ترجية بيبي رحاب

"بركان المشاعر"

الجزء _٢٣_
.
من قال بأن البراكين هي أقوى الأنفجارات ؟! يبدو أنه لم يرى براكين المشاعر عندما تحترق و تنفجر .

___
_نور شدسوين !!

كان وجه أحمد متجهم و العصب يكاد أن يشق جبهته ،كان بداخله غضب يحاول كبح جماحه .

نور بصوتها المرتجف :

_والله هسه طلع الاستاذ

تدارك بلال الموقف قائلا :
_أسف ،اذا سببتلج تأخير ،بس وصلي سلامي لسارة ،

نظر لأحمد بسرعة :
_أعتذر منك أخوية ،سبب تأخريها أني .

لم يصدق الكلام أحمد ولم يكن هذا الكلام إلذي يود أن يسمعه ،اكتفى بهز رأسه بدون أن يتكلم ،ونظر إلى نور بغضب وبعيون تتطاير شررا وحاجب مرتفع لعنق السماء .

_يله أمشي بسرعة تأخرنا .

ما كان من نور إلا أن تمشي بسرعة محاولة أن تجاري خطواته ،كان قلبها يدق بقوة ،وهي تستمع إلى أنفاس أحمد الغاضبة الهاربة من حريق صدره،وكلما حاولت التحدث إليه ترى عروق رقبته بارزة فتفضل الصمت ،هي تعرف هنالك بركان سينفجر عليها في آي لحظة ،لا تعرف ماذا تفعل ،كلما قرأت آية قرآنية لا تستطيع التركيز فيها أو الانتهاء منها  ،لم يتبقى مسافة كبيرة لمكان وقوف السيارة ،كانت تود لو أنها تعود لوحدها ،ولكن هيهات ،ومع من مع أحمد لن يحدث ذلك .

____
طريق الرجعة من الجامعة للبيت ،كان طريق الجحيم بلنسبة لنور ،صياح أحمد و غلطه وفشاره مله راس نور ،البركان إلي جان خامل طول الفترات الي راحت من عمره ،نشط فجأة بدون حتى ما ينطي أشارة .

_شدسوين أنتِ من ورايه بجامعة لج شدسوين .

يضرب أحمد بجف ايده ع سيارة و يمشي بسرعة خيالية

_لج بيدي اوديج واجيب بعد شسويلج
من يوم ما فتي لهل الغضب وأني مثل ظلج
اعوف دوامي واجي يمج
لج نووووور هذا منو
منو
احجي

بدت نور تبجي وتخاف من أحمد وبصوت يرجف و متمته
_وال والل والله ماعندي
ماعندي
_ما عندج شنو

_ماعندي شي وياه

_لج نور اجذبين عليه
شايفتني طرطور
والله والله والله يانور اكتلج واكتله واخلص من عارج
اني دازج للكلية تدرسين لو تسوين علاقات

_والله ماعندي علاقة بي
جان يسألني على على سارة

اندار عليها أحمد وهو بكل جنونه جر ايدها

_لج يا سارة
شايفتني غبي
احجي هذا منو
شيريد منج

_عيني أحمد فدوة لك باوع ع طريق راح نندعم

_ودعمتهم ،خل الله ياخذنه اثنيناتنا

_والله بيبي يصير بيها شي
والله وداعة بيبي ماعندي شي وياه
مدا اجذب عليك