قصة جنونى وعنادك

الفصل ٥٨

ليلي:هما اتاخروا ليه يا سليم فوق...انا قلقانه...
سليم:مش عارف ربنا يستر..ايه ده اهم نازلين..

توجه الجميع الي المأذون وسأل فريده عن رايها
فريده :انا ...مش...

اسر بهدوء ونبرة مخيفه في اذنها:كمليها كده...
و شوفي هيحصلك ايه..وقد امسك بيدها...
وبصوت عالي هااا...يا روحي قولتي ايه..

فريده بتحدي وهي تنظر في عين اسر:انا..انا...مش ...
بتر كلمتها للمرة الثانيه حضور طارق..

طارق بصوت عالي:معقووله يا جماعة ...بقي عايزين
تكتبوا الكتاب من غيري .....لااااا...انا كده ازعل..

فريده بزعر:ط....طارق...

طارق:ايوة يا عروسه...انتي فاكرة اني ممكن مجيش
كتب كتابك انتي واسر حبيبي...لا ده احنا حتي بينا شراكه..

يوسف:البس...كملت ...الخطوبه باظت...
معتز:شكلها هتقلب ..يامعلم...اسر وطارق...رحنا بلاش

اسر بغضب وهو ينظر لفريده ظنا منه انها هي من احضرته:
طارق...انت بتعمل ايه هنا...

طارق ببرود:ابدا ...حبيت اجي اهني وابارك..واعمل الواجب...
اسر ببرود عكس ما بداخله:ومش عملته...اتفضل هوينا..

طارق:لا لا لا...فيه كلمتين انا حابب اقولهم
ليك علي انفراد انت والعروسه..

فريده بخوف:مفيش حاجة تتقال يا طارق.
..وبعدين انت مش شايف اننا بنكتب الكتاب...

طارق:لا ...ماهو انا مش ماشي من هنا ...الا لما اقولهم...
فريده :قلتل...

ليقاطعها اسر:وماله يا طارق...اتفضل علي المكتب...بعد اذنك يا عمي..
توجه كل من طارق واسر الي المكتب وسحب اسر فريده خلفه ...
>>>>>>>>>>>>>>>>>>>>>>>

ادم:ربنا يستر...الليله ديه مش هتعدي علي خير ...انا عارف..
كريم:ادم..هوا ايه اللي بيحصل بالظبط...طارق عايز ايه..

ادم:علمي علمك يا كريم..انا معرفش اصلا ...مين اللي عزمه..
يوسف:معقوله تكون فريده...لا بجد ..ده كده تكون اتجنت رسمي..
كاميليا معقبه:لا ..مش ممكن..ديه تبقي عايزة تقلبها دمار..

>>>>>>>>>>>>>>>>>>>>>>>>>
في المكتب
اسر :خير...كنت عايز ايه...
طارق:ابدا..انا بس كنت عايز اعرف النظام الجديد...

اسر بغضب:نظام ايه يا روح امك...هوانت فاكرني شركه اتصالات..
طارق:تؤتؤتؤ...بلاش غلط...انا بدي بس افهم ..انا هيكون دوري ايه الوقتي..

اسر بعدم فهم:قصدك ..ايه...وبعصبيه..انت هتستظرف
وتقول الغاز..ماتخلص في يوم اهلك اللي مش فايت..

طارق:انا افهمك...الحلوة ديه كلمتني واتفقت معايا
..اني اكون شريك في المشروع..وده ليه...علشان كانت متغاظه منك.
..وحبت انها تنتقم منك بيا...الاول اننا نضايقك في المشروع.
.وبعدين انت تسيبه وانا اخده..وتدفع الشرط الجزائي.. وتخربيتك...