قصة جنونى وعنادك

الفصل ٩٦

اتجه الجميع الي الموقع لرؤيته قبل توقيع العقود..
وبملابس سيرين كان الكل ينظر اليها ولا يحيد عينيه عنها..

لتتحدث سيرين في ضيق: شو هاد ليش عم يطلعوا
فيني هيك.. شو مو شافوا نسوان من قبل..

يوسف: عندهم حق ماهو مش هيشوفوا واحدة زيها كل يوم..

ادم: والله لو انجي سمعتك لتطين
عيشتك يا جو.. اسكت شويه.. ولا ايه يا اسر..

اسر: سيبك هي الفرجة بفلوس..

فريده بغيظ: طبعا ماهي البضاعة علي
عينك يا تاجر وعنيكم عايزة رصاصة..
اسر بتحذير: فريدة اهدي..

سيرين بحنق: امت راح نمشي..
البرت: شو فيكي سيرين ليش هيك مضايقة..
شوي وبنخلص بعد ما بنشوف الموقع..

اسر: فيه حاجة مدام سيرين..

سيرين بدلع وضيق مصطنع:
مو شايف مستر اسر الكل عم يطلع فيني ..
وانا عم بضايق من هيك نظرات...

فريدة بغيظ: صفيحة زباله مقروفة ومضايقة من الدبان حواليها..
ماهو اكيد يا حبيبتي بلبسك ده هيتلموا حواليكي..

لينفجر ادم ويوسف من الضحك..

ادم: هههههه عليكي تشبيهات يا فريدة فظيعة..
يوسف: هههههه فعلا ..بس حرام عليكي يا فريدة
ديه صفيحة زباله.. يعني احنا الدبان..ههههه..

اسر الذي يحاول كتم ضحكاته وبحزم: فريدة...
معلش يا مدام سيرين خلاص خلصنا اتفضلوا..

في السيارة

انفجر اسر ضاحكا: ههههههه فريدة يا حبيبتي
انتي متأكدة انك تربيه ذوات.. انتي بتجيبي الكلام ده منين
صفيحة زباله مقروفة من دبان..انا مسكت نفسي بالعافيه..

فريدة بحنق: امال عايزني اقولها ايه وهي عماله تتمايص
وتتدلع وبعدين حضرتك لازقلها ومش عامل اعتبار ليا خالص..

اسر بضحكة: برضو هتغيري يا روحي من ديه وبعدين مانتي
بتقولي انها صفيحة زباله معقوله ابصلها وبعدين انا مش دبانه...

فريدة بغيظ: لأ.. انت دبور كبير...

ليضحك اسر بصوت عالي مكملا: هههههه.. ماشي
مقبوله منك يا قلبي ..بس روقي بقي وخلينا
نروح نراجع عقود صفيحة الزباله هههههه قصدي مدام سيرين..

فريدة بضيق: اتفضل مانتي متسربع عليها ....
ليمسك وجنتيها ويكمل: معقوله يبقي معايا الورد و ابص للصبار..

فريدة: ماهو فيه رجاله كدة عنيها فارغة ميملاش عنيها غير التراب..
اسر بضحكه: لاحظي ان لسانك يا حبيبتي طويل النهاردة فإهدي شويه..
>>>>>>>>>>>>>>>>>>>>>>>>

في الصباح اتجه الجميع الي الشركة لتوقيع القعد ولكن
رفضت فريدة ان يصطحبها اسر في سيارته.. واخذت سيارتها بعد رحيله..