قصة جنونى وعنادك

الفصل ٧٠

فريده بضحكه:ايه يا جو مش هتعزم علي انجي..
بحاجة تشربها ولا تاخدها ترقص معاك..

اسر:ليه ماهو الجرسونات مالين القاعه هياخدها معاه ليه..
فريده وهي تضغط علي قدم اسر:معلش..يلا يا جو خد انجي..

اسر:ااااااه..بتدوسي علي رجلي ليه..
يوسف بفرحه:يلا يا انجي..خلينا نشرب حاجة..

انجي بخجل:بس انا مش عايزة...

فريده:معلش روحي معاه..بدل ماتقفي لوحدك..
اصل انا واسر هنروح ونشوف الفقرات..يلا يا اسر..

اسر:فقرات ايه..احنا مش خلصنا ..

فريده وهي تسحب اسر خلفها وتجذ علي اسنانها:
معلش..هنأكد عليهم تاني..

يوسف:عامله ايه يا انجي..
انجي:كويسه يا يوسف..

يوسف:ايه رايك نرقص ..اصلي بحب الاغنيه ديه قوي..
انجي بابتسامه:اوك..زي ما تحب..

اسر:ايه يا فريده ..مالك سحباني كده ليه..
وفقرات ايه اللي انتي بتقولي عليها..

فريده:يا اخي افهم..ايه انت مش شايف يوسف وانجي..
اسر:مالهم يعني..انا مش عارف انتي بتتكلمي علي ايه..

فريده بابتسامه:يا حبيبي انا اري في الافق قصه حب ستبدأ...هههههه
اسر:افق ...وقصه حب..مش فاهم بصراحة..

فريده بنفاذ صبر:مكنتش اعرف يا اسر ان مخك تخين كده..
انت مشفتش يوسف اول ما لمح انجي جه جري ازاي..
وازيك يا اسر..وعامل ايه وواحشني..ايه مالك..

اسر:قصدك انه كان بيقصد انجي....وانا الكوبري
اللي في وسطيهم..ااااه يابن ال.... وربنا لوريك يا يوسف..

فريده:توريه ايه...ومالك محموق قوي كده ليه..
وبنظره تهديد..ايه عينك منها ولا ايه..

اسر:ايييييه..انتي بتبوصيلي كده ليه..وربنا ما اقصد..
انا كل اللي عايز اقوله .. يوسف عمره ما قالي ولا حتي لمحلي
علي حاجة زي ديه..وبعدين ....يعني ان يوسف مش بتاع ارتباط وجواز..

فريده بتهكم:والله..ليه ماهو زيك بالظبط..وبعدين مشفتوش
وانت في المستشفي لما جت كان لازق في الاوضه معانا..
اصبر بس وهتقول فريده قالت..

اسر بضحكه:هههههه..ماشي يا ست الخاطبه..يلا تعالي نرقص..
فريده بضحكه:هههه..يلا يا حبيبي..
>>>>>>>>>>>>>>>>>>>>>>>

يوسف وهو يرقص :تعرفي انك وحشتيني من يوم المستشفي..
انجي:الله بقي يا يوسف..ايه اللي انت بتقوله ده..

يوسف:مش بقولك الحقيقة..بجد يا انجي..
انا مبسوط قوي اني شفتك النهارده..

انجي:بس بقي يا جو...امال التليفونات
اللي انت هاريني بيها ديه ايه...

يوسف:اديكي قولتي..السمع غير الشوف يا انجي..

انجي:بصراحة مش مصدقاك..اصل انت بتاع
بنات يا جو..وانا اخاف تكون بتلعب عليا..