في منزل فادي بعد عدة ايام..عادت فريده من الخارج كالعاده..
فادي:فريده..
فريده بضيق:يوووه..علينا فصلان كل ليله..انت ايه يابني مبتزهقش..
بص يا فادي من الاخر..انا حرة اعمل اللي انا عايزاه..وانت ملكش حكم عليا..
بغضب:اذا كان هوا ملوش حكم...يبقي انا اللي هحكم يا فريده..
فريده بعدم تصديق:ههههههه...ايه يا فادي انت بتقلد الاصوات دلوقتي..
اسر:بصيلي هنا..ايه اللي منيلاه في نفسك ده..وبغضب...
يانهار ابوكي اسود ايه اللي انتي لابساه ده..
(كانت فريده بالطو ابيض مفتوح ترتدي تحته فستان حمالات
قصيرا جدا وضيق باللون الموف وترتدي بوطا باللون الابيض
يصل الي ما قبل الركبه..وتركت شعرها منسدلا )
فريده وهي تفرك راسها:يخربيتك يا قصي... شكل الهباب
اللي انت ادتهوني ده جامد..الواحد بيتهياله حاجات غربيه..
اسر بغضب:ديه مش تهيات..فوقي..
فريده بتافف:اووووف..انتو عايزين ايه ع المسا كده...
حلو عني هتطيروا الدماغ اللي انا عملاها..
اسر بغضب وهو يمسك ذراعها:دماغ...وياتري
شربتيلك كاسين معاهم علشان يعمروا الطاسه..
فريده:هههههه...حد الله بيني وبينها..بس انت ماسكني
كده ليه..اوعي..انا عايزة انام...انت كده هتفوقني..
اسر بغضب:ده انتي ليلتك سوده علي دماغ
اللي خلفوكي..انا هعرف اربيكي يا فريده..
فريده:ااااااي...اوعي ياسمك ايه انت..
اسر بغضب:وكمان نسيتي اسم جوزك يا
هانم..انجري قدامي انا هعرف افوقك...
فادي بقلق:لك اهدي يا اسر مو هيك..
اسر بغضب وهو يمسك يدها:فين اوضتها..فين..
فادي:هونيك..تاني غرفه ع اليسار..
اسرع اسر بفريده الي غرفتها,,
فريده بالم:ايه ده...ااااااااي...بالراحة شويه ..انت بتعمل
ايه..سيبني بقي..ايه ده انا هنام في الحمام ولا ايه..
قام اسر بفتح المياه البارده ووضع راس فريده تحتها..
فريده بصراخ:عااااااي..ابعد عني..انت بتعمل ايه..المايه ساقعة ...
اسر بغضب وهو ممسك براسها :ده علشان تفوقي..ها..فوقتي ولا لسه..
فريده ببكاء وهي تحاول الابتعاد عن المياه:اهئ اهئ..ابعد بقي ..
اغلق اسر المياه واخذ منشفه ووضعها علي راس فريده
المبتل وسط صراخها المصطحب بالبكاء..
اسر : امشي قدامي..
فريده ببكاء:ابعد بقي عني..انا بكرهك..انت جيت هنا ليه..عايز ايه..
اسر بغضب:كنتي فاكرة اني مش هعرف مكانك واوصلك يا فريده..
لا وكمان حامل ومخبيه عني..اصبري عليا ...ده انا هوريكي ايام سودة..
فريده بعصبيه:طول عمر ايامي معاك سودة وكروهات..
ايه الجديد..ابعد عني..انا بكرهك..اهئ اهئ..
اسر بنبره حازمه:اسكتي وبطلي صويت..هتصحي الناس اللي نايمه..
ظلت تبكي وهو يجفف لها شعرها حتي لا تصاب بالبرد حتي نامت
وهي جالسه من كثرة البكاء..قام بتغيير ملابسها التي طالتها المياه
ووضعها بالفراش ودثرها جيدا وجلس علي الكرسي
المقابل للفراش يفكر ماذا يفعل مع تلك المجنونه..
فلاش باك..
كان اسر في مكتبه عندما رن هاتفه ..
اسر باقتضاب:الو..
فادي:مرحبا معي اسر..
اسر باستغراب:ايوة انا ..مين معايا...
فادي:ليك اسر..انا فادي اخوها لفريده بتتذكرني مو هيك..
