قصة جنونى وعنادك

الفصل ٦١

فوجئ اسر بصفعه علي وجهه من والده الغاضب

سيف:مكنتش اعرف انك زباله للدرجة ديه..
انت ازاي تجرأ انك تعمل كده في فريده...

اسر بصدمه:انا...

سيف بصوت عالي:انت ايه...هيا ديه الامانة اللي ادتهالك.

..فعلا هيا كان عنده حق لما مكنتش موافقه عليك
...واحنا جبرناها...طلعت عرفاك اكتر مننا...

اسر وهو مطأطأ راسه:يا بابا..انا مكنتش عارف بعمل ايه.
.الغضب و الغيرة كانت عمياني..وبعدين ..

سيف:وبعدين ايه..اقول لابوها ايه.. وانا اللي كنت فاكر
ان ابني راجل هيقدر يحميها..الاقيك اول واحد اذاها..

اسر:خلاص..انا هعرف اصالح فريده..

سيف:حسك عينك تقرب منها تاني...انت متستهلهاش
..انا اصلا هطلقها منك..

اسر بعصبيه:لا..انا لا يمكن اسيب فريده..انا غلطت في حقها اه
..لكن مش هبعد عنها....انا هصلح كل حاجة...

سيف بغضب:هيا كلمه واحدة يا اسر..اوعي تقرب لفريده تاني..انا اللي هقفلك
...يا خسارة...نزلت من نظري..انا مش طايق اشوف وشك..

فريده هتطلقها غصب عن عنك وهجوزها ليوسف...

اسر بغضب:يوسف...يوسف مين ..ده انا اقتله..
محدش هياخد مني فريده ابدا...

سيف :لا...انت متستهلهاش..محافظتش عليها..هيا اصلا مش عايزاك..

اسر:وعزه جلاله الله اللي هيبعد عني فريده انا هقتله..

تجمع علي الصوت العالي ادم ويوسف..
يوسف:فيه ايه يا جماعة...مالك ياعمي ..

سيف:اسمع يا يوسف...اسر هيطلق فريده وانت هتتجوزها...
يوسف بدهشه:نعم...ايه..انا ...

ادم بدهشه:ايه اللي بتقوله ده يا بابا...
سيف :اللي سمعتوه...

ادم:يا بابا مش ممكن...فريده استحاله توافق علي كده..

يوسف بتهكم:وليه ان شاء الله ...مشبهشي...
..ده انا الف واحده تتمناني...

اسر بغضب:انت بتستعبط ...انت عايز تتجوز مراتي
...انا هقتلك..اتجه اسر بغضب ناحيه يوسف وهم بالانقضاض عليه..

يوسف بخوف:وربنا ماقصد...انا قصدي يعني انا مش بفكر في الجواز خالص...

ادم:يا بابا..فر...

سيف بحزم :انا قولتها كلمه..يوسف وفريده هيتجوزا.
..ولا فريده مش عجباك يا يوسف..

يوسف:ايه يا عمي..انت بترميني في وش المدفع.
..فريده مين بس...اينعم البت قمر..ومتتسبش بس..

اسر بعيون مشتعله وهو يحاول الامساك بيوسف المختبئ خلف سيف:
انت كمان بتعاكسها قدامي..كيف جوافه قدامك...انا هقتلك..ابعد يا بابا..