اسر ايه الكلام اللي بتقوليه ده انتي مش قولتي انك بتحبيني واتفقنا علي كل حاجة
فريده ببرود :اه قلت بس دلوقتي بح كان فيه و خلص شطبنا
اسر :باندهاش ايه اللي بتقوليه ده انتي ازاي تتكلمي كده
فريده :اقولهالك بلغتكم يا هندسه مش فريده سليم الحسيني اللي يتعمل عليها رهان بينك وبين صحابك علشان توقعها وتكسب الرهان حبيت انت و اصحابك تتسلوا بس ملقتش غيري ده انت وقعت ومحدش سمي عليك كله الا انا يا بابا
اسر وكان دلو ماء بارد صب عليه
فريده مالك مش عارف تنطق ليه القطة اكلت لسانك ولا مش لاقي كلام تقوله يا خساره يا اسر يا خسارة
بس انت اللي ابتديت واتحمل بقي وعلي راي المثل علي نفسها جنت براقش سلام يا بيبي
خرجت فريده من المكتب و علي وجهها معالم الانتصار و الحزن
كانت تريد ان يكذب اسر ما قالته ولكنه لم يبدي اي اعتراض علي ما سمعه
خرج خلفها ومعالكم الضيق تعلو وجهه ادم من بعيد :اوبا شكلها قلبت خناقة و جامده كمان
كريم :ايه يا عم ماله اخوك عمل زي اللي ميتله ميت كده ليه
ادم :مش انت قريت فيها يا خويا انا عارف عينك يا ساتر يا رب
كريم :الله وانا مالي انت هتشتغل عليا هوا انا اللي كنت فكيت الشراكه
ادم :خف يا كريم وانت يا يوسف روح لاسر انت عارف هوا مش بيطيق حد وهوا متعصب غيرك
يوسف وهوا ابن عم ادم واسر وصديق اسر المقرب من ايام الطفوله ولا يختلف عنهم في الوسامه
شكل العيله ديه كلها مزز جامدين اوعدنا يا رب احم احم نرجع لقصتنا بلاش قله ادب
يوسف :ايه يا اسر اللي حصل مالك وبعدينايه اللي عملته فريده ده انت مش كنت بتقول النهارده الخطوبه و الخاتم اللي اشتريته ايه اللي حصل
اسر بشرود: مش عارف مش عارف مرة واحده لقيتها كده وبعدين بتقولي علي رهان انا عامله عليها وكلام غريب
يوسف:رهان رهان ايه اوعي يكون لما كنت بتضحك انت و زاهر وبتقول ان مفيش بنت تستعصي عليك بس مين اللي قالها وبعدين ده كان هزار ومحدش سمعه طب مفهمتهاش ليه وبعدين هي عارفة انك بتحبها
اسر بعصبية: مش عارف انا حتي معرفتش ارد عليها وانا عارف فريدة لما بتقلب
يوسف :اهدي يا اسر و تعالي نمشي ونفكر بهدوء ونشوف هنعمل ايه و تراضي فريدة ازاي
اسر : مش ههدي غير لما اعرف مين ابن التيت اللي قالها كده وهتكون نهايته علي ايدي
سيف النصر يتحدث مع سليم
سيف النصر: لولا ان فريدة مسافرة انا مكنتش وافقت علي فض الشراكة ديه ابدا بس هي اقنعتني
سليم: وبصراحة مكنش هينفع انها تديرها من بره او تخلي حد يديرها انت عارفها تحب تعمل مكل حاجة بنفسها
سيف اكيد وانا بحترمها بس اللي عازز عليا انها كانت فيها من قبل ما تدخل الكليه فاكر كان عندها 17 سنه لما عملناها و كنا فاكرينها هتفشل
سليم: بس فاجئت الكل ونجحت حتي اسر طلب منها انه يشتغل ويدخل شريك معاها وبقي ليها اسم في السوق
سيف :بنتك ديه بصراحة انا بفتخر بيها وكنت فاكر انها هتتخطب لاسر بس بصراحة فاجئتني لما رفضت مع اني عارف انهم بيحبوا بعض
سليم :فريده مرفضتش هيا اجلت الموضوع شويه يا سيف علي العموم ربنا يهدي النفوس
سيف :امين بس انا قلقان من ناحيه اسر كان متعصب و متزربن من بعد الموضوع كان لازم فريده تقوله الاول
سليم :كله مقدر يا سيف هما حرين مع بعض هما قالوا كدة من الاول
جاسمين: ايه يا كاميليا اللي بيحصل ده وانتي ازاي متقوليش ان فريدة هتفض الشرا كة
كاميليا : وانا اش عرفني انا زيي زيك اتفاجئت اصلا محدش يعرف دماغ فريدة فيها ايه
جاسمين : عليا انا برضو ده انتي انتيمتها وسرها كله معاكي هتخبي عليكي برضو
كاميليا : قولتلك معرفش وبعدين مانتي شايفة الحفلة اتعملت فجأه حتي انا عرفت بيها لسه من يومين
جاسمين: ده الكل كان فاكر انهم هيعلنوا خطوبتهم فيها بس فريدة عليها مفاجأت
فريدة مقاطعة من الخلف: هوا فيه احلي من المفاجات انا دايما بحبها