اسر بلهفة:ايوة ايوة..هي فريده عندك..
انت تعرف مكانها مش كده..
فادي:ايه اسر فريده هون..بدي ياك تجي ..
اسر:طب قولي فين وانا هاجي علي طول..انا...
فادي:لك اسر اسمعني..فريده حامل ..واكتير حالا مو عاجبني..
اسر بصدمه:ايه...فريده حامل..وبغضب..انت بتقول ايه..انت اتجننت..
فادي:لك اهدي شوي..هاد ابنك..فريده حامل بشي اربع شهور..
اسر بفرحة :انت بتتكلم جد..طب طب هيا فين ادهاني اكلمها..
فادي:اسر..فريده مابتعرف اني بحاكيك..انا
قلتها انك ما الك ذنب بموتو لابوها..بس..
اسر:بس ايه..وبحزن ..مش عايزة ترجع..
فادي:اسر فريده مو طبيعيه..
وشرح له ما تفعله فريده..
اسر بغضب:انت بتقول ايه..انا ..
فادي:اسر بدي ياك هادي راح عاطيك العنوان
بتجي وتحكي معا وتصلح الامور..
اسر:طيب..انا بكره وهتلاقيني عندك..
اخد اسر من فادي العنوان وركض مسرعا الي المنزل
وطلب من يوسف ان يحجز له بطائرة الغد الي تركيا
واخبرهم انه وجد فريده بما قاله فادي له..
باك..
كان يراقبها اثناء نومها فقد اشتاق اليها كثيرا بعد وقت
قصير استلقي بجوارها واحاطها بذراعيه ونام هو الاخر..
>>>>>>>>>>>>>>>>>>>>>>>>>>>>>
نادين بخضه:شوهاد يا فادي..فريده عم تصرخ..
فادي:لا تقلقي نادين اسر معها..هوي راح يدير باله عليها..
نادين:بس يا فادي هوي عم يعيط عليها ..انا كتير قلقانه ليأذيها..
فادي:لا تاكلي هم..ماراح يصير شي..فريده بدا
اللي يكسر راسا اليابس..بلكي بتفوق شوي..
نادين بقلق:فادي الله يوفقك..روح شوفن..
فادي:لك قلتلك لا تقلقي..بعدين شوفي..هنن
سكتوا..نامي انتي وبنشوفن الصبح بكير..
نادين علي مضض:متل ما بدك فادي..بس
شو راح تساوي مع امك..راح تعصب كتير..
فادي:لا..انا راح اتصرف مع امي..المهم هلا
فريده تصير منيحه..نامي حبيبتي..
>>>>>>>>>>>>>>>>>>>>>
استيقظت فريده من النوم:يااه كان حلم غريب..
بس وربنا لما اشوف وشك يا قصي..ايه الدماغ ديه..
عندي صداع دماغي هتتفرتك..احسن حاجة اكمل نوم..
حاولت الاعتدال في نومتها ولكن كان هناك ثقلا عليها لتنظر
باتجاهه وتري اسر فتبتسم وتغلق عينيها لتنام..
وبعد لحظه تفتحهما بشده من المفاجاه لتصرخ وتركل اسر
بقدمها وتوقعه من علي الفراش لينتفض ويستيقظ مفزوعا..
اسر بضيق:يا شيخه حرام عليكي..انتي مش
هتبطلي العاده السوده اللي فيكي ديه ..
فريده بحده:انت ..انت بتعمل ايه هنا..ايه اللي جابك اوضتي..
اسر بتهكم:بعمل ايه..جاي علشان اشوفك بتعملي ايه..
فريده:بقولك ايه..انا دماغي وجعاني..عايز ايه..
اسر :يعني هكون عايز ايه من مراتي..
فريده بسخريه:مراتك...مراتك ده كان زمان..انت فاكر
بعد اللي عملته.. انا ممكن ارجعلك..لا فوق ده انت بتحلم..
اسر بغضب مكتوم:عملت ايه يا فريده ها..موت
باباكي كان قضاء وقدر...احنا ملناش فيه ذنب..
فريده بحده:انت بتستهبل..باباك هوا السبب في موت بابا..هوا
اللي خلاه يوافق ع الصفقه..لو مكنش اقنعه كان زمانه لسه عايش..
