وصل ادم الي المكان الذي اخبره يوسف عليه ولكنه وجد السيارة فارغة
ادم لنفسه:الله امال راحو فين دول العربيه فاضيه مفيهاش حد
قام ادم بالاتصال بيوسف ليخبره بوصوله
ادم:الو........... ايوه يا يوسف انتو فين انا وصلت
يوسف:ايوه يا ادم بص احنا في كافيه(.......)
اللي اول الشارع ده بص قدامك وهتلاقيه
هاااا شفته
ادم :ايوه شفته تمام انا ثواني وجي
وصل ادم الي الكافيه وخرج كل من اسر ويوسف و انجي
التي قد افسد مكياجها بسبب البكاء
ادم وهو ينظر اليهم:ايييييييييه ده مين اللي عمل فيكم كده
وانت يا اسر ماله وشك مصفر ومبهدل كده ليه
اسر بضيق:بص اطلع بام العربيه ديه وانت ساكت انا تعبان
ومش قادر ارد يلا وصل الاول عروسه الهنا ديه الاول
وبعدين هوا ع البيت انا تعبان موت
ادم وهو ينظر ليوسف: حاضر يا عم .......
وبصوت هامس ليوسف:ايه اللي جراله
يوسف بنفس الصوت:علمي علمك ...........
بص سوق بينا ع البيت لحسن يتجنن علينا زياده
اوصل ادم انجي الي منزلها وذهب مسرعا الي منزله وعندما وصلوا
سيف الدين:اهلا بالبيه اللي فضحنا ديه عمله تعملها يا اسر
فرجت علينا الناس وايه اللي مبهدلك كده
اسر بضيق:بص يا بابا اتكلم زي منتا عايز بس مش دلوقتي
انا هموت من التعب فياريت ناجل المحاضرة لبكرة
سيف الدين:محاضرة .......فعلا انت مش متربي
اسر وهو يصعد لغرفته مسرعا لدخول الحمام:قلت مش وقته انا تعبااااااااااان
يوسف ليهدئ عمه الثائر:معلش يا عمي سيبه الوقتي هوا فعلا تعبان
سيف الدين:وايه اللي تاعبه ان شاء الله ........
و ليوسف:وانت يا سي يوسف ايه اللي هببته في الحفلة كنت واقف وراه بتهبب
ايه فضحتونا الناس سمعتني كلام زي الزفت
يوسف ببراءه:ابدا والله يا عمي كل الحكايه ان اسر باين حسس من الفراوله
اللي اتكبت عليه فكنت بهرشله في ضهره
سيف الدين:نعم يا خويا بتهرشله قدام الناس ليه مفيش حمام
بصوا انا بصراحة شيلت ايدي منكم انتو هتموتوني يا هتشلوني
ادم:معلش يا بابا بس فعلا اسر مش عارف ايه اللي حصله وهوا فعلا تعبان
واثناء ذلك سمعوا صراخ اسر فركضوا جميعا الي غرفته
ادم:ايه يا اسر مالك فيه ايه
اسر:ااااااااااااه مش قادر بطني بتتقطع
سيف الدين:تلاقيك مبلبعلك حاجة هو انت هيجيب اجلك غير اللي بتشربه
انت والحمار التاني وهو يشير الي يوسف
يوسف:متشكر يا عمي دايما شاملني بافضالك
اسر:ااااااااااه مش قادر حد يطلبلي الدكتور
طلب ادم الدكتور والذي اسرع في الحضور وعندما كشف عليه اعطاه ابره لتهدأته
الدكتور:واضح ان حضرتك واخد ملين وهوا اللي مخليك داخل الحمام عمال علي بطال
اسر بتعب:بس انا مخدتش حاجة
يوسف:ازاي يا دكتور النهارده كانت خطوبته يعني مش ممكن يعمل كده
الدكتور :يبقي اكيد حد حب يهزر معاك بس هزار بايخ شويه
ومكفهوش ده لا ده حطلك بودرة عفريت وهي اللي عملتلك الحساسيه ديه
ادم لنفسه: ايه بودرة عفريت وملين وكمان الالوان ديه بس مفيش غيرها اللي تعمل كده
الدكتور:عموما الابره ديه هتريحك وبكره هتكون كويس
بس عايزك تاخد دش دافي وتدهن بالكريم ده
وكل شئ هيكون تمام والف سلامه عليك يا اسر بيه
بعد رحيل الطبيب
سيف الدين :اكيد حد من صحابه الصيع هما اللي عملوا كده
منا عارف الاشكال اللي انت مصاحبها
ادم ليلطف الجو:معلش يا بابا نسيبه يرتاح
سيف الدين :مفيش فايده وتركهم ورحل
ادم :بص يا معلم انا هروح اشوف شويه جاز علشان نطلع الالوان
اللي في ايدك ووشك دول وبعدين ندهنلك الكريم ده انا و الواد يوسف
يوسف :وعرفت منين ان الالوان ديه بتطلع بالجاز
اوعي تكون انت يا ادم اللي عملت كده
ادم:انت عبيط يابني انت اعمل في اخويا كده لا طبعا ........
انا بس عارف النوع ده من لاللوان بيطلع بالجاز.......
