قصة جنونى وعنادك

الفصل ٨٦

ليلي بحزم:فريده مش هتروح حته معاك..
اسر بعصبيه:يعني ايه..انا مش همشي من غيرها..

ليلي بغضب:لا هتمشي..فريده منهارة ..وانا مش
هسمحلك انك تاخدها وتكمل عليها..كفايه لحد كده..

اسر بغضب:وانا مش متحرك من هنا الا وهيا معايا ..انا هطلع اجيبها..

لتمسك به فاطمه:معلش يا بني فريده اعصابها تعبانه
وكمان نايمه الوقتي ..سيبها يومين وبعدين تعالي واتكلم معاها..

اسر باصرار:لا...

فاطمه:يابني مش هينفع تتكلموا دلوقتي..وخصوصا وانت
بالحاله ديه..لو بتحب فريده سيبها اعصابها ترتاح وبعدين اتكلموا..

ليزفر اسر في ضيق:ماشي..هما يومين وهاجي
اخدها..ولو مش بالزوق..يبقي بالعافيه..

ليلي:شرفت يا بشمهندس..لتكمل ليلي بعد ذهاب اسر..
فعلا فريده عندها حق احنا لازم نمشي من هنا...

حجزت ليلي تذاكر الطائرة...واخبرت فريده بذلك..
وقامت بالاتصال بفادي واخبرته بقدومها هي وفريده
غدا علي اول طائرة متجهة الي تركيا..
>>>>>>>>>>>>>>>>>>>>>>>>

عاد اسر الي المنزل

سيف:كنت فين يا اسر..
اسر وهو مكفهر الوجه:كنت في فيلا الحسيني..

سيف بقلق:وكنت بتعمل ايه هناك يا اسر..

اسر بغضب:فريده سابت البيت وراحت هناك..
وقالت لامها علي اللي حصل ..و

سيف بترقب:وبعدين..ليلي قالت ايه..

اسر بحده:يعني هتقول ايه..زي فريده طبعا....انا كنت
هجيبها..بس الداده قالت انها نايمه وتعبانه ويومين وهروح اجيبها..

سيف:خير ما عملت يا اسر..كويس انك سيبتها يومين تهدي وبعدين نتكلم..

اسر بضيق:انا طالع الاوضه ومش عايز اشوف حد الوقتي ..

سيف بأسي:ماشي يا اسر علي راحتك..
>>>>>>>>>>>>>>>>>>>>>

بعد يومان اتجه اسر الي فيلا الحسيني لاخذ فريده
ولكنه لم يجد هناك احد الا حارس الفيلا الذي اخبره
بسفر فريدة ووالدتها مما اصابه بالغضب الشديد..

اسر بغضب:يعني ايه مش موجودين..راحوا فين..
الحارس:معرفش يابيه والله..

اسر بعصبيه:متعرفش ازاي..انت مش حارس المخروبه ديه..

الحارس:يابيه كل اللي اعرفه ان الهانم الكبيرة اخدت
ست فريده وسافرت امبارح الضهر وقفلوا الفيلا ..
وادت كل الشغالين هنا اجازة مفتوحة..ومفيش غيري هنا..

اسر بحده :سافروا...سافروا علي فين..انطق..

الحارس بخوف:والله ماعرف..ماحدش قالي
علي مكانهم..حتي فاطمه مشيت ..