في مكان اخر حيث شيطانين يدبران لامر ما لافساد حياه فريدة و اسر
سارة وهي تمسك بمغلف ما: كدة حلو اوي
بما اننا خلاص جهزنا كل حاجة يومين ونبدا
كامل : ومالك داخلة حامية اوي كده ليه ماتهدي ع البت
برضو لسه قايمة من موضوع الرهان سبيها تفوق شويه
سارة :ياحنين بقولك ايه اللي اتفقنا عليه لازم يتنفذ
وبعدين خير البر عاجله وبعدين انت مش كان نفسك فيها
كامل وهو يعض علي شفتيه: وحياتك ولسه البت لهطه قشطة تتاكل اكل
سارة بضيق انا مش عارفة انتم ايه اللي عاجبكم في البت ديه
كامل بضحكة خبيثه : قولي ايه اللي مش عاجبني
البت فرسه وانتي عارفة الكل هيتجنن عليها بس برضو هتكون من نصيبي
سارة: بقولك ايه انا مش عايزة هبل و لا تهور
انت تعمل اللي اقولك عليه بالحرف الواحد
كامل: خلاص متزقيش هعمل اللي انتي عيزاه
سارة بخبث: اشوف وش اسر و فريدة بعد مايشوفوا الصور ديه
كامل : طب ده هنبعته لفريدة وده
سارة بابتسامة شيطانيه: لا ده انا لازم اوصله لاسر بايدي
واشوف رد فعله علشان اعرف اعمل اللي انا عيزاه
>>>>>>>>>>>>>>>>>>>>>>>>>>>>>
وبعد يومين في مكتب فريدة وهي تقوم بدراسة بعض الاوراق تدخل عليها السكرتيرة
مريم: انسه فريدة الظرف ده جه لحضرتك
فريدة : ليا انا ومين اللي جابه
مريم : معرفش يا فندم ده جه مع البوسطة ومكتوب عليه خاص لحضرتك
فريدة: طيب ماشي روحي انتي علي مكتبك يا مريم
لم تعير فريدة اهتمام للظرف حيث انها انشغلت في دراسه الاوراق مرة اخري
وبعد مدة وكانت فريدة تتحدث مع ادم في الهاتف
فريدة بهدوء :طب وانت متعصب ليه الوقتي
ادم: ازاي يعني بعد ما اتفق معاه يجي يقولي لا انا غيرت مش عاجبني
فريدة: ادم انت فين الوقتي تعالي
ادم : انا اصلا في الطريق خمسه و تلاقيني عندك يلا سلام
فريدة: سلام
فريدة وقد انتبهت للظرف : ياتري فيه ايه الظرف ده غربية
وانا هغلب نفسي علي ايه انا افتحه و اشوف فيه ايه
فريدة و هي تتجه الي الاريكة لكي تريح نفسها وفتحت الظرف لتتفاجئ بما فيه
علي الطرف الاخر بعد ان انهي اسر عمله وجد هاتفه يدق
اسر مين ده ........ الو
الشخص : هاي يا بيبي
اسر : مين معايا
الشخص : اخص عليك معقوله مش عارف صوتي انا زعلانه منك
اسر بعصبية: انتي هتقولي مين ولا اقفل في وش امك السكة ناقصك انا
الشخص : خلاص حلاص متتعصبش انا سارة
اسر بتعجب و عصبية: سارة انتي ليكي عين تتكلمي
بعد اللي حصل بصراحة مشفتش بجاحة زي كدة
سارة: بالراحة علي نفسك يا بيبي لاحسن يطقلك عرق ولا حاجة
اسر بغضب : انطقي في ليلة اهلك اللي مش معديه عايزة ايه
سارة ببرود : عايزاك
اسر بسخريه: بجد انا مشفتش كدة وبغضب باين في صوته
هوا انا مش قولت اني مش عايز اشوف وش اهلك تاني
ولا انتي بتحبي تتهزئي كل شويه
سارة بغيظ مكتوم:انا قصدي عايزة اقابلك ضروري لازم اوريك حاجة
اسر : وانا قلت لا
سارة بجدية و اصرار : وانا قولت هقابلك يعني هقابلك
ولو مجتش انا هجيلك حتي لحد بيتك وانت عارف مجنونه و اعملها
اسر بنفاذ صبر: طيب هتنيل اقابلك فين
سارة ببسمه انتصار : في مكانا المعتاد يابيبي الشقة اياها انت عارفها طبعا
اسر بضيق : ماشي ساعة وهتلاقيني عندك
بس لو موضوع اي كلام انتي الجانية علي نفسك سلام
سارة بخبث: اي كلام ايه ده موضوع الموسم
.................................................. ..................................
عودة الي فريدة التي كانت مصدومه مما رات
حيث يحتوي المغلف علي صور لها باوضاع مخله مع المدعو كامل
فريدة بصدمة وعيون دامعة : ايه ده ايه اللي بيحصل ده مش ممكن
في هذا الوقت يدخل عليها ادم بدون استئذان
ادم بعصبية: بصي يا فريدة انتي لازم تشوفيلك حل في اللي اسمه منصور ده .......
