هذا ،هو عدم تأكدك من مشاعر الطرف الآخر ،وعمق مشاعره .

______
مرت ايام و نور تفكر بكلام بلال و تحاول أن تجد التصرف الصحيح ،فهي تحبه نعم ولكن الأرتباط بهِ هذه الفترة غير مسموح فيه ،و في نفس الوقت لا تُريد علاقة تجعلها تخسر سمعتها وخاصة في مجتمع جامعي لا شيء فيه يخفى ،و هنالك شعور غريب كان يجتاحها من وقت لآخر ،هو كيف تدرك عمق مشاعر بلال معها وصدقه ،هل يحبها لدرجة يقف بوجه العالم لو أعترض احدًا طريقها ،ام سيتركها في منتصف الطريق امام اصغر معركة تواجههم .
كاد رأسها ينفجر من الاسئلة ،كانت تراه في الجامعة و تكتفي هي وسارة فقط بسلام والإبتسامة وهو يبادلها نفس الشيء ،لكن عيونه كانت مليئة بالتقرب واللهفة .

_شوكت راح ترجعيله جواب نور ،اليوم شافني من دخلت للكلية وسألني عليج ،كتله بعدها تفكر
كال ها يصير خير
بس كوليلها صارلها أسبوعين وأني ماظل بيه صبر

_سارة دايخة دايخة مدا اعرف اريده وماريده
أحبه واريد قربه بس اخاف من تالي

_ليش ما تخلي يتقدملج حتى الشك الي لداخلج اتجاهه يموت

_إنتِ تعرفين اذا تقدم هسه ينرفض
  وراح ادخل بسين وجيم ويه الكل
وهذا منين وليش اجه علينه واذا درو موافقة تنگلب الدنيا عليه

_لعد الحل شنو
أني ما انصحج بعلاقة
صح هو مبين يحبج ويخاف عليج
بس فكري زين
سمعتج اهم نور حتى لو هو صادق وياج

_هو هذا الي مدوخني

_خليها على الله صلي واستخاري
واذا هو بي خير الج يبقى

_هو هم هيج

عند عودتها وجدت عمتها ذهب في البيت

_ياهلا وميت هلا ،هاي منو يمنه

_عابت هالحلك منو يمكم الي يسمعج يكول كل سنة اجيكم ولا عبالك ذااااك اليوم يمكم

_اي اي اكليني وشربيني بلسانج
شبيج ذهبهب غير دا ارحب بيج
شكد راح تبقين

_ولج لسانج طولان
شنو شكد راح ابقه
بس لا كاعدة على گلبج

أجابتها نور بضحكة
_هيج شي

_ولج هاي عليمن

_على جهالج شبيج
مايصير واحد يشاقه وياهم

وضربت كتف عمتها مداعبة

فديت ام صوت العالي

ضحكت ذهب بصوتٍ عالٍ