في منزل اسر في غرفته كاد يجن من الغضب ويحطم كل ما في غرفته
اسر بغضب: انا تعمل فيا كده انا تستغفلني بعد ما احبها واعمل كل حاجة علشانها
تطلع زيها زي اي واحدة عرفتها لا ومش اي واحدة انا اللي العب علي الف واحدة
تيجي ديه وتضحك عليا انا اسر اللي كل البنات تتمني اني ابصلها ولا اكلمها كلمه تعمل فيا كدة
بس لا ورحمة امي يا فريدة لهوريكي انا هعمل فيكي ايه انا هخليكي تجيني تبوسي رجلي علشان ارحمك
قال وانا فاكرك زعلانه مني علشان الرهان واقول هصالحها اتاريكي بتقرطسيني مش انا مش هسيبك
احد الخدم(سيد) : ياساتر يا رب شكل البيه الحاله ضاربه معاه جامد
خادم اخر(عدلي): اه باينه كده ده عمال يكسر في كل حاجة فوق بس يا تري ايه اللي حصل
سيد: تلاقيه مدايق من واحده ست مدتلوش ريق ولا حاجة مانتي عارفه
عدلي: ههههههههههههه كلامك زين والله وهوا كده دايما
واتي من خلفهم صوت صارم قوي وهو صوت ام علي
مدبرة المنزل و المسئوله عنه وتعتبر مربيه اسر وادم ويوسف
ام علي:انتو ايه اللي موقفكم هنا بتعملوا ايه وسايبين شغلكم
سيد بتعلثم: ابدا يام علي احنا بس سمعنا صوت دوشه وتكسير قولنا نشوف فيه ايه
عدلي : ايوه يام علي باينت اسر بيه متنرفز وعمال يهبد ويكسر في الاوضة
ام علي بصرامه: ملكمش دعوة باللي بيحصل فوق كل واحد ينجر علي شغله
مش عايزة اشوف وش حد فيكم هنا
سيد :بس
ام علي : قلت يلا مش هعيد كلامي يلا من قدامي
هرب الخادمان من امامها وهم يجران اذيان الخيبة لعدم معرفتهم ماذا يحدث
ام علي وهي تتجه الي غرفة اسر في نفسها
: ياتري ايه اللي حصل يخليك متعصب كده يا اسر ربنا يستر
وصلت ام علي ودقت علي الباب
اسر من الداخل وبصوت عالي : مش عايز اشوف حد غوروا من وشي
ام علي: افتح يا اسر يابني انا ام علي
اسر: الله يخليكي يام علي امشي الوقتي مش عايز اشوف حد
ام علي : يابني افتح صوتك جايب لاخر البيت وابوك علي وصول افتح الله يهديك
اسر وقد فتح الباب ودخلت ام علي ووجدت الغرفة محطمه ام علي وهي تخبط علي صدرها:
يالهووووووووي ايه اللي عاملته في الاوضة ده يابني ايه اللي حصل لده كله وايدك كلها جايبة دم
اسر :متخديش في بالك يام علي مفيش حاجة
ام علي : مفيش حاجة ازاي دنا جيت علي صوتك من تحت حتي باقي الخدامين كانوا واقفين مالك يابني
اسر بحزن: تعبااااااااااااااان تعبان يادادة حاسس ان كل حاجة حواليا خدعة
كلهم كدابين محدش صادق كلهم خاينين
ام علي: بقي كل اللي انت عامله في نفسك علشان واحده ست
اسر وهو ينظر اليها بحزن: ديه مش اي واحده
ديه الانسانه الوحيدة اللي انا حبيتها وطلعت خاينة وكدابه
ام علي : يابني مفيش حد يستاهل تعمل في نفسك علشانه كده
اسر :بس ديه...........
ام علي مقاطعة :مبسش مش اسر اللي واحدة تكسره وتعمل فيه كده
اسر طول عمره قوي وفيش حاجة تهزه
اسر :بس ديه الوحيدة اللي كسرتني وهدتني انا حبتها بجد ومش قادر
ام علي بصرامه : يبقي لازم تنساها وتقوم تقف علي حيلك
انت مش بتقول خاينه يبقي ماتستهلش انك حتي تفكر فيها
اسر :طب اعمل ايه
ام علي : انساها ومينسيش الراجل الست غير واحده ست زيها
احرق قلبها ودمها زي ماهي حرقت دمك
اسر بانتباه: ازاي
ام علي: هي عارفة انك بتحبها ومش هتستغني عنها صح
اسر صح
ام علي:يبقي تعمل عكس ده حب واخطب وحتي اتجوز حتي لو بهزار
,,,,,,,,,,,,,,,,,,,,,,,,,,,,,,,,,,,,,,,,
في منزل فريدة بعد ان عادت وهي تحدث نفسها
يارب انت عالم بحالي هوا ماله ادم ماتصلش ليه ايه اللي حصل
يارب انا خلاص تعبت
يارب وعد مني لو خلصت من الموضوع ده انا هسامح الكل
حتي اسر هسامحه لو جه يسترضاني
يارب انا خلاص سامحته
يوووووووووووه انا تعبت يلا يا ادم انت فين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اسر وهو ينظر لها باستغراب
ام علي : متستغربش ايوة ايه يعني يمكن اللي تخطبها ديه
تنسيك الاولانيه وتحبها بصحيح وتكون كسبت في الحالتين
اسر وقد استعاد تركيزه:عندك حق يادادة انا فعلا هعمل ده
ام علي : طب يلا استناني اجيب حاجة انضف بيها الجرح
ام علي بعد ان نظفت جرح اسر ورتبت الغرفة:
انا هنزل اعملك حاجة تاكلها
وكمان هنبه ع الخدم محدش يجيب سيرة باللي حصل وعيزاك تروق يا ضنايا
اسر بامتنان: حاضر يا دادة
ام علي : حضرلك الخير يا حبيبي ايوة كده انا عايزة الضحكة دايما تنور وشك
خرجت ام علي من غرفة اسر الذي ظل يفكر في كلامها و
في الاسفل نبهت ام علي علي سيد وعدلي الا يحدثوا احدا عن ماحدث بالاعلي
وشددت علي ذلك وبالطبع اذعنوا لطلبها
في ذلك الوقت حضر يوسف ووجد اسر ينزل من علي الدرج
يوسف : ايه ده انت نازل ........ وايه اللي في ايدك ده
اسر وهو ينظر الي ام علي: ابدا ايدي اتخبطت في الازاز واتعورت
ام علي : انت خارج يابني
اسر :ايوه يا دادة هسهر مع اصحابي شويه ونظر ليوسف تيجي معايا ياض
يوسف : ايوه كده يا معلم طبعا جاي انت بتسال حمامه هغير واجيلك
اسر :طب خلص بسرعة خمس دقايق و الا هسيبك وامشي
يوسف وهو يرقض الي الدرج:لا تمشي فين
دنا مصدقت انك خرجت من المود ولا انت فاكرني في الهم بس
علي راي المثل (في الفرح منسية و في الهم مدعيه)
اسر : انت هتقعد تلك كتير انا همشي و اسيبك
يوسف : خلاص خلاص فوريرة