انا مش هرغي كتير انا هنزل اجيب الجاز واجي
احضر ادم الجاز وقام بمسح الالوان عن اسر ودهن جسمه بالكريم وتركوه ليرتاح
اسر لنفسه:مش عارف ليه شامم ريحة فريده في المقلب ده
بس لا هيا هتجيب الحاجات ديه منين وبعدين هوا فيه حد يبوظ حفلته
يمكن حبت تنتقم مني
لا لا لا الحاجات ديه ميعرفش يجيبها غير واحد صايع لافف انما فريده تعرف منين
بس افوق واعرف مين الللي عمل العمله السوده ديه وانا هفرمله
>>>>>>>>>>>>>>>>>>>>>>>>>>>>>>>>>>>>
في الصباح
في منزل انجي حيث كانت تبكي علي ليله خطوبتها
انجي:اعاااااااااا ... الخطوبه باظت
خلود:انتي بتعيطي علي الخطوبه ولا علي منظرنا اللي باظ قدام الكل
انجي: يا مامي ده اسر مش طايقني وكان عمال يتعصب عليا
خلود:ما انتي اللي غبيه مش تفتحي كبيتي عليه العصير
انجي :اعااااااااااا مكنش قصدي البنات الصغيرين
هما اللي خبطوا فيا وانا اعرف منين انه هتجيله حساسيه
خلود:انا لازم اعمل حاجة ترجع برستيجنا اللي باظ امبارح
الكل كان بيتكلم علينا والتليفونات شغاله من الصبح بيسالوا علي اللي حصل
انجي:طب واسر يامامي ده حتي مكلمنيش من امبارح
خلود:شوفي انا بتكلم في ايه وانتي بتتكلمي في ايه بقولك روحي من وشي
انجي:منا بحاول اكلمه مش بيرد عليا هوا زعل مني ولا ايه اعاااااااااا
خلود:انا ماشيه سيباكي انا معنديش اعصاب ليكي ولزنك..... اووووووف
<<<<<<<<<<<<<<>>>>>>>>>>
في الصباح في الشركه حضر ادم
وبالطبع لم ياتي اسر من التعب اتجه ادم الي مكتب فريده
ادم بضيق:كده برضو يا فريده ديه عمله تعمليها برضو
فريده بعدم فهم:عمله ايه يا ادم انا عملت ايه
ادم:عليا انا برضو يرضي مين اللي عملتيه في اسر الواد كان هيموت امبارح
بودرة عفريت وملين يا فريده ده اسر من امبارح مقيم في الحمام
فريده تنظر له بدهشه :انت ........انت عرفت منين
ادم: وانا هتوه عن عمايلك برضو وقال ايه امبارح بدله اسر باظت روح يا ادم
خليه ينضفها واديله العصير ده لا خد القميص ده وانا هتجن من افعالك
اتاريكي بترقديله علي مصيبه وكله كوم و الالوان ديه كوم
بقي يامفتريه ملقتيش عير الالوان ديه علشان تحطيهاله
الوان لاتطلع بميه ولا مزيل لازم جاز ولا الماده اللي في العربيه
بوظتي فرش العربيه وبدله اسر و فستان انجي
هنا فريده لم تستطع منع ضحكاتها:ههههههههههه بجد
ادم:كمان بتضحكي انا كنت عارف انك هتعملي حاجة ....بس مش بالمنظر ده
فريده:امال عايزني اعمل ايه اخوك ببجاحته جاي يقولي
احجزيلي ونظميلي الخطوبه وانا ايه مفيش ليا مشاعر خالص
يحمد ربنا انها جت علي اد كده ومتقلتش العيار حبه
ادم:كل ده ومتقلتيش العيار امال لوكنتي تقلتيه كنتي عملتي ايه
كنتي ولعتي فيه ولا قتلتيه ............علي فكرة اسر لو عرف
انك ورا اللي حصل ده مش هيسكتلك ده متحلف للي عملها وبصراحة عنده حق
فريده لكي تخرج من الموضوع:بقولك ايه سيبنا من الموضوع ده
حفله تفوت ولا حد يموت .........
خلينا في الشغل اللي ورانا فاضل بس يومين...... هنعمل ايه في شغل الشركه
ادم:بصي زي كل مرة هنخلي اسر ياخد الصبح
واحنا بعد الضهر ولو فيه اجتماعات ولا حاجة نبقي نيجي نحضرها
فريده :كده تمام قوي ...وانت ضبط المواضيع مع اسر ....
بس يا ادم محدش لازم يعرف حاجة
ادم:اكيد يا بنتي هي اول مره يعني يلا وربنا يعينا
فريده : امين ......ربنا معانا احنا بنحقق حلمنا وحلم ناس كتيير يا ادم
ادم:اسيبك انا دلوقتي واظبط شويه حاجات ورايا واتصل اطمن علي اسر بالمرة
فريده بضحكه:ابقي سلملي عليه وقوله فريده بتقولك سلامتك هههههههههه
ادم:لا و الله تقتل القتيل وتمشي في جنازته انا ماشي من هنا
بعد خروج ادم:ههههه تستاهل يا اسر انا لو كنت فضيالك كنت وريتك الويل
بس حظك اني هكون مشغوله اليومين دول
بس الايام جايه كتير وانتي يا ست انجي استني عليا
>>>>>>>>>>>>>>>>>>>>>>>>>>>>
