قصة جنونى وعنادك

الفصل ٥٧

مر يومان وانتهي الرهان بربح اسر...وعاد كل الي منزله
...وارغامه لفريده علي قبول الخطبه...وطلب من والدها .
.ان يكون كتب الكتاب مع الخطوبه...
حتي لا تستطيع فريده تغيير رايها بعد ذلك...

بعد فتره قصيرة تم التحضير للخطوبه وزينت فيلا سليم الحسيني
باجمل الديكورات والجميع علي اتم الاستعداد ..فاليوم هو يوم خطوبه اسر وفريده..

في فيلا سيف الدين دلف يوسف ومعتز وادم وكريم الي
غرفه اسر ووجدوه مستيقظ

يوسف:صباحيه مباركه يا عريس...مبروووووك..
بس ايه ده انت صاحي من بدري يعني..

معتز:ايوه صحيح...ده انت يوم خطوبتك من انجي صحيناك بالطبل البلدي...
كريم غامزا :يا عم ديه فريده...مش اي حد..يعني الحب كله ..

ادم:طبعا ...انت بتقول فيها..انت متعرفش عمل ايه علشان توافق..
اسر بتهكم:هاااا...خلاص خلصتوا...عايزين ايه ع الصبح...

معتز:مالك يا حلوة زعلانه ليه...ده احنا حتي جايين نعمل معاكي الواجب

كريم:ايوة طبعا..بما ان النهارده اخر يوم ليك في العزوبيه.
..وبعدين هتدخل القفص يا معلم...

اسر: قفص ايه انت وهوا ..ديه يادوبك خطوبه.
..مش دخله..انتو مكبرين الموضوع..

ادم:لا يا حبيبي...ده كتب كتاب ...وبعدين حتي لو خطوبه.
..انسي خلاص مع فريده...لا يمكن تقدر تلعب بديلك.
..انت خلاص هتوب يا معلم

يوسف:كان بدري عليك يا كازنوفا...بس نعمل ايه ..الحب يعمل اكتر من كده
كريم بتحسر:مين اللي هيظبطلنا المزز من بعدك يا كازنوفا..يا خسارة..

اسر:اييييه يابني انت وهوا ...هوا انا رايح اتجوز ولا رايح استشهد...
ادم:لا اكتر...انت رايح لفريده...يعني مفيش مهرب ليك..

معتز:علشان كده يا معلم..احنا هنعمل معاك احلي واجب النهارده..
اسر بقلق:انتو ناويين علي ايه بالظبط انا مش مستريحلكم....

يوسف:بصي يا حلوة سلميلنا نفسك النهارده واحنا هنوريكي ..احلي شغل
كريم:احنا ناويين نرجع ..شغل زمان النهارده...

اسر:يا خوفي منكم..
ادم:لا يا حلوة متخافيش....ده احنا هنريحوكي خالص..ههههه

اسر:حتي انت يا ادم... طب دول عيال هلس...انما انت اخويا...بتحرضني برضو...
ادم:اكيد يا بيضة ...يلا البس بسرعة علشان نلحق نخلص قبل بالليل

كريم:فعلا ...اصل البرنامج اللي احنا عاملينه كبير قوووي
اسر بتهكم:ليه برنامج اليوم المفتوح..ماشي اديني وراكم لما نشوف

انتهي اسر من تبديل ملابسه وخرج الجميع واستقلوا السيارة الجيب
وتوجهوا الي العديد من الاماكن حيث اعادوا ماكانوا يفعلونه
منذ الصغر من لف بالسيارة في الشوارع والذهاب الي النوادي
و المنتزهات معاكسه الفتيات في الشارع وايضا مضايقة المارين
..وانتهوا باخذ اسر للحلاقه .. والعوده لتبديل الملابس للاستعداد للحفل ...