قصة جنونى وعنادك

الفصل ٦٥

عاد الجميع الي العاصمه..وفي الشركه طلب اسر من
سكرتيرته ان تتصل بطارق وتدعوه للحضور..

اسر بخبث:اهلا ..اتفضل..ده انا مستنيك علي نار..

طارق:ايه يا اسورة..لحقت اوحشك..منا كنت لسه معاك من يومين..

اسر:طبعا وحشتني..ده انا كنت مستني نرجع واقابلك ونتكلم...

طارق:وماله نتكلم ..عايز تتكلم عن ايه..

اسر:المشروع...هوا فيه حاجة غيره..

طارق:ماله..مش احنا ظبطنا كل حاجة هناك..
ولا فيه حاجة جدت تاني..

اسر :الجديد كله معايا..بص يا حيلتها..انت هتسيب
المشروع ورجلك فوق رقبتك..

طارق ببرود:لا يا حبيبي...مش هسيبه..وبعدين
انت ناسي الشرط الجزائي..

اسر:ماهوا انت كده كده هتسيبه...لانك لو مسبتهوش
الفيديو الحلو ده هيتنشر بكرة في كل حته..

طارق:فيديو..فيديو ايه..

اسر:فيديو ليك يا سيد الرجاله ..وانت ههههههه...
لامؤاخده مع المزة اياها..

وبسخريه..بس مكنتش اعرف يا طروقه انك بتسمع الكلام اللي بيتقالك..
بصراحة المزة ظبطتك..مش عيب يا راجل تسبها تعمل فيك كده..

طارق بتوتر:انت بتتكلم علي ايه..

اسر:طيب..تعالي اتفرج كده...

صعق طارق مما راي..فهو فيديو له مع فتاه الليل
التي قابلها في القريه في اوضاع مقززة.....كان طارق يتصبب عرقا..

طارق بتوتر:انت جبت البتاع ده منين .. وانت عايز ايه الوقتي...

اسر بابتسامه نصر:احبك وانت مهاود...انت هتسيب
المشروع..وهتتنازل عن العقد...

طارق:طب و الشرط الجزائي...ده انا يتخرب بيتي..

اسر:لا...منا ميخلصنيش..انا هعمل معاك اتفاق...علشان
بس تعرف اني بعزك يا طروقه...انا وانت هنفسخ العقد بطريقة
وديه والشرط الجزائي محدش هيدفعه..ونبقي خلصنا..

طارق بارتباك:طب و الفيديو...

اسر:اول ما نفض العقد هديك الفيديو...

طارق :طب وانا ايه اللي يضمنلي انه ميكونش معاك
نسخ تانيه وتهددني بيها..

اسر:كلمتي يا طارق...وانت عارف كلمتي واحده..تتنازل هديك الفيديو...
تلعب معايا...من بكرة تلاقيه في كل حته...وشوف بقي ايه اللي

هيحصل ليك لما فيديو زي ده ينتشر..مش هقولك بقي..
هيتخرب بيتك بجد ..ها قولت ايه..

طارق بحنق:موافق...

اسر:ايوة كده يا طروقه..يلا بقي امضي ع التنازل ..

مضي كل من اسر وطارق علي عقود فسخ الشراكه...
واعطي اسر له الفيديو ..