اسر في السيارة
اسر انا بنت ال .................. تعمل فيا كدة لولا انها بنت كنت عرفت شغلي معاها
بس برضو مش هعديلها اللي عملته لازم اعلمها الادب
يوسف : ماخلاص يا عم سيبك من الموضوع ده بقي
وشوف انت هتراضي فريده ازاي ولا هتخليها تبص في وشك ازاي
اسر : انا هظبط الامور وهعرف ارجعها ازاي
يوسف : طب انت رايح فين الوقتي
شويه اسر : حاسس اني مخنوق هوصلك البيت واخرج
يوسف : اقولك انا وحشاني فريده وعايز اركبها تصدق
خلاص انا هروح معاك وبالمرة اخد بيها لفه
اسربعصبية: ماتحترم نفسك ايه تركبها ديه
يوسف : ايه ياعم ماتهدي انت دماغك دايما بتفكر شمال
انا علي فريده المهرة بتاعتي
اسر : لا يا معلم كله الا فريده
انا اسمحلك تقرب من اي حاجة الا هي وانت عارف
يوسف : انا مش عارف انت ايه انت لا راضي تعتق ديه ولا ديه
وبعدين فريده ديه بتاعتي انا وسبتك انت اللي تسميها
اسر : لا يا معلم ما دام بقي اسمها فريده يبقي بتاعتي
انسي خدلك غيرها تصدق من ساعة ما اتولدت و شفتها
وقلت لازم تكون اسمها فريده لانها فعلا فريدة زيها
اسر وقد شرد في فريده
كل هذا واسر شارد ويفكر في امر ما ولا ينتبه للطريق
يوسف بزعر : اسررررررررررررررر
عند فريدة التي كانت تجلس في غرفتها مع دادة فاطمه
فاطمة :مالك يا فريده يابنتي مضايقة كدة ليه
فريدة :ابدا يا داده مفيش بس انتي عارفة الشغل وكده
فاطمة :يابنتي ارحمي نفسك شويه مش كله شغل شغل
فريده شارده
فاطمة :برضو موضوع اسر يا فريده
فريده :انا خلاص اسر طلع من حياتي يا دادة
فاطمة :انتي بتحبيه بس بتكابري اتكلمي معاه يافريد تاني متعذبيش نفسك بايدك
فريدة :ربنا يسهل يا دا....................وفاجاة انتفضت فريدة
وهي تضم يدها الي صدرها ولا تستطيع التنفس
فاطمة بخوف: مالك يا فريدة ايه اللي حصلك
فريدة بدموع وتحاول اخد نفسها: مش عارفة يا دادة
فجاة لقيت قلبي وجعني اوي حاسه ان فيه حاجة حصلت
فاطمة :استعيذي بالله يابنتي واهدي مفيش حاجة ويلا علشان تنامي
فريده :معلش يادادة ممكن تخليكي معايا لحد ما انام
فاطمة بضحكة: لسه زي مانتي يا فريدة
طب ولزمته ايه الحركة ديه كنتي قوليلي انك عايزاني افضل معاكي
وبلاش تخضيني عليكي كده
فريدة بابتسامه حزينة وفاطمة تضمها الي صدرها
فاطمة : ارمي حمولك علي الله يا بنتي وهوا هيدبر الامر
بعد ان فاقا من الصدمه كانت سيارة اسر راكبه في الرصيف
يوسف وهو يتفقد نفسه: اشهد ان لا اله الا الله وان محمد رسول الله
اه ياني ياما انا فين استني ايدي اتنين رجلي اتنين يخربيتك كنت هتضيع مستقبلي ماتفوق
اسر بعد مانزل من السيارة بضيق : وش االعربية ادمر اعمل ايه انا الوقتي هوا يوم كان باين من اوله
يوسف : يا عم ما تولع العربية المهم اننا بخير وسلام انا كان ايه اللي ركبني معاك كنت هتجيب اجلي
اسر بعصبية خفيفة:ماتخرص شويه بقي اما اشوف هعمل ايه في ام العربية
يوسف :يا عم اهي تادي الغرض لحد ما نوصل
وبالفعل وصل كل من يوسف و اسر الي الفيلا
في وسط ضيق اسر وحمد يوسف لربه علي سلامته
يوسف وهو يتفقد وجه السيارة بس بجد ربنا يعوض عليك
بصراحة بقت شبه عربيه السردين بس عارف ليه
علشان انت مكنتش بترضي تخليني اسوقها وانا بصراحة كان نفسي فيها
اسر : طب اخفي من وشي بدل ما طلع البلا علي جتتك يا يوسف
يوسف :وعلي ايه ياعم انا داخل اشوفلي حاجة اكلها بدل مانتي مجوعني
وكنت هتاخد اجلي يعني كنت هموت و انا جعان
اسر بعصبية وهو يمسك باداه صلبة ويلقيها علي يوسف الذي فر هاربا :
غور ياض يابن ال................... انا في ايه وهوا في ايه
في مكان اخر حيث شيطانين يدبران لامر ما لافساد حياه فريدة و اسر
