قصة جنونى وعنادك

الفصل ٦٧

اسر بغل وهو يجذ علي اسنانه:سمعتك علي فكرة..
بقي انا مكسح...تعالي هنا..

فريده :نعم عايز ايه..

اسر :الله..انتي قلبتي..ما كنتي كويسه من شويه..ولا انتي بس
بتتكلمي كويس معايا لما بكون عيان ومش واعي..

فريده بتهكم:قصدك ايه..بص من الاخر..انت خلاص بقيت
كويس فمفيش داعي لكل ده..خلصنا..

اسربقلق:يعني ايه..مش فاهم..انتي مش سامحتيني..
فريده:مين قال كده...

اسر بتهكم:امال اللي كنتي عملاه ده كله ليه...العياط..وبحبك يا اسر ..
وهستناك ..ومش هسامحك غير لما ترجعلي..وضربك للدكتور..كل ده عادي..

فريده بارتباك:هااا..ابدا ..بس كنت حاسه بالذنب مش اكتر ..
لكن دلوقتي خلاص..بعدين انا ميهمنيش حالك..

اسر متظاهر بالتألم:اااااااه..

فريده بلهفة وخضة:اسر ..انت كويس يا حبيبي..اندهلك الدكتور..
حاسس بايه..حاجة وجعاك..

اسر:اااااااااه..قلبي اللي واجعني من عمايلك..وبسخريه..
لما انتي بتحبيني كده..ليه العند ده..بحبك يا مجنونه..

فريده بتهكم:عند..ومجنونه ..في جمله واحده..ماشي يا اسر..

دلفت الممرضه للغرفة وتفحصت الحال..

الممرضه:لو عزت اي حاجة يا فندم اندهلي وانا هاجي علي طول..

اسر بابتسامه:ان شاء الله..
وبعد خروج الممرضه..

فريده بغيظ:عينك يا بشمهندس..
اسر باستفهام:عيني..مالها..فيها حاجة..

فريده بغيظ:عينك هتطلع علي الممرضه..
حتي وانت مخرم كده مش عاتق..

اسر بغيظ :مخرم..ليه شيفاني جلبيه..عشان تقولي مخرم...
ماشاء الله علي ملافظك....وليستفذ فريده..بس بصراحة البت حلوة..

فريده بغضب وهي تضربه علي كتفه:احترم نفسك...ايه انا مش ماليه
عينك اللي كانت عايزة رصاصة ديه بدل ايدك..

اسر متألما:اااااه...حرام عليكي يا مفتريه..كتفي..
فريده:تستاهل..علشان تبقي تبص تاني..

اسر بخضه:ايه يا فريده انتي هتتحولي ولا ايه..شعرك احمر زياده كده ليه..

فريده:اكيد..ده انا ممكن اتحول واولع فيك الوقتي..

اسر بضيق:يا فريده الله يكرمك ..انا اصلا مش بحب اللون ده..
عندي عقده منه..مش كفايه قصيتي شعرك..غيريه والنبي..

فريده بابتسامه خبيثة:مانا عارفة ...وعلشان كده انا عملته..
وهسيبه كده..ان كان عاجبك..

اسر:انا عارف من الاول انك مفتريه وشرانيه ..بس اعمل ايه
ادبست فيكي بس ملحوقة ..اول ما ابوكي يجي هرجعك ليه..