مرت اسبوع علي اسر وفريده وعاد كلاهما الي العمل الروتيني..
وكان اسر يعامل فريده بطريقة سيئه وكان ينتهز كل الفرص حتي يضايقها
كانت فريده في الموقع ..واسر ايضا
ولكن فريده كانت عند زوزو واتي حمزة لمخاطبتها ولكن لم يجدها...
حمزة:اسر...هيا فريده فين..
اسر بحنق:مش هنا...انت عايزها ليه...
حمزة :ابدا كنت عايزها في موضوع كده...
اسر بضيق:موضوع ايه..اقدر اعرفه...
حمزة:ده موضوع شخصي...
خلاص انا هبقي اشوفها بعدين ...عن ازنك
اسر:شخصي...ماشي يا فريده...ماشي..
>>>>>>>>>>>>>>>>>>>>>>>>>>
في منزل زوزو
زوزو:يا فريدة يا حبيبتي ...مالك بس..انتي مش بتحبيه
...امال ايه اللي مضايقك...
فريده بحزن:تصرفاته معايا يا زوزو...بيعاملني
بطريقه وحشه...وبيقولي كلام غريب انا مش فهماه...
زوزو:معلش يا فريده ..هو بس مضايق من
اللي عملتيه في الخطوبه...وبصراحه له حق..
فريده بضيق:له حق...لا طبعا هوا جبرني
علي الجواز...وانا مكنتش عايزة...
اللي يشوفه يقول اني انا اللي جبرته ..
زوزو:معلش ...هوا شويه وهيهدي...اسر بيحبك..وهتشوفي..
فريده بسخريه:بيحبني...ده زي ما يكون بينتقم مني...انا تعبت..
زوزو:اقولك..حاولي تتكلمي معاه بس بهدوء
يا فريده..اصل انا عارفة جنانك...
فريده بحنق:ربنا يسهل...انا همشي الوقتي يا زوزو.
..عندي شغل ..وبصراحة مش ناقصة اسر يقولي كلمتين...سلام..
زوزو بضحكة:دلوقتي بتخافي من كلامه...
فعلا يا فريده هوا الوحيد اللي هيقدر عليكي...
>>>>>>>>>>>>>>>>>>>>>>>
في الحي
انشراح:ياهندسه...ازيك يا هندسه ..عامله ايه..
فريده:الحمد الله يا انشراح...انتي عامله ايه ..يعني مش باينه
...ولا بتيجي تسالي علي ادم زي عوايدك..
انشراح بخجل:انا الحمد الله كويسه...
بس الصراحة مكسوفه من سي ادم...
فريده باستغراب:مكسوفه....مكسوفه ليه...
انشراح:اصل الصراحه...انا اتقرت فاتحتي
علي سعيد من اسبوع...
وكنت مكسوفه من سي ادم ...يعني علشان
اللي كان مابينا...لحسن ياخر علي خاطره ولا حاجة...
فريده وهي تحاول عدم الضحك:اللي كان ما بينكم...
.لا اطمني يا انشراح...ده اول ما يعرف بكده...هيفرحلك اوي...
انشراح بفرجه:بجد يا هندسه...يعني مش هيزعل مني...
فريده بضحكه:لا ياستي...وبعدين هوا كمان هيخطب قريب...
عموما مبروك يا انشراح....سعيد ابن حلال...
