انتهي الجميع وبدات الحفله وذهب اسر لاصطحاب انجي من الغرفه
كان اسر في قمه تانقه وكانه قد خرج من قصة خياليه
من الاخر الواد مز ويتاكل اكل
احم احم خلينا محترمين شويه بقي نرجع لموضوعنا
وصل اسر وانجي الي القاعة
كانت انجي ترتدي فستان باللون الاحمر الكاب العاري
ولكنه طويل جدا وجعلت فريده بعض الاطفال الصغيرة التي ترتدي كالاميرات
تقوم بحمل ذيل الفستان واخريات تقوم برمي الزهور عليهما وسط اضواء جميله خافته
كان ديكور القاعة جميل وهادئ ابهر جميع الحاضرين واعجبوا كثيرا بالفقرات
وصلت فريده الي القاعة وكانت في ابهي طلتها
حيث لفتت انظار الجميع حيث كانت ترتدي فستان بسيط وغايه في الروعة
باللون الفيروزي والذي ابرز جمال عيونها وكانها سندريلا اتت الي اميرها
حتي ان اسر قد شرد في جمالها حين اتت لتهنئته
فريده: مبروك يا انجي اتمني ان الحفلة تكون عجباكم
انجي من غير نفس:ميرسي يا فريده اه جميلة عبالك
فريده: ميرسي ليكي .......... مبروك يا اسر
اسر في نفسهحزينة ايه ده هوا فيه جمال بالشكل ده يخربيتك يا فريده انا كده هنهار)
الله يبارك فيكي يا فريده عبال مانتعبلك في فرحك بصراحة الحفله تحفة
فريده بابتسامه ساحرة : ميرسي يا اسر ديه اقل حاجة
وبعدين ده قدرك انت عارف انت عزيز عليا اوي
اسر في سرهحزينةصبرني يا رب الله يحرقك يا كامل الزفت )
انجي متدخله : اكيد يا يافريده ايه يا اسر مش هنرقص ولا ايه
اسر : اكيد يا حبي
فريده : اوك اسيبكم يا جماعة have fun
فريده لنفسها: يلا بقي استلقوا وعدكم
طلبت فريدة من النادل ان يحضر بعض العصير الي العروسين واعطائهم لهم
النادل وهو يعطي كل من اسر و انجي العصير : اتفضلوا يا فندم
انجي: ميرسي
اسر : شكرا
وبعد ذلك طلب منهم ان يقوموا بتبديل الاكواب
وجعل اسر يشرب انجي من كوبه وانجي ايضا
اوصت فريده مصور الفيديو ان يصب كل التركيز علي العروسين
فريده لنفسها : ايوة بقي دلوقتي نبتدي الشغل
اثناء ذلك اوصت فريده بعض الفتيات الصغيرة بالقاء بعض النقود والورود عند العريسين
و كانت طلبت من الاخريات اخبار الاطفال في القاعة بلم النقود واخذها لهم
وبالطبع اخذها الاطفال فرصة وعندما كانت انجي تقوم بتقريب كوب العصير من اسر
رمت الفتيات النقود فاسرع الاطفال باتجاه العروسين و
انسكب العصير علي وجه اسر و ملابسه
كل هذا وفريده تتابع من بعيد وتحاول كبت ضحكاتها
اسر بضيق: ايه ده مش تفتحي شوفتي هببتي ايه
انجي بتعلثم: سوري ........سوري يا اسر
مكنش قصدي الولاد دول هما اللي خبطوا فيا
اسر: وانا اهبب ايه بسوري بتاعتك الوقتي البدله اتبهدلت
انجي:بجد اسفة يا اسر طب روح التواليت وحاول تنضفه
يوسف: البس ايه ده البدلة شربت العصير
اسر بضيق: اخفي من قدامي بدل ما اطلع قرفي عليك
معتز:لا لا خير دلق العصير خير
اسر وهو يستشيط:ناقصكم انا كمان غوروا من وشي وهو ينظر للمصور
وانت التاني بتصور ايه اخفي من قدامي جاتك البلا
فريدة وهي تشير الي ادم الذي اتي اليها: اوه يا ادم بدله اسر غرقت عصير
