انه اليوم المنتظر اليوم خطوبه اسر وكل يستعد في جهة
في فيلا سيف الدين نصر يستعد اسر للذهاب
لاصطحاب انجي الي الفندق المرفقة له القاعة للاستعداد
يدخل يوسف ليجد اسر مستغرق في النوم
يوسف بصوت عالي ودوشه:اعرييييييييييييييييييس اصحي انتي لسه نايم
اسر بصوت ناعس: عايز ايه يا زفت ع الصبح اخفي من وشي بدل ما اقوملك
يوسف: لا مانتي كده كده هتقوم مش ليا
بس علشان تستعد النهاردة خطوبتك اعريس انت ناسي ولا ايه
اسر بضيق: لا مش ناسي هي ديه حاجة تتنسي
يوسف: امال لسه نايم ليه ده اليوم طويل ورانا
اسر: يعني اعمل في ليله امك السودة ديه ايه
اقوم اتحزم وارقص ع الصبح مخلاص عرفنا هوانتي شايفني العروسه
يوسف: لا العريس بس مش لازمن تستعد
اسر: استعد ليه هي كلها بدله هتتلبس
يعني لا هعمل باديكير ولا مانيكير وميك اب غور بقي سيبني انام بقي
معتزوهو يدخل الي الغرفة: لا يا عريس بس لسه قدامك حاجات كتير
اسر وهو ينهض من الفراش: اهلا انت شرفت انت كمان هو يوم باين من اوله
معتز: لا مش انا بس ده كريم كمان جيه بس عند ادم جوه
اسر: كمان طب بصوا غوروا دلوقتي من وشي وانا شويه و هاجي
يوسف و هويتجه نحو معتز: لا يا برنس احنا النهارده لازقينلك
مش هنسيبك وهنروقك سيبلنا نفسك خالص
اسر وهو يتجه الي الحمام: ليه فاكرينها ليله الدخلة ديه حايلة خطوبه وبس
معتز: ولو ديه مش اي خطوبه دي خطوبتك انت يعني لازم نكون علي سنجة عشرة
انت ناسي انه هيكون فيه مزز السنين هناك
اسر:قول كده طول عمرك مصلحجي حقير انت عايز تظبط نفسك علشان المزز مش تظبطني انا
معتز: شور يا معلم انت عارفني
يوسف: بص بقي يلا علشان تعدي تاخد انجي وتوديها الفندق
علشان تجهز وبعدين سيبلنا نفسك خالص واحنا هنظبطك
اسر: انا مش بخاف غير من كلمه نظبطك منكم ربنا يستر
يوسف:عيب عليك يا برنس ده انت حبيبي
>>>>>>>>>>>>>>>>>>>
في غرفة ادم الذي كان يشعر بالضيق
كريم:خلاص بقي يا ادم فك ديه برضو خطوبه اخوك
ادم:مش قادر مش طايق يا كريم
كريم:معلش تعالي علي نفسك ده اخوك برضو لازمن تقف جمبه في يوم زي ده
ادم: اقف جمبه ده انا عايز ........
كريم: يا عم خلاص بقي اللي خلي فريده بتنظم الليله ...يقولوا ايه بقي اخوه وسايبه
ادم بضيق: خلاص انا هعمل باصلي وهقف جمبه الليله ديه مع اني مش طايقه
كريم: اشطه يا معلم يلا بقي علشان نروح نشوفه
خرج كل من ادم و كريم من الغرفة واتجهوا الي اسر الذي خرج من غرفته مع يوسف و معتز
اسر: اهلا يا خويا اخيرا قررت تخرج من مخباك
ادم: بص مع اني مش طايقك بس انت برضو في الاخر اخويا ومينفعش اسيبك في يوم زي ده
اسر وهو يحتضن ادم:ده العشم برضو يا ادم يا حبيبي
يوسف بحركه مسرحية: اهئ اهئ اهئ تراني تاثرت من هاد المنظر لحظة ابكي
كريم:ايه يا عم انت وهوا قلبتوها دراما كده ليه يلا بينا بقي علشان نلحق نخلص
الكل: يلا
>>>>>>>>>>>>>>>>>>>>>>>
عند فريده كانت قد انتهت من تجهيز نفسها وتجهيز اللوازم الخاصة بها ايضا
فريده لنفسها وهي تتفحص الاشياء: كده تمام اوي مش باقي غير التنفيذ
هههههههههههه خطوبه هنية مقدما يا اسر بيه
اخدت فريده لوازمها واسرعت في الخروج و الذهاب الي الفندق والقاعة لتنفيذ اولي مخططاتها
>>>>>>>>>>>>>>>>>>>>.
في منزل انجي
انجي: بجد يا مامي انا مش مصدقة ان النهارده خطوبتي علي اسر
خلود والده انجي: لا يا حبيبتي صدقي وبعدين هو انتي اي حد
ده انتي انجي السعدني مش اي حد
انجي: بس برضو ده اسر انا كنت فقدت الامل في الموضوع ده
خلود بتعالي: ليه يعني هوا كان يلاقي واحده زيك فين مال وجمال وحسب
انجي : عندك حق يا مامي بس انتي عارفة انا بحبه قد ايه
خلود : عارفه يا حبيبتي عارفة بس يلا بقي علشان اسر قرب يوصل
انجي بفرحة : اوك يا مامي انا ثواني و اخلص
استوب
انجي ديه بنت خاله اسر وبتحبه من زمان هي في سن فريده
وكانت دايما بتحاول تجذب اسر ليها وحاولت تدخل هندسة زي فريده لكن منجحتش في كده
ولما لقيت اسر مع فريده فقدت الامل ولكن مصائب قوما عند قوم فوائد
في جميله بس مش في جمال فريده ودايما كان فيه تنافس مابينهم لكن فريده دايما منفضالها
وصل اسر و اصطحب كل من خالته و انجي الي الفندق
وبعد ذلك ذهب مع باقي الشباب ليبدؤا ما يسمةنه الشباب بالترويق
..............................................
فريده في القاعة وهي تلقي بتعليماتها علي الموظفين وتعطيهم بعض الاشياء
فريده لاحد الموظفين: انا مش عايزة غلطة كل حاجة تبقي مظبوطه
الموظف:تمام يا فندم
فريده: كده تمام و خطوبه مباركه مقدما يا عريس الغفله
.......................