ده عايز قطع حديث ادم منظر ذعر فريدة والصور التي في يدها ادم وهو يتقدم منها
ادم : فريدة مالك فيه ايه وقد لاحظ الصور في يديها ادم بصدمة بعد ان راي الصور
ادم : ايييييييييييه ده كل هذا وفريدة صامته ادم وهو يهزها في عنف
ادم بعصبية: ايه ده ماتنطقي ايه الصور ديه
فريدة بدموع بعد ان فاقت: معرفش
ادم : يعني ايه متعرفيش مش ده كامل اللي في الصور
فريدة بدموع من بين شهقاتها: مش عارفة انا لقيت مريم مدخلالي الظرف ده
ولقيت فيه الصور ديه وكمان ورقة جواز عرفي عليها اسمي
ادم : وبعدين
قريدة وهي تنظر له بصدمه: معرفش اقسم بالله ماعرف حاجة عن الموضوع ده انت مش مصدقني
ادم :طب هتعملي ايه دلوقتي
فريدة بانهيار : معرفش معرفش
ادم بعصبية : ايه انتي اللي نازل عليكي معرفش بطلي عياط وكلمي الواطي ده
فريدة وهي تنظر له بعدم فهم واستغراب: اكلمه
ادم : اه لازم تكلميه علشان نعرف عايز ايه يلا اهدي وكلميه
فريدة : بس انا مش معايا نمرته
ادم :معايا انا خدي بس متحسسهوش ان فيه حد معاكي يلا
وقامت فريدة بالاتصال بكامل
فريدة وهي تحاول التماسك وقامت بفتح الاسبيكر لكي يسمع ادم : الو
كامل بضحكة خبيثة: هالوووووووووووو يابيبي مدام اتصلتي يبقي وصلتك الصور ايه رايك
فريدة بغضب: انت ازاي تعمل كده الصور ديه مزوره
كامل : اثبتي
فريده : انت بتستهبل انت عارف اني لا يمكن اعمل كده
كامل : اه يابيبي عارف طب وورقة الجواز العرفي يازوجتي العزيزة
فريدة بعصبية: انت عارف انها مزورة واي خبير خطوط هيعرف ده
كامل بثقة: اه بس زي مانتي عارفة علبال ماتثبتي ده
هتكون فضيحتك بجلاجل وبعدين العيار اللي ميصبش يدوش
فريدة : اه يا واطي يازباله
كامل : تؤ تؤ تؤ بلاش غلط يا بيبي انا برضو جوزك
فريدة : جوزوك عقربه يابعيد .... انت عايز ايه
كامل : ايوة كده تعالي معايا ع الخط عايزك
فريده بعصبية: ماتحترم نفسك
كامل : بصي شكلك متعصبية الوقتي انا هسيبك واقابلك بعد يومين في كافيه(...........)
اكيد عارفاه ونتكلم علي رواقه
فريدة : لا مش هاجي
ادم وهو يشير لها بالموافقة علي طلبه
كامل بثقة: لا هتيجي اشوفك هناك بعد يومين الساعة 4 يابيبي
take care يا زوجتي العزيزة ههههههههههههه
فريدة بعد ان انهت المكالمة فريدة : شفت الواطي عايز ايه وبعدين انت ازاي تقولي اقابله
ادم وهو يفكر في شئ ما: ماهو لازم تقابليه
فريدة برجاء: ادم انت مصدقني صح انت سمعت الكلام
ادم : طبعا مصدقك يا فريده وهساعدك
فريدة : ازاي
ادم: انا اقولك...................
<<<<<<<<<<<<<<<<<<<<<<<<<<<<<<<<<<<<
اما عن اسر الذي كان قد وصل الي الشقة لكي يقابل سارة وهو يشعر بضيق شديد
سارة: هاي يا بيبي اخيرا شرفت
اسر: اخلصي وقولي عايزة ايه
سارة: لا لا الموضوع ده عايز قعده يلا ادخل و اقعد
اسر بضيق: اوووف صبرني يا رب اخلصي انا مش فاضي لكلام الحريم ده
سارة: الله يرحم لما كلامي كان زي العسل ومكنتش بتشبع منه
اسر بنفاذ صبر :بصي انتي شكلك فاضية انا همشي
سارة وهي تناوله الظرف :خلاص خلاص اهدي امال متبقاش حنبلي كده خد
اسر باستغراب : ايه ده
سارة بخبث: افتحه وانت هتعرف
قام اسر بفتح المظروف ليتفاجئ بما فيه
اسر بصدمة وعدم تصديق وغضب: اييييييييييييه ده
اه يابنت ال............... انتي ازاي تعملي كده الصور ديه مزورة
اسر وهو يمسك بشعر سارة بعنف المرة دي مش هسيبك انا هدفنك هنا
انا قلتلك فريدة خط احمر بس انتي اللي لعبتي في عداد عمرك
سارة وهي تحاول التخلص من قبضته وبشئ من الخوف
