ليتصل يوسف بانجي ويبدا الحديث معها وتتركه فريده وتذهب الي ركن
في الحديقة..ويلفت انتباهها شجرة مانجو وهي من الفواكه التي تعشقها..
حاولت فريده الوصول الي ثمرة ولكنها لم تستطع ان تمسك بواحده لذلك
قررت الصعود الي الشجرة وقطف المانجو..
صعدت فريده الي الشجرة وبدات في قطف المانجو واكلها..
فريده وهي تاكل:ممممممم...جميله قوي..شكلي النهارده هقضيها هنا..
>>>>>>>>>>>>>>>>>>>>>>>>
كان يوسف منشغلا مع انجي في الهاتف
يوسف:يا انجي قولتلك كنت مشغول..واديني اتصلت..
انجي:مليش دعوة برضو...انا اتصلت بيك وانت طنشتني..انا زعلانه..
يوسف:والله مكنش قصدي..مكنتش سامعه..معلش ياحبيبتي..
انجي:يا جو قلقت عليك كتير..
يوسف بضحكه:تسلميلي يا قلبي..خلاص بعد كده هبقي
اخد بالي من الفون..قوليلي..قررتوا هترجعوا امته..
انجي:اسبوع بالكتير يا جو..بس مقولكش..السفريه
جت في وقتها..جبت حاجات كتير من هناك..
يوسف:المهم انك تكوني مبسوطه يا قلبي..
يلا سلام الوقتي...اكلمك بعدين..
انجي:سلام ياحبيبي..
يوسف بحب:سلام يا روحي..
اسر من خلفه بسخريه:ياعيني ع الحب..
يوسف بخضة:اسر..يااخي خضتني..
اسر بسخريه:سلامتك من
الخضة يا عينيا..بتعمل ايه ياض هنا..
يوسف:ابدا يا عم..مراتك كانت عايزة تتمشي
جيت معاها..ماهو انا خدام اللي خلفوكم..
اسر وهو ينظر حوله:فريده هنا..امال مش شايفها يعني..
يوسف:ابدا يا عم ديه هيا هناك اهي..لينظر يوسف
ولا يجد فريده..ليكمل..ديه كانت هنا من دقايق راحت فين..
اسر بحده:اكيد حضرتك متنيل مشغول
في التليفون ومش عارف راحت فين..
يوسف:ياعم والله كانت هنا..قالتلي انها هتروح لهناك..
اسر بعصبيه:قدامي..لما اشوف راحت فين..
بحث اسر ويوسف عن فريده..ونادي
عليها اسر بقلق..ليأتيه صوتها..
اسر:فريده...يا فريده انتي فين...
فريده وهي تأكل المانجو:الله ده صوت اسر..ايه اللي جابه هنا..
لتنظر لاسفل وتجده ويوسف يبحثون عنها..لتنادي عليه..
فريده:اسر..انا هنا..
يتلفت اسر حوله لمعرفه من اين الصوت ولكنه لا يجدها..
اسر:انتي فين..
فريده:ايه يا عم بص لفوق..لينظر اليها ويجدها
علي الشجرة تلوح له..هاي حبيبي عامل ايه..
اسر بفزع:انتي بتعملي ايه هنا..طلعتي ازاي..
يوسف بخوف:يا ليله سودا..بتعملي ايه عندك يا فريده..
