اسر مقبلا يد فريده:ديدي مش معقول كل مرة بتحلوي زياده انا مش قدك
فريده: مش معقول بقي اسر كازانوفا مش قدي انا كده اتغر
اسر :فريده بليز بلاش الاسلوب ده مش لازم ردك الناشف علي طول كده فكيها شويه
فريده :هههههههههه حلو كده بعدين من ناحية الفك حاجات كتييير هتتفك النهارده متقلقش
اسر وقد فهم ماترمي اليه فابتسم في خبث :ديدي حبيبي مش هتقولي ايه سبب الحفله ديه
فريده بخبث ايضا اصبر واللي بيصبر ينول
سليم وقد اتي اليهم ها يا حبيبة بابي عجبتك البارتي
فريده :اكيد يا بابي ديه احلي من البارتي اللي فات
اسر وقد انشغل مع بعض المعازيم
احد المعازيم :اسر بيه احنا بنستعد لمشروع لقريه سياحية علي مستوي وكنا عايزين شركتكم هي اللي تمسك المشروع
اسر :اكيد ده شئ يشرفنا يا فندم نحدد ميعاد ونشوف بعدين
بعد مده قصيرة فريده وقد التفت لها المدعوين ودعت اسر ليقف معها علي المنصه وكان هوا في قمة السعاده حيث ان فريده ستعلن خبر خطبتها منه او هذا ما كان يظنه حيث تاتي الرياح بما لا تشتهي السفن
فريده: اولا انا بشكركم علي حضوركم لحفلتي المتواضعة ديه واكيد الكل متشوق انه يعرف ليه انا عملتها بس علشان مطولش عليكم انا دلوقتي بعلن عن وهنا بدات دقات قلبها تعلو كالاجراس بداخلها بركان علي عكس ما يبدو عليها وايضا اسر الذي يحلق من فرط السعادة
فريده مكملة :انا بعلن عن فض الاندماج بين مجموعة اوجا و النصر
اسر وابتسامه بلهاء لازال لا يستوعب ما قيل منذ قليل
