ليمسك به اسر الغاضب وعيناه المشتغلة ويجره الي مكان بعيد عن الانظار:
تروح تكلم مين ياحيلتها..انت عارف انت عايز تعمل ايه..
انت عارف فريده ديه تبقالي ايه..
حسام بتلقائية:شريكتك في الشغل..
اسر بصوت عالي غاضب :ومراتي يا روح امك..
حسام بصدمه مما قاله اسر:انت بتقول ايه....ومراتك منين..
انت مش خاطب الانسه انجي..
اسر بغضب :لا..انا خاطب فريده..انا وانجي سيبنا بعض ..من زمان..
حسام:بجد ..مكنتش اعرف..بس انت واقف مع انجي
وسايب فريده..وبعدين مش لابس كرافته لون فستانها ليه..
اسر بعصبيه:وانت مال اهلك...انت هتحاسبني..
حسام:طب بما انك سيبت انجي..وانا سامع انك مش
بتحب تفضل مع واحده كتير..ناوي تسيب فريده امته علشان اخطبها ..
اسر بغضب جارف:انت بتستهبل يالا..بتسألني هسيب مراتي امته ...
علشان تخطبها..بص بقي انت النهارده جنيت علي روحك..انا هموتك..
انقض اسر علي حسام واشبعه ضربا..مكملا..
اسر بغضب:عارف يا ابن ال...لو شفتك في حته تاني هموتك..
واياك اسمعك بتنطق اسم فريده علي لسانك مره تانيه هقطعهولك..
حسام بالم:ااااااه..انت مجنون..انت مش عارف انا مين..ده انا ..
اسر بغضب:انت لسه هتتكلم..خد..طرااخ..بووووووم...
اسر وهو يمسكه من ياقه قميصه..شايف الباب اللي هناك ده..
تجري تروح علي امك..سامع..يالا..
حسام وهو يمشي:انا هوريك..وفريده هخطبها برضو..
اسر بغضب :يابن ال....خد هنا ياض..انا هدفنك هنا...
ليركض حسام سريعا ويعود اسر الي الحفله وعلي وجهه
علامات الضيق والغضب..ويسحب فريده وراءه الي الخارج..
فريده:مالك يا اسر فيه ايه ..انت واخدني علي فين..مش بترد عليا ليه..
ليفتح السيارة ويخرج منها الكرافات الخاصة بفريده ويخلع الاولي ويلبسها..
فريده باستغراب:فيه ايه..يعني انت ساحبني وراك لهنا
علشان تلبس الكرافته..وبعدين ايه اللي غير رأيك..
اسر بعد ان انتهي من ارتدائها وامسك بيد فريده واخد يقلب بها
ويري الخاتم من جميع الاتجاهات:ماهو باين اهو امال فيه ايه..
ولا اقولك هبقي اجيبلك واحد اكبر منه..
فريده بعدم فهم:ايه اللي باين..فيه ايه مالك..
اسر :ابدا مفيش ..يلا نرجع علي الحفله..
ومش عايزك تتحركي من جنبي..
فريده:لاااااااا..انت بجد مش طبيعي..فيه ايه..ماتقولي..
اسر:ابدا مفيش..حبيت اجرب الكرافته بتاعتك..
فريده بتهكم :ماهي كانت مش عجباك..ايه اللي جد..
مش الكل بيحلف باناقتك وشياكتك..
اسر:عندك حق.. انا مش بعرف البس..لخصي بقي..