بص خده ع التواليت بسرعة وانا هبعتلك قميص ليه وحد ينضفله البدله حالا
ادم وهو ينظر لفريده بدهشة : هااااااااااااه
فريدة :انت هتفضل متنح كده كتير يلا روح بسرعة الناس بدات تتكلم
ذهب ادم الي اسر وهو يضرب كف علي الاخر من تصرفات فريدة
ادم لاسر:تعالي معايا يا اسر ع التواليت علشان نظبط هدومك
اسر بضيق وهو يمشي مع ادم ناحية التواليت:
يلا خليني بالمرة اشم نفسي من هنا حاسس اني مخنوق
ذهب اسر الي التواليت واعطت فريدة قميص ابيض الي النادل
واوصته باحضار بدله اسر لها لتنظفها بنفسها
ذهب النادل واعطي لاسر القميص وكأس عصير لترويق دمه
واخذ البدله واعطاها لفريده وفي دقائق معدوده وعاد النادل بالبدله لاسر
فريده بعد ان اعطت البدله للنادل وبابتسامه شيطانيه :حمام الهنا يا عريس....ههههههههههه
كاميليا من خلفها:خير يا فريده بتضحكي علي ايه
فريده ببراءة مصطنعة:انا ابدا مفيش
كاميليا وهي تنظر لها بنصف عين:عليا انا برضو قري واعترفي عملتي ايه
فريده ولم تعد تتحمل كتم ضحكاتها: هههههههههه استني وانتي هتشوفي
اتي اكرم فاكرينه اللي قابل فريده في المول
وقاطع حديث الفتيات : ممكن ارقص مع اجمل واحدة في الحفله
فريده بابتسامه مزيفه: شور يا اكرم
كاميليا بعد ذهاب فريده :لا فريده ناويه علي مصيبة وا شكلها عملتها
اتي ادم من الخلف بعد ان انتهي مع اسر :الجميل سرحان في ايه
كاميليا: ادم .... ابدا مفيش كنت لسه بكلم فريده
ادم :امال هيا فين
كاميليا: هناك بترقص مع اكرم
ادم وبطريقة مسرحيه:ممكن حضرتك تتكرمي وترقصي معايا
كاميليا بفرحه:اكيد يا ادم
ادم وهو يسحب يدها:طب يلا بينا
عاد اسر الي الحفل وفوجئ برقص فريده مع اكرم
اسر بغيظ:وكمان اكرم لا ديه احلوت قوي
انجي:ها يا بيبي نضفت البدله
اسر بضيق:ايوه
انجي :طب يلا بينا نرقص
ذهب اسر مع انجي للرقص وتعمد كل لحظة ان يصتدم بأكرم
اسر:سوري يا اكرم بس فستان انجي طويل ومش عايز ادوس عليه
اكرم بضيق:ولا يهمك يا اسر عادي
اسر وقد بدا يشعر بشئ ما:يلا يا انجي نقعد انا تعبت وعايز اقعد
انجي:هوا احنا لحقنا يا اسر
اسر وهو يحك في يده:يلا بقي
فريدة وهي تحاول ان تخفي ضحكاتها :
ميرسي يا اكرم علي الرقصة بس لازم اروح اتابع حاجة
ذهبت فريده وهي تقول في نفسها لاسر :اشرب
فلاش باك
بعد ان اخذت فريده بدله اسر وضعت له فيها ما يسمي ببودرة العفريت
علي الجاكيت وفي القميص ولكن بكميات قليلة ولكنها كفيله بجعله يترك الحفل
ويركض الي التواليت ولا تنسوا العصيييييييييييير
فريده :ههههههههه استني عليا ولسه انتي شوفت حاجة
اسر ليوسف الواقف بجواره:ولا يا يوسف
يوسف:نعم يا عريس عايز ايه
اسر :اهرشلي في ضهري
يوسف بدهشه: نعم ......انت بتقول ايه ......اهرشلك
اسر بضيق :بقولك ايه مش وقت تتنيحك بقولك اهرشلي
هموت حاسس ان فيه قبيله نمل ماشيه علي ضهري
يوسف وهو يحاول ان لا يبين ما يفعله:
طب اتاخد كده خليني اقف وراك لحسن حد ياخد باله
اسر وهو يضع يده في جيبه:يلا بسرعة الله يكرمك مش قادر