اسر:قولتلك قبل كده ..بابا ملوش ذنب..وبعدين انتي عارفة
ان بابا وعمي سليم كانوا اكتر من الاخوات..يعني هوا لو كان
عارف ان كل ده هيحصل كان وافق علي الصفقه..واظن فادي فهمك..
فريده:مش مشكلتي..مهما تقول هوا
السبب في موت بابا والمصايب اللي حصلت..
اسر بغضب:لاخر مرة هقولهالك يا فريده تحترمي
نفسك وانتي بتتكلمي عن ابويا..والا هتندمي..
فريده ببكاء:انا طول عمري ندمانه من ساعة
ما عرفتك..كل حياتي باظت..انت اكبر غلطه
انا عملتها في حياتي وكنت بتمادي فيها..
اسر بنبرة حانيه:فريده..ليه بتقولي كده..انا اكتر
انسان حبك..طول عمري بحاول اراضيكي..
فريده بحده وبكاء:لا..انت كداب ..علي طول بتأذيني..
دايما توعدني انك هتفضل جمبي..واول ما
احتاجك بتمشي..دايما بتسيبني.,,
اسر وهو يتجه نحوها ويحاول ان يضمها اليه وبنبرة حانيه:
اهدي..انا عمري ما هسيبك..انا هفضل معاكي..
وبعدين يا فريده انتي اللي مشيتي وسبتيني..
فريده وهي تبتعد عنه :كفايه بقي...كفايه..انا تعبت..
انت ايه اللي رجعك تاني..انا كنت بدأت اعيش
حياتي وارتاح شويه..انت ليه بتحب تعذبني..
اسر بحدة:وانتي بتسمي اللي بتعمليه ده حياه..فاكرة
بكده هتقدري تنسيني..انك تأذي نفسك ...وتأذي ابنك..
يبقي حياه..انتي بتدمري نفسك..
فريده:بس بقي..انا مش عايزة اسمع صوتك..
ولا عايزة اشوفك تاني..امشي..امشي يلا..
انا حرة اعمل اللي انا عايزاه..
اسر وهو يحاول ان يهدئ من غضبه :فريده..انا عارف انك مضايقة..
وعارف قد ايه انك حزينه علي باباكي..بس قوليلي..لو كان هنا..
كان هيرضيه اللي انتي بتعمليه..يرضيه انك تدمري نفسك..
انك تهملي شغلك ..تبعدي عن حياتك وتختاري حياه زي اللي
انتي عايشاها الوقتي..تفتكري هوا مبسوط من اللي بتعمليه..
فريده الميت بيحس بالحي..وانتي كده بتخلي باباكي زعلان وحزين..
فريده ببكاء:انا..انا تعبت..هوا ليه بيحصلي كده..ليه كل الناس حواليا
بيسبوني..بابا سابني وانت كمان سبتني..اونكل سيف اللي كنت
بعتبره زي بابا ....مامي دايما مش عجباها تصرفاتي..حتي فادي..
حتي فادي زهق مني وقال يتصل بيك علشان يخلص مني..
هوا انا وحشه للدرجه ديه..
اسر وهو يحتضن فريده:متقوليش كده يا حبيبتي كلنا بنحبك..
وانا مش ممكن اسيبك..وبعدين انا جاي علشان اخدك
ونرجع تاني ومش هنكون لوحدنا هيكون معانا ابننا..
فريده وهي تحاول ابعاده:انت كداب ..انت مش جاي علشاني..
انت جاي علشان ابنك..وبعد ما تاخده هتسيبني تاني..
اسر:مش ممكن اسيبك..طب بزمتك انا ازاي سبتك..
كام مرة زعلنا من بعض..كام مره اتخانقنا..كام مرة بعدنا وبرضو
بنرجع تاني..يا فريده احنا قدر بعض..منقدرش نفترق ابدا..
بس انتي اللي مجنونه وعقلك ضارب...
فريده:وانت عنيد ومغرور..وكداب..
اسر برفعه حاجب:انا كداب..طب ينفع كده..ينفع
تشتميني قدام ابني..اعمليلي برستيج قدامه حتي..
فريده وهي تتمسك به:طب اوعدني..اوعدني انك مش
هتسيبني تاني..ويا رب لو سيبتني تكون ميت..
اسر بضحكه:انتي بتدعي عليا يا فريده ..وهو يضمها اليه اكثر ..
عمري ما هبعد عنك تاني..وبعدين يلا بقا عايزين نرجع..بابا مستنينا..
وقالي مترجعش من غيرها...يرضيكي يطردني من البيت..
فريده بكسوف:اونكل سيف هوا اللي قالك كده..
بعد كل اللي قولتهوله..مش زعلان مني..
اسر:طبعا..فريده انتي مش عارفه بابا بيحبك قد ايه..ده انا احيانا
بغير منك ..يابنتي ده انا بحس انك انتي اللي بنته مش انا..
وبعدين يلا يوسف بيلطم ..انجي مش راضيه تتجوزه غير لما ترجعي..
فريده وهي تمسح دموعها :ايه ده هما لسه متجوزوش..
ده انا كنت فاكرة انهم اتجوزوا من زمان..
اسر بضحكه:لا مستنينك..يلا بقي..وبعدين انتي وحشتيني قوي..
وحشني الصحيان وانا واقع علي الارض زي من شويه..ومقالبك..
البيت ملوش طعم من غير جنانك..
فريده بابتسامه:بجد..ما انت اللي مسألتش عليا..وقولت
يلا بالسلامه ..علشان ترجع لقله ادبك وسرمحتك ورا البنات..
اسر بغيظ:ارحميني من لسانك ده..بوظتي ام اللحظه الرومانسيه..
شوفي انا بقولك وحشتيني وانتي تقولي ايه..بت انتي ..قومي معايا
يلا علشان نرجع بيتنا..وليكي عقاب علي اللي قولتيه ده..
وبغمزة عقاب مضاعف فاهمه ها..
فريده بضحكه:لا انسي يا بابا..ويلا بقي قبل ما ارجع في كلامي..
واروح اشوف صحابي..بس تصدق هيوحشوني..
وبالذات قصي والدماغ اللي كان بيعملهالي..
اسر بغضب مكتوم:طب امشي بقي بدل ما افتحلك
دماغك ديه وهنشوف بعدين حكايه سي قصي ده..
<<<<<<<<<<<<<<<<<<<<<<<<<<<
في القاهرة..في منزل سيف الدين..
سيف بقلق:ياتري ايه اللي حصل..اسر متصلش بيا لغايه
دلوقتي ليه..يارب ميكونش اتعصب زي عوايده علي البت...
انا عارفه متهور..بس المرادي مش هسمحله ..فريده امانه في رقبتي..
يوسف:ايه يا عمي ,,,انت بتكلم نفسك..مالك قلقان كده...
سيف:اسر يا جو...مكلمنيش من ساعه ما سافر..
يوسف:متقلقش يا عمي..كل حاجة هتبقي كويسه باذن الله..
سيف:طب ليه مطمنيش..حاجة حصلت..
يوسف ضاحكا:هههه..ولا حاجة..تلاقيه بس لما شاف فريده نسي الدنيا كلها..
سيف:طب هيا هترضي ترجع معاه..يعني هتسامحنا علي اللي حصل..
يوسف مطمئنا عمه:متخافش يا عمي ..انت هتلاقيه راجع معاها
بعد شويه..وبعدين انت مسمعتش اخوها كان بيقول ايه عن حالتها
من غير اسر..هما راجعين..بس استعد بقي للجنان و الخناقات من تاني..
سيف:يرجعوا بس هما الاتنين ...ويعملوا اللي هما عايزينه انت
مش شايف البيت كان وحش ازاي ..واسر من غير فريده كان شكله ازاي..
يوسف:حقه يا عمي..ده انا كنت مستغربه..لا كان بيضحك ولا يتكلم كتير..
وكان كله شغل ..ده انا فكرت بعد ما تسيبه فريده هيرجع للهلس
و السهر علشان ينساها بس حط كل غلبه في الشغل..ربنا يهديهم..
>>>>>>>>>>>>>>>>>>>>>>>
اما علي الجانب الاخر غضبت ليلي بشده عندما وجدت اسر..
ليلي بحدة:انت بتعمل ايه هنا..
اسر:جاي اخد مراتي..
ليلي بغضب:مراتك..بعد اللي عملته فيها..واللي حصلها بسببك..
لا انسي يا اسر فريده مش هتتحرك من هنا..
>>>>>>>>>>>>>>>>>>>>>>>>>>>>
